नवी दिल्ली, 23 ऑक्टोबर 2025

विज्ञान आणि तंत्रज्ञान तसेच पृथ्वी विज्ञान विभागाचे स्वतंत्र प्रभार राज्यमंत्री डॉ. जितेंद्र सिंह यांनी आज संसद भवनात भारताचे उपराष्ट्रपती सी. पी. राधाकृष्णन यांची वरिष्ठ मंत्रालयीन अधिकाऱ्यांसह भेट घेतली.

या भेटीत, उपराष्ट्रपतींना विविध मंत्रालयांकडून चालविण्यात येणाऱ्या प्रमुख उपक्रमांविषयी आणि कार्यक्रमांविषयी माहिती देण्यात आली. या उपक्रमांचा उद्देश वैज्ञानिक संशोधन व नवोन्मेष प्रोत्साहन, तंत्रज्ञान विकास व व्यापारीकरण, जैवतंत्रज्ञान, क्वांटम संगणन व सायबर सुरक्षा प्रणाली, तसेच हवामानशास्त्र, महासागर व हवामान अभ्यास आणि आपत्ती जोखीम कमी करण्याच्या क्षेत्रातील प्रगती साधणे हा आहे.

उपराष्ट्रपती राधाकृष्णन यांनी भारताच्या नवोन्मेष-प्रेरित वैज्ञानिक परिसंस्थेला बळकटी देण्याबद्दल आणि सीमारेषीय तंत्रज्ञान क्षेत्रातील संशोधन प्रगतीबद्दल मंत्रालयांचे कौतुक केले. त्यांनी भारताच्या ग्लोबल इनोव्हेशन इंडेक्समध्ये 2015 मधील 81 व्या स्थानावरून 2025 मध्ये 38 व्या स्थानापर्यंत झालेल्या उल्लेखनीय प्रगतीचे अभिनंदन केले. यासोबतच देशातील पेटंट्स, वैज्ञानिक प्रकाशने आणि तंत्रज्ञान-आधारित वाढीतील झपाट्याने झालेल्या वाढीची नोंद घेतली.

उपराष्ट्रपतींनी भारताच्या लसी विकासातील यश, ‘भारत जेनएआय’ या स्वदेशी मोठ्या भाषा प्रतिमानाचा विकास, तसेच क्वांटम संगणन क्षेत्रातील प्रगतीबद्दल समाधान व्यक्त केले. त्यांनी नीतिमूल्याधारित जैवतंत्रज्ञान संशोधनाची गरज अधोरेखित केली आणि तरुणांना विज्ञान क्षेत्रात करिअर घडविण्यास प्रेरित करण्याचे आवाहन केले. तसेच उद्योग क्षेत्राशी सहकार्य वाढविण्यावर भर दिला.

हवामान अंदाजातील वेगवान सुधारणा आणि भारताच्या ‘ब्लू इकॉनॉमी’ मधील अपार संधी अधोरेखित करत, उपराष्ट्रपतींनी जागतिक भागीदारीच्या माध्यमातून भारताला विज्ञान आणि तंत्रज्ञानाच्या आघाडीवर ठेवण्यासाठी सातत्याने प्रयत्न करण्याचे आवाहन केले.

Hon’ble Union Minister of State (I/C) for Science & Technology and Earth Sciences, Dr. Jitendra Singh, along with senior officials from the Ministries, called on Hon’ble Vice-President Shri C. P. Radhakrishnan at Parliament House today.

During the meeting, the Vice-President was… pic.twitter.com/ZRROSzM4tJ

— Vice-President of India (@VPIndia) October 23, 2025

नेहा कुलकर्णी/गजेंद्र देवडा/प्रिती मालंडकर

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai