যোগাযোগ আৰু উত্তৰ-পূৰ্বাঞ্চলৰ উন্নয়ন বিভাগৰ কেন্দ্ৰীয় মন্ত্ৰী শ্ৰী জ্যোতিৰাদিত্য এম সিন্ধিয়াৰ সভাপতিত্বত আজি উত্তৰ-পূৰ্বাঞ্চলৰ উন্নয়ন মন্ত্ৰালয় (এমড’নাৰ), ডাক বিভাগ (ডিঅ’পি), আৰু দূৰসংযোগ বিভাগ (ডিঅ’টি)ৰ এবছৰীয়া সাফল্যৰ (আগষ্ট ২০২৪ – ছেপ্টেম্বৰ ২০২৫) এক যুটীয়া সংবাদ মাধ্যমৰ ব্রিফিং অনুষ্ঠিত হয়। অনুষ্ঠানত যোগাযোগ ৰাজ্য মন্ত্ৰী ড০ চন্দ্ৰ শেখৰ পেম্মাছানী, শিক্ষা আৰু ড’নাৰ ৰাজ্য মন্ত্ৰী ড০ সুকান্ত মজুমদাৰ আৰু শ্ৰী চঞ্চল কুমাৰ, সচিব ড’নাৰ উপস্থিত থাকে।

মাননীয় প্ৰধানমন্ত্ৰী শ্ৰী নৰেন্দ্ৰ মোদী ডাঙৰীয়াৰ দূৰদৰ্শী নেতৃত্বত উত্তৰ-পূব অঞ্চল বিগত এটা বছৰত এক উল্লেখযোগ্য পৰিৱৰ্তন সাক্ষী হৈ আহিছে। সংবাদ মাধ্যমক সম্বোধন কৰি শ্ৰী সিন্দিয়াই এই অগ্ৰগতিৰ বাবে গৌৰৱ প্ৰকাশ কৰি উল্লেখ কৰে যে প্ৰধানমন্ত্ৰীৰ নিৰ্দেশনাত মন্ত্ৰালয়ে সংস্কাৰ, প্ৰসাৰ আৰু ফলাফলৰ তিনিটা স্তম্ভত আগবাঢ়িছে, আন্তঃগাঁথনি, বিনিয়োগ, শাসন, আৰু যুৱক-যুৱতীৰ সংযোগৰ ক্ষেত্ৰত অভিলেখ সৃষ্টি কৰিছে। তেওঁ কয়, “উত্তৰ-পূবে আজি এখন নতুন ভাৰতৰ মনোভাৱক প্ৰতিনিধিত্ব কৰে— শক্তিশালী, সংযুক্ত, আৰু ভৱিষ্যতৰ প্ৰতি সাজু। প্ৰধানমন্ত্ৰীৰ দৃষ্টিভংগীৰ দ্বাৰা পৰিচালিত হৈ অঞ্চলটোৱে সীমান্তৰ পৰা আগশাৰীৰ স্থানলৈ ৰূপান্তৰিত হৈছে, যি আত্মবিশ্বাস আৰু প্ৰতিযোগিতামূলক ক্ষমতাৰ প্ৰতীক।”

ঐতিহাসিক বৃদ্ধি আৰু অৰ্থনৈতিক সম্ভাৱনা

শ্ৰী সিন্দিয়াই উত্তৰ-পূব অঞ্চলৰ উচ্চ বৃদ্ধিৰ সম্ভাৱনাৰ বিষয়ে বিশদভাৱে উল্লেখ কৰি কয় যে অঞ্চলটোৰ দশকীয় জিডিপি বৃদ্ধি দেশৰ গড়তকৈ অধিক হৈছে। তেওঁ আৰু অধিক উচ্চ সাক্ষৰতাৰ হাৰ আৰু বিশাল জনগাঁথনিগত লভ্যাংশৰ ওপৰত আলোকপাত কৰি, জনসংখ্যাৰ ৭০% লোক ২৮ বছৰৰ তলৰ বুলি জনাই, আৰু লগতে কয়, “এই সকলোবোৰ মিলি এই অঞ্চলটোক প্ৰকৃত অৰ্থত ভাৰতৰ বৃদ্ধিৰ ইঞ্জিন হিচাপে গঢ়ি তুলিছে।”

মন্ত্ৰীগৰাকীয়ে আলোকপাত কৰে যে ২০২৪–২৫ বিত্তীয় বৰ্ষত মন্ত্ৰালয়ে এতিয়ালৈকে সৰ্বাধিক ৩,৪৪৭.৭১ কোটি টকা ব্যয় সাধন কৰে, যিটো পূৰ্বৰ বছৰৰ তুলনাত ৭৪.৪% বৃদ্ধি আৰু তিনি বছৰৰ ভিতৰত ২০০%তকৈ অধিক বৃদ্ধি। এই প্ৰদৰ্শনে, তেওঁ লক্ষ্য কৰে, বিত্তীয় অনুশাসন, ডিজিটেল নিৰীক্ষণ, আৰু সময়মতে প্ৰদানৰ ওপৰত এমড’নাৰৰ গুৰুত্ব প্ৰতিফলিত কৰে। সাপ্তাহিক পৰ্যালোচনা ব্যৱস্থা, চাৰিটা কিস্তিত পুঁজি মুকলি কৰা, আৰু পুৰ্বোত্তৰ বিকাশ সেতু পৰ্টেলৰ জৰিয়তে ডিজিটেল অনুসৰণে স্বচ্ছতা আৰু কাৰ্যক্ষমতা আনিছে, যাৰ ফলত ৯৭% প্ৰকল্প পৰিদৰ্শন কভাৰেজ আৰু ৯১% সম্পূৰ্ণ প্ৰকল্পসমূহ কাৰ্যকৰী কৰা হৈছে।

সংস্কাৰ, শাসন, আৰু প্ৰতিষ্ঠানিক সবলীকৰণ

শাসন ব্যৱস্থাৰ এক বৃহৎ সংস্কাৰত মন্ত্ৰালয়ে পৰ্যটন, বিনিয়োগ, হস্তশিল্প, কৃষি, আন্তঃগাঁথনি, ক্ৰীড়া, উত্তৰ-পূব অৰ্থনৈতিক কৰিডৰ আৰু প্ৰটিন আত্মনিৰ্ভৰশীলতা আদি আঠটা খণ্ডত মুখ্যমন্ত্ৰী নেতৃত্বাধীন খণ্ডীয় উচ্চ পৰ্যায়ৰ টাস্ক ফ’ৰ্চক প্ৰতিষ্ঠানিকৰণ কৰিছে। এই টাস্ক ফ’ৰ্চসমূহে আন্তঃৰাজ্যিক সহযোগিতাক লাভান্বিত কৰিছে, নীতিৰ সংহতি সক্ষম কৰি তুলিছে, আৰু উন্নয়নৰ প্ৰচেষ্টাসমূহ ৰাজ্য-সীমাবদ্ধ হৈ থকাতকৈ আঞ্চলিকভাৱে সংহত হোৱাটো নিশ্চিত কৰিছে।

এক আন্তঃমন্ত্ৰালয়ৰ সুবিধা ব্যৱস্থাৰ জৰিয়তে এমড’নাৰে শ্বিলং বিমানবন্দৰ সম্প্ৰসাৰণ, ছিকিমৰ ৰাষ্ট্ৰীয় ঘাইপথৰ বিকল্প প্ৰান্তিককৰণ, আৰু ত্ৰিপুৰাৰ কৈলাশাহাৰ বিমানবন্দৰ উন্নয়নকে ধৰি বৃহৎ আন্তঃগাঁথনি প্ৰকল্পৰ অনুমোদন ত্বৰান্বিত কৰিছে, যাৰ ফলত অঞ্চলটোৰ সংযোগ মেৰুদণ্ড শক্তিশালী হৈছে।

বিনিয়োগ আৰু অৰ্থনৈতিক সংহতি

শ্ৰী সিন্দিয়াই বছৰটোত সৃষ্টি হোৱা শক্তিশালী বিনিয়োগৰ গতিৰ ওপৰত আলোকপাত কৰে। ২০২৫ চনৰ মে’ মাহত নতুন দিল্লীৰ ভাৰত মণ্ডপমত অনুষ্ঠিত হোৱা ৰাইজিং নৰ্থ ইষ্ট ইনভেষ্টৰ্ছ ছামিট ২০২৫ আৰু আনুষংগিক অনুষ্ঠানত আঠজন মুখ্যমন্ত্ৰী, আঠজন কেন্দ্ৰীয় মন্ত্ৰী, ১০০ৰো অধিক ৰাষ্ট্ৰদূত, আৰু ১০৮টা পিএছইউয়ে অংশগ্ৰহণ কৰিছিল, যাৰ ফলত ৪.৪৮ লাখ কোটি টকাৰ বিনিয়োগৰ প্ৰতিশ্ৰুতি লাভ কৰিছিল—এই অঞ্চলটোৰ বাবে এক ঐতিহাসিক মাইলৰ খুঁটি।

২০২৪ চনৰ ৬-৮ ডিচেম্বৰত অনুষ্ঠিত হোৱা অষ্টলক্ষ্মী মহোৎসৱত প্ৰধানমন্ত্ৰীয়ে উদ্বোধন কৰি উত্তৰ-পূবৰ আঠখন ৰাজ্যৰ সাংস্কৃতিক ঐতিহ্যক উদযাপন কৰি ২,৩২৬ কোটি টকা বিনিয়োগৰ লিড লাভ কৰাৰ বিপৰীতে ২০২৪ চনৰ ডিচেম্বৰ মাহত আগৰতলাত অনুষ্ঠিত হোৱা নৰ্থ ইষ্ট বেংকাৰ কনক্লেভত ৫১টা নতুন বেংক শাখা, সম্প্ৰসাৰিত এটিএম নেটৱৰ্ক, আৰু এমএছএমই ক্ৰেডিট অভিগম বৃদ্ধি কৰাৰ প্ৰতিশ্ৰুতি লাভ কৰা হয়।

নেডফিৰ জৰিয়তে ৫,৩০০ৰো অধিক এমএছএমইক সহায় কৰা হৈছিল আৰু ষ্টাৰ্ট-আপ আৰু উদ্যোগৰ বাবে ৭৬৬ কোটি টকা সংগঠিত কৰা হৈছিল, যাৰ ফলত বিত্তীয় অন্তৰ্ভুক্তি আৰু উদ্যোগীকৰণক আগুৱাই নিয়া হৈছিল।

পৰ্যটন, সংযোগ, আৰু গ্লোবেল পজিচনিং

তেওঁ আৰু এটা ঐক্যবদ্ধ ব্ৰেণ্ড নৰ্থ-ইষ্ট কৌশলৰ জৰিয়তে উত্তৰ-পূবক বিশ্ব পৰ্যটন আৰু সাংস্কৃতিক গন্তব্যস্থান হিচাপে স্থান দিয়াৰ বাবে এমড’নাৰৰ প্ৰচেষ্টাক আলোকপাত কৰে। প্ৰতিখন ৰাজ্যই নিজৰ পৰিচয় প্ৰচাৰৰ বাবে অনন্য সামগ্ৰী আৰু অভিজ্ঞতা চিনাক্ত কৰিছে—যেনে অসমৰ মুগা ৰেচম, মেঘালয়ৰ লাকাডং হালধি, মণিপুৰৰ প’লো, ছিকিমৰ পৰা জৈৱিক কৃষি, আৰু ত্ৰিপুৰাৰ কুইন আনাৰস।

ৰাজহুৱা-ব্যক্তিগত অংশীদাৰিত্বৰ অধীনত কাজিৰঙা, জিৰো, চোহৰা, থেনজাউল, মাতাবাৰী, কিছামা, নামচি, মইৰাংকে ধৰি আঠটা চিনাকি পৰ্যটন স্থলীক বিশ্বমানৰ আকৰ্ষণ হিচাপে গঢ়ি তোলা হৈছে। ৰাজ্যসমূহৰ ভিতৰতে হোমষ্টে আৰু ইক’-টুৰিজিমৰ মডেলসমূহ সম্প্ৰসাৰিত হৈছে, যিয়ে গ্ৰাম্য আয় ৪৫% বৃদ্ধিত অৰিহণা যোগাইছে আৰু বহনক্ষম জীৱিকাৰ পোষকতা কৰিছে।

পৰ্যটনৰ সম্ভাৱনাক সম্পূৰ্ণৰূপে উপলব্ধি কৰিবলৈ সংযোগ উন্নত কৰাৰ গুৰুত্ব সন্দৰ্ভত শ্ৰী সিন্দিয়াই বিগত ১১ বছৰৰ ভিতৰত হোৱা উল্লেখযোগ্য অগ্ৰগতিৰ কথা উল্লেখ কৰে। “৮ খন উত্তৰ-পূব ৰাজ্যত মাত্ৰ ৯ টা বিমানবন্দৰৰ তুলনাত, ছিকিম আৰু অৰুণাচল প্ৰদেশত কোনো বিমানবন্দৰ নথকাৰ তুলনাত এতিয়া এই সংখ্যা ১৭ লৈ বৃদ্ধি পাইছে, কেৱল অৰুণাচল প্ৰদেশতে ৪ টা বিমানবন্দৰ আছে উত্তৰ-পূব অঞ্চলক বিশ্বৰ বাকী অংশৰ সৈতে সংযোগ কৰাৰ প্ৰকল্পসমূহে এই অঞ্চলটো শেষ সীমান্ত হোৱাৰ পৰিৱৰ্তে ভাৰতৰ দুৱাৰমুখ হিচাপে আত্মপ্ৰকাশ কৰিছে,” তেওঁ কয়।

কৃষি, উদ্যোগ আৰু উদ্যোগীকৰণ

শ্ৰী সিন্দিয়াই উদ্যোগ নেতৃত্বাধীন কৃষি-উদ্যান মূল্য শৃংখল উন্নয়নৰ জৰিয়তে উত্তৰ-পূবৰ অৰ্থনীতিৰ বৈচিত্ৰ্যতা সৃষ্টিৰ বাবে চৰকাৰৰ প্ৰচেষ্টাকো আলোকপাত কৰে। নেশ্যনেল মিছন অন ইডিবল অইলছ – অইল পামৰ জৰিয়তে ৪৭খন নাৰ্চাৰী আৰু পাঁচখন বীজ বাগিচা স্থাপন কৰি ৬৮ হাজাৰ হেক্টৰতকৈও অধিক মাটিত খেতিৰ ব্যৱস্থা কৰা হৈছে।

আগৰগছ খণ্ডত ৰপ্তানি কোটা ছয়গুণ বৃদ্ধি পাইছে আৰু ডিজিএফটিৰ সহযোগত ৰপ্তানি সুবিধা প্ৰদানকাৰী পৰ্টেল কাৰ্যকৰী কৰা হৈছে, বৰ্তমান জিআই পঞ্জীয়ন চলি আছে। ১২৬.৭ কোটি টকাৰ ২২টা প্ৰকল্পৰে বাঁহ খণ্ডই ২৫৮৭ গৰাকী শিল্পীক প্ৰশিক্ষণ দিয়াৰ লগতে আমাজন-সংযুক্ত বজাৰ প্ৰৱেশৰ আৰ্হি মুকলি কৰিছে, য’ত পৰম্পৰাগত শিল্পকলাক বিশ্বৰ বজাৰৰ সৈতে একত্ৰিত কৰা হৈছে। এই হস্তক্ষেপসমূহে চাকৰিৰ সৃষ্টি কৰিছে, ৰপ্তানি শক্তিশালী কৰিছে, আৰু গ্ৰাম্য উদ্যোগীকৰণ বৃদ্ধি কৰিছে।

******

Samrat/Allen/AA