বন্দৰ, জাহাজ পৰিবহণ আৰু জলপথ মন্ত্ৰালয়ৰ অধীনস্থ ভাৰতীয় আভ্যন্তৰীণ জলপথ কৰ্তৃপক্ষই (আই.ডব্লিউ.এ.আই.) সফলতাৰে আই.আৰ.চি. প্ৰাকৃতিক সম্পদলৈ হলদিয়া মাল্টি-মডেল টাৰ্মিনেল (এম.এম.টি.) হস্তান্তৰ কৰিছে, যি ভাৰত চৰকাৰৰ আভ্যন্তৰীণ জলপথৰ আন্তঃগাঁথনি বৃদ্ধি আৰু ৰাজহুৱা-ব্যক্তিগত অংশীদাৰিত্ব (পিপিপি)ৰ জৰিয়তে মাল্টি-মডেল লজিষ্টিকছৰ প্ৰসাৰৰ বাবে এক গুৰুত্বপূৰ্ণ মাইলৰ খুঁটি হিচাপে চিহ্নিত হৈছে।

বিশ্ব বেংকৰ বিত্তীয় আৰু কাৰিকৰী সাহায্যত আই. ডব্লিউ. এ. আই.ৰ দ্বাৰা নিৰ্মিত পশ্চিম বংগৰ হালদিয়া এম. এম. টি.ৰ ক্ষমতা হৈছে বছৰি ৩.০৮ নিযুত মেট্ৰিক টন (এম. এম. টি. পি. এ.)। ২০২৩ চনৰ ১৩ জানুৱাৰীত প্ৰধানমন্ত্ৰী শ্ৰী নৰেন্দ্ৰ মোদীয়ে এই টাৰ্মিনেল উদ্বোধন কৰিছিল। কৌশলগতভাৱে অৱস্থিত আৰু ৪১ নং ৰাষ্ট্ৰীয় ঘাইপথৰ সৈতে সংযুক্ত টাৰ্মিনেলটোৱে ৰে'ল সংযোগ লাভ কৰাৰ সম্ভাৱনা আছে, যাৰ ফলত ইয়াৰ বহুমুখী সংহতি অধিক বৃদ্ধি পাব।

টাৰ্মিনেলটোৰ দক্ষ আৰু বহনক্ষম পৰিচালনা নিশ্চিত কৰিবলৈ আই. ডব্লিউ. এ. আয়ে সঁজুলি, পৰিচালনা আৰু স্থানান্তৰ (ইঅ"টি)ৰ আধাৰত ৰাজহুৱা-ব্যক্তিগত অংশীদাৰিত্ব (পিপিপি) আৰ্হি গ্ৰহণ কৰিছিল। ১০ বছৰৰ বাবে টাৰ্মিনেলৰ পৰিচালনা আৰু ব্যৱস্থাপনা (অ" এণ্ড এম)ৰ বাবে মুকলি নিবিদা প্ৰক্ৰিয়াৰে ৰেহাইদাতাক বাছনি কৰা হৈছিল, যিটো আৰু ৫ বছৰলৈ বৃদ্ধি কৰিব পৰা যাব।

আই. আৰ. চি. প্ৰাকৃতিক সম্পদে আই. ডব্লিউ. এ. আই.ক পৰিশোধ কৰিবলগীয়া প্ৰতি মেট্ৰিক টন সামগ্ৰী নিয়ন্ত্ৰণৰ বাবে ১০৫.০৩ টকা ৰয়েল্টীৰ উদ্ধৃতি দি সৰ্বোচ্চ নিলামকাৰী হিচাপে আত্মপ্ৰকাশ কৰে।

হালদিয়া এম. এম. টি.ৰ কাৰ্য্যকৰীকৰণে আভ্যন্তৰীণ জলপথৰ জৰিয়তে সামগ্ৰী পৰিবহণ যথেষ্ট বৃদ্ধি কৰিব, বিশেষকৈ উত্তৰ-পূবৰ ৰাজ্যবোৰ আৰু বাংলাদেশলৈ সামগ্ৰী পৰিবহণৰ এক ব্যয়বহুল, পৰিৱেশ অনুকূল আৰু দ্ৰুত বিকল্প প্ৰদান কৰিব বুলি আশা কৰা হৈছে।

জল মাৰ্গ বিকাশ প্ৰকল্প (জেএমভিপি)ৰ অধীনত কৰা আভ্যন্তৰীণ জল পৰিবহণক (আইডব্লিউটি) লজিষ্টিকৰ এক বহনক্ষম আৰু কাৰ্যক্ষম পদ্ধতি হিচাপে প্ৰচাৰ কৰা ভাৰত চৰকাৰৰ দৃষ্টিভংগীৰ সৈতে এই উন্নয়নৰ মিল আছে। এই প্ৰকল্পৰ লক্ষ্য হৈছে উত্তৰ প্ৰদেশ, বিহাৰ, ঝাৰখণ্ড আৰু পশ্চিমবংগৰ মাজেৰে পাৰ হৈ যোৱা ৰাষ্ট্ৰীয় জলপথ-১ৰ (গংগা-ভাগীৰথী-হুগলী নদী ব্যৱস্থা) ১৩৯০ কিলোমিটাৰ দৈৰ্ঘ্যৰ সক্ষমতা বৃদ্ধি কৰা।

আই. ডব্লিউ. এ. আয়ে জে. এম. ভি. পি.ৰ অধীনত জলপথ ব্যৱস্থাপনা, মাল্টি-মডেল আৰু ইণ্টাৰ-মডেল টাৰ্মিনেল নিৰ্মাণ, আধুনিক নেভিগেচনেল লক আৰু নদীৰ পাৰৰ সম্প্ৰদায়সমূহক সহায় আৰু উপকৃত কৰিবলৈ ৬০ টাতকৈও অধিক ঘাট স্থাপনকে ধৰি মূল উন্নয়নমূলক কামবোৰ হাতত লৈছে।

***

GDH/PN/DS/KD