Your Excellency প্রধান মন্ত্রী স্তার্মর,
লৈবাক অনিমক্কী দেলিগেৎশিং,
মেদিয়াগী মরুপশিং,

খুরুমজরি!

প্রধান মন্ত্রী কৈর স্তার্মরগী অহানবা ভারত খোংচৎ অসিদা ঙসি অদোম্না মুম্বইদা লেংবিরকপা অসিদা ঐহাক অদুক্কী মতিক নুংঙাইবা ফাওই।
মরুপশিং,

প্রধান মন্ত্রী স্তার্মরগী মীৎয়েংখাদা, ভারত অমসুং য়ু.কে. গী মরি ্সি শিংথানিংঙাই ওইনা পগৎলক্লি। হন্দক্কী চহীগী জুলাই থাদা ঐহাক্কী য়ু.কে. খোংচৎত্তা ঐহাক্না পুৱারীগী কম্প্রিহেন্সিব ইকোনোমিক এন্দ ত্রেদ এগ্রীমেন্ত(সেতা) দা য়ানিংবা ফোংদোকখি। মসিগী এগ্রীমেন্ত অসিদগী - লৈবাক অনিমক্কী ইম্পোর্ত কোস্ত হন্থরগনি, নহাশিংগীদমক্তা থবক ফংবগী অনৌ-অনৌবা খুদোংচাবশিং লৈরগনি, বিজিনেসহেনগৎলগনি, অদুগা মসিগী খুদোংচাবা অসি ঐখোয়গী ইন্দস্ত্রী অমসুং কজ্ঞুমর অনিমক্না ফংগনি।  
এগ্রীমেন্ত তৌনখিবা থা খরগী মনুংদা মসিগী ভারত খোংচৎ, অমসুং ্দোমগা লোয়ননা লাকপিরিবা হৌজিক পাওবদা খ্বায়দগী য়াম্বা বিজিনেস দেলিগেসন, ভারত–য়ু.কে. পার্ত্নরশিপ অসিদা অনৌবা থৌনাগী ইনোৎ অমসুং পাক-চাওরবা মীৎয়েংগী খুদম্নি।

মরুপশিং,

ঙরাং ভারত-য়ু.কে. গী মরক্তা বিজিনেস লিদরশিংগী খ্বাইদগী চাওবা সম্মিৎ ঙসি ঐখোয় ইন্দিয়া–য়ু.কে. সি.ই.ও. ফোরম অমসুং গ্লোবেল ফিন্তেক ফেস্তিবেল অসিসু লাওথোক্লগনি। মসি পুম্নমক অসিদগী ভারত–য়ু.কে. গী তেংবাংনবা অসি অমুক্কা হেন্না ফগৎহন্নবা সজেসন অমসুং অনৌবা তৌবা য়াবা কয়া অমা লৈরক্লগনি।

মরুপশিং,

ভারত অমসুং য়ু.কে. নেচরেল পার্ত্নর্সনি। ঐখোয়গী মরি অসিগী য়ুম্ফম অসিদা দেমোক্রেসি, ফ্রীদম অমসুং রুল ওফ লোগুম্লবা ভেল্যুশিংনা শেম্মিন্নবা থাজবা লৈ। হৌজিক লৈরিবা মালেমগী তংদু লৈতাদবা মতম অসিদা ভারত অমসুং য়ু.কে. গী মরক্তা ফগৎলক্লিবা পার্ত্নরশিপ অসি গ্লোবেল স্তেবিলিতী অমসুং শেন্মীৎলোন ফগৎলক্নবগী মরুওইবা লম্বি অমা ওইরি।
ঙসিগী মীফম অসিদা ঐখোয়না ইন্দো-পেসিফেকনোংচুপ এসিয়াদাইংনা-চিক্না, তংদু লৈতানা অমসুং য়ুক্রেন্দা চত্থরিবা কনফ্লিক অসিগী মতাংদসু ৱাখল্লোন থম্নখ্রে। য়ুক্রেনগী কনফ্লিক অমসুং গাজাগী মতাংদা ভারতনা দাইলোগ অমসুং দিপ্লোমেসিনা শান্তি লৈহন্নবা হোৎনবশিং অদুদা শৌগৎলি। ঐখোয়না ইন্দো-পেসিফিক্কী মফমশিংদা মেরিতাইম সেক্যুরিতী ওপরেসন হেনগৎহন্নবগীদমক্তা চপ চানা ৱাশক্লি।

মরুপশিং,

ভারত অমসুং য়ু.কে. গী মরক্তা তেক্নোলোজী পার্ত্নরশিপ্তা তৌবা য়াবা কয়া অমা লৈরি।  ঐখোয়না য়ু.কে. গী ইন্দস্ত্রিএল এক্সপর্তাইজ, আর.&দি. অসি ভারতকী তেলেন্ত অমসুং স্কেলগা লোয়ননা শমজিন্ননবা থবক তৌরি।  

হৌখিবা চহীদা ঐখোয়না ইন্দিয়া–য়ু.কে. তেক্নোলোজী সেক্যুরিতী ইনিসিএতিব লোঞ্চ তৌখ্রে।  মসিদগী ঐখোয়না ক্রিতিকেল এন্দ ইমর্জিং তেক্নোলোজীশিংদা জোইন্ত রিসর্চ অমসুং ইনোবেসনগীদমক্তা অকনবা প্লেৎফোর্ম অমা শেম্লে।  লৈবাক অনিমক্কী নহা ওইরিবা মীরোলসিদা  ইনোবেসন ব্রিজনা শম্নহন্নবগীদমক্তা ঐখোয়না, ‘কনেক্তিবিতী অমসুং ইনোবেসন সেন্তর’, ‘জোইন্ত এ.আই. রিসর্চ সেন্তর’ গুম্লবা খোংথাং কয়া লৌখৎখ্রে।

ঐখোয়না ক্রিতিকেল মিনরেলশিংদা মতেং পাংনবগীদমক্তা ইন্দস্ত্রী গিল্দ অমা অমসুং সপ্লাই চেন ওবজর্বেতরী লিংখৎনবা ৱারেপ লৌরে। মসিগী সেতলাইত কেম্পস আই.এস.এম. ধনৱাদতা ওইগনি।
সস্তেনেবল দিভেলপমেন্ত গোল্দগীদমক্তা ঐখোয়না খুৎশম্নবা অসি চপ চানা লেপ্লবনি। ঐখোয়না মসিগী মায়কৈ অসিদা ইন্দিয়া–য়ু.কে. ওফশোর ৱীন্দ তাস্কফোর্সপু তরাম্না ওকচরি।
ঐখোয়না ক্লাইমেৎ তেক্নোলোজী স্তার্তঅপ ফন্দ শেমগৎখ্রে। মসিনা লৈবাক অনিমক্কী ক্লাইমেৎ, তেক্নোলোজী অমসুং এ.আই. দা থবক তৌরিবা ইনোবেতরশিং অমসুং ওন্ত্র্প্রিন্যুরশিংনা তেংবাং ফংগনি।

মরুপশিং,

দিফেন্স অমসুং সেক্যুরিতীগী ওইনা, এজুকেসন অমসুং ইনোবেসন ফাওবা ভারত অমসুং য়ু.কে. গী মরিশিং অসিদা অনৌবা দাইমেন্সন হাপচিনগদৌরি।  

ঙসি প্রধান মন্ত্রী স্তার্মরকা লোয়ননা এজুকেসনগী সেক্তরদা হৌজিক ফাওবদা খ্বাইদগী চাওবা অমসুং ইনফ্লুএন্সিএল দেলিগেসন লাক্লি। হৌজিক য়ু.কে. গী য়ুনিবর্সিতী মাপল ভারত্তা কেম্পসশিং হাংলগনি হায়বসি য়াম্না নুংঙাইবা ৱাফম্নি। সাউথেম্পতন য়ুনিবর্সিতীগী গুরুগ্রাম কেম্পস অসি হন্দক্তা শঙ্গাখ্রে অমসুং, মহৈরোয়শিংগী অহানবা কাংবুসু জোইন তৌখ্রে। মসিগা লোয়ননা গিফ্ত সিতীদা য়ু.কে. গী অতৈ য়ুনিবর্সিতীগী কেম্পসশিং শাবগী থবক চত্থরি।

ঐখোয়গী মরক্তা দিফেন্সকী মতেংসু হেনগৎলক্লি। ঐখোয়না দিফেন্স কো-প্রদক্সনগী মায়কৈরোমদা চংশিল্লি। লৈবাক অনিমক্কী দিফেন্স স্তদিজ অসি শম্নহনগদৌরে। দিফেন্সকী মতেং পাংনবা অসিদা অনৌবা খোংথাং অমা হেনগৎহল্লদুনা ঐখোয়না মিলিতরী ত্রেনিংদা তেংবাংদা এগ্রীমেন্ত তৌনখ্রে।  মসিদগী ইন্দিয়ন এয়রফোর্সকী ফ্লাইং ইন্সত্রক্তরশিং য়ু.কে. গী রোয়েল এয়র ফোর্সতা ত্রেনরগী মওংদা থবক তৌরগনি। লৈবাক্কী ফাইনান্সিএল কেপিতেল মুম্বইদা মীফম অমা তৌগদবগী হোৎনরিবা তাল্লক অসিদা অতোপ্পা মায়কৈ অমদা ঐখোয়গী
নেভেল জহাজ "কোঙ্কন 2025” অসি জোইন্ত এক্সর্সাইজ তৌগদৌরে হায়বসি থোইদোক্না য়াম্না চান্নবা হায়বদু ওইরে।
য়ু.কে. দা লৈরিবা ভারত মচা মিলিয়ন 1.8 অসি ঐখোয়গী পার্ত্নরশিপ অসিগী হৌজিক-হৌজিক শম্নহল্লিবা অমনি। ব্রিতিশ খুন্নাই অমসুং ইকোনোমীদা মখোয়গী মমল য়াম্লবা থৌদাং অসিনা মখোয়না লৈবাক অনিমক্কী মরক্তা মরুপ-মপাং ওইবা, তেংবাং অমসুং চাউখৎপগী থোং অদু হেন্না কনখৎহল্লে।
মরুপশিং,
ভারতকী দাইনামিজম অমসুং য়ু.কে.গী এক্সপর্তাইজনা পুন্না য়ুনিক সিনর্জী শেম্লে। অদুগা ঙসি ঐহাক অমসুং  প্রধান মন্ত্রী স্তার্মরনা ফম্পাক অসিদা পুন্না লেপমিন্নবা অসি ঐখোয়গী ময়েক লারবা ৱাশক অদু ঐখোয় পুন্না লৈবাক অনিমক্কী মীশিংগীদমক্তা নিংথিবা তুংলমচৎ অমা শেম্লগনি।

ঐহাক্না অমুক্কা হন্না ভারত খোংচৎ অসিগীদমক্তা প্রধান মন্ত্রী স্তার্মরবু, মহাক্কী দেলিগেসনবু হন্না হন্না থাগৎচরি।  

হন্না হন্না থাগৎচরি।  

***