وزیراعظم کا دفتر
آسٹریلیا کے نائب وزیر اعظم اور وزیر دفاع نے وزیر اعظم مودی سے ملاقات کی
وزیر اعظم نے وفاقی انتخابات میں آسٹریلوی لیبر پارٹی کی تاریخی کامیابی پر ڈی پی ایم کو مبارکباد دی
انہوں نے ہندوستان - آسٹریلیا جامع اسٹریٹجک پارٹنرشپ کو مزید مضبوط بنانے کے طریقوں پر تبادلہ خیال کیا، جو آج اپنے 5 سال مکمل کر رہی ہے
ڈی پی ایم مارلس نے سرحد پار دہشت گردی کے خلاف ہندوستان کی لڑائی میں آسٹریلیا کی حمایت کا اعادہ کیا
Posted On:
04 JUN 2025 4:09PM by PIB Delhi
آسٹریلیا کے نائب وزیر اعظم اور وزیر دفاع، عزت مآب رچرڈ مارلس نے آج وزیر اعظم جناب نریندر مودی سے ملاقات کی۔ وزیر اعظم مودی نے نائب وزیر اعظم مارلس کو حالیہ وفاقی انتخابات میں آسٹریلیا کی لیبر پارٹی کی تاریخی جیت پر مبارکباد دی۔
دونوں رہنماؤں نے ہندوستان - آسٹریلیا جامع اسٹریٹجک پارٹنرشپ کو مزید مضبوط بنانے کے لیے خیالات کا تبادلہ کیا، جس نے آج پانچ سال مکمل کیے ہیں۔ انہوں نے دفاعی صنعتی تعاون، لچکدار سپلائی چین، اہم معدنیات، نئی اور ابھرتی ہوئی ٹیکنالوجیز جیسے اہم شعبوں میں تعاون بڑھانے کی اہمیت پر زور دیا۔ انہوں نے اس بات کی تصدیق کی کہ ایک مستحکم، محفوظ اور خوشحال ہند-بحرالکاہل کا مشترکہ وژن دوطرفہ تعاون کی رہنمائی کرتا ہے۔
نائب وزیر اعظم مارلس نے سرحد پار دہشت گردی کے خلاف ہندوستان کی لڑائی میں آسٹریلیا کی حمایت کا اعادہ کیا۔
وزیر اعظم نے اس سال کے آخر میں ہندوستان میں منعقد ہونے والی سالانہ چوٹی کانفرنس کے لیے وزیر اعظم البانی کو دعوت دی۔
ش ح۔ اس ک۔ ج
Uno-1436
(Release ID: 2133812)
Read this release in:
Odia
,
English
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Kannada
,
Malayalam