প্রধানমন্ত্রীগী লোইশঙ
ওস্ত্রেলিয়াগী দিপুতী প্রাইম মিনিস্তর অমদি দিফেন্স মিনিস্তরনা প্রধান মন্ত্রী মোদীগা উনখ্রে
প্রধান মন্ত্রীনা ফেদরেল মীখলদা ওস্ত্রেলিয়ন লেবর পার্তীগী পুৱারী ওইরবা মায় পাকপগীদমক DPM গী মফমদা নুংঙাইবা ফোঙদোকখ্রে
মখোয়না ঙসি চহি ৫ মপুং ফারবা ইন্দিয়া – ওস্ত্রেলিয়া কম্প্রিহেন্সিপ স্ত্রেতেজিক পার্ত্নরসিপ হেন্না মপাঙ্গল কনখৎহন্নবা লম্বীশিং খন্নখি
DPM মার্লিসনা ভারতনা ঙমখৈ লান্না লাকপা তেরোরিজমগী মায়োক্তা থেংনরিবা অসিদা ওস্ত্রেলিয়ানা মতেং পাংগনি হায়বা ৱাফম নৌহৌননা থমখি
Posted On:
04 JUN 2025 4:09PM by PIB Imphal
ওস্ত্রেলিয়াগী দিপুতী প্রাইম মিনিস্তর অমদি দিফেন্স মিনিস্তর ওনরেবল রিচার্দ মার্লিসনা ঙসি প্রধান মন্ত্রী শ্রী নরেন্দ্র মোদীগা উনখ্রে। প্রধান মন্ত্রী মোদীনা হন্দক পাঙথোকখিবা ফেদরেল মীখলদা ওস্ত্রেলিয়ন লেবর পার্তীনা পুৱারী ওইবা মওংদা মায় পাকখিবগীদমক দিপুতী প্রাইম মিনিস্তরগী মফমদা নুংঙাইবা ফোঙদোকখি।
লুচিংবা অনিনা ঙসি চহি ৫ মপুং ফারবা ইন্দিয়া – ওস্ত্রেলিয়া কম্প্রিহেন্সিপ স্ত্রেতেজিক পার্ত্নরসিপ হেন্না মপাঙ্গল কনখৎহন্নবা লম্বীশিং খন্নখি। মখোয়না দিফেন্স ইন্দস্ত্রিএল কোলাবোরেসন, রেজিলিএন্ত সপ্লাই চেন, ক্রিতিকেল মিনরেল্স, নিউ এন্দ ইমর্জিং তেক্নোলোজীনচিংবা মরুওইবা লমশিংদা তেংবাংনবা হেনগৎহনবগী মরুওইবা ৱাফমশিং ফোঙদোক্নখি। মরা চেৎপা, সিক্যুর ওইবা অমদি নুংঙাই য়াইফব ইন্দো-পেসিফিক্কী মান্নবা মীৎয়েঙনা নাকল অনিগী মরীবু লমজিংলি হায়না মখোয়না ফোঙদোক্নখি।
দিপুতী প্রাইম মিনিস্তর মার্লিসনা ভারতনা ঙমখৈ লান্না লাকপা তেরোরিজমগী মায়োক্তা থেংনরিবা অসিদা ওস্ত্রেলিয়ানা মতেং পাংগনি হায়বা ৱাফম নৌহৌননা থমখি।
প্রধান মন্ত্রীনা চহি অসিদা ভারত্তা পাঙথোক্কদবা এনুএল সম্মিত্তা প্রধান মন্ত্রী অল্বানিজ লাক্নবা পাউজেল পীখি।
***
(Release ID: 2180288)
Visitor Counter : 6
Read this release in:
Odia
,
English
,
Urdu
,
हिन्दी
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam