প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেত কমিতী ওন ইকোনোমিক এফিয়র্সনা ঙসি রেলৱেজ মন্ত্রালয়গী প্রোজেক্ত মরিগীদমক লুপা করোর 24,634গী (চাউরাকপা) অপুনবা শেনফমগা লোইননা অয়াবা পীখ্রে। প্রোজেক্তশিং অসিগী মনুংদা মখাদা পীরিবশিং অদুদা মখাগীশিং অসি য়াওরি:

1. ৱার্ধা-ভূসাৱাল - 3শুবা অমসুং 4শুবা লাইন - 314 kms (মহারাস্ত্রা)
2. গোন্দীয়া - দোঙ্গারগর - 4শুবা লাইন 84 kms (মহারাস্ত্রা অমসুং ছত্তিসগর)
3. বদোদরা - রতলাম - 3শুবা অমসুং 4শুবা লাইন - 259 kms (গুজরাত অমসুং মধ্য প্রদেশ)
4. ইতারসি - ভোপাল – বিনা - 4শুবা লাইন - 237 kms (মধ্যা প্রদেশ)

মহারাস্ত্রা, মধ্য প্রদেশ, গুজরাত অমসুং ছত্তিসগরগী দিস্ত্রিক্ত 18 কোনশিনবা প্রোজেক্ত মরি অসিনা ইন্দিয়ন রেলৱেজকী হৌজিক লৈরিবা নেতৱার্ক অসি কিলোমীতর 894 Kms হেনগৎহনগনি।

অয়াবা পীরবা মল্তি-ত্রেকিং প্রোজেক্ত অসিনা চাউরাক্না খুঙ্গং 3,633দা কনেক্তিবিতী হেঙ্গৎহল্লগনি। খুঙ্গংশিং অসিদা চাউরাক্না মীওই লাখ 85.84 অমসুং এস্পিরেস্নেল দিস্ত্রিক্ত অনি (ভিদিশা অমসুং রাজানন্দগাওন) লৈরি।

হেনগৎলবা লাইন কেপাসিতী অসিনা মোবিলিতীদা য়াম্না চাউনা হেনগৎহনগনি। মসিগী মহৈ ওইনা ওপরেস্নেল ইফিসিয়েন্সী অমসুং সর্ভিস রিলায়েবিলিতী ইন্দিয়ন রেলৱেজদা হেনগৎলগনি। মল্তি-ত্রেকিংগী প্রোপোজলশিং অসিনা ওপরেসনশিং অসিবু স্ত্রীমলাইন তৌনবা অমসুং কঞ্জেসন হন্থহন্নবা লৌখৎপা খোংথাংনি। প্রোজেক্তশিং অসি প্রধান মন্ত্রী শ্রী নরেন্দ্র মোদীজীগী অনৌবা ভারতকী মঙলানগী মতুং ইন্না ওইরি। মসিনা লমদম অসিগী মীয়াম্বু মখোয়গী থবক শুফম-নোমফম হেনগৎহন্দুনা মশানা মশাবু থবক পীজবগী খুদোংচাবা কয়া লৈহন্দুনা অপুনবগী ওইবা চাউখৎ-থৌরাং কয়া পুরক্তুনা "আত্মানির্ভর" ওইহল্লগনি।

প্রোজেক্তশিং অসি ইন্তিগ্রেতেদ প্লান্নিং অমসুং স্তেকহোল্দরশিংগী খন্ন-নৈনদুনা মল্তি-মোদেল কনেক্তিবিতী অমসুং লোজিস্তিক ইফিসিয়েন্সী হেনগৎহনবদা মীৎয়েং থমদুনা পি.এম.-গতি শক্তি নেস্নেল মাস্তর প্লানগী মখাদা থৌরাং তৌরি। প্রোজেক্তশিং অসিনা মীওইশিং, পোৎলমশিং অমসুং সর্বিসশিং চত্থোক চৎশিন তৌবদা অথিংবা অপনবা লৈতনা পাংথোকপা ঙমহল্লগনি ।

প্রোজেক্ত সেক্সন অসিনা সঞ্চি, সতপুরা তাইগর রিজর্ব, ভীমবেতকাগী রোক শেলল্তর, হাজারা ফোল্স, নাৱেগাওন নেস্নেল পার্ক অসিনচিংবা লৈবাক শিনবা থুংবদগী লাকপা তুরিস্তশিংবু পুক্নিং চিংশিল্লিবা মরুওইবা মফমশিংদা রেলগী কনেক্তিবিতীসু ফংহল্লি।

মসিনা কোইলা, কন্তেনর, সিমেন্ত, ফ্লাই এশ, ফুদ গ্রেন, স্তীল অসিনচিংবা পোৎলমশিং পুথোক পুশিন তৌনবগী মরুওইবা লম্বী অমনি। কেপাসিতী হেঙ্গৎহন্নবগী থবকশিং অসিনা 78 MTPA (মিল্লিয়ন তন পর এন্নম)গী অহেনবা ফ্রেৎ ত্রাফিক পুরক্লগনি। রেলৱেজ অসি অকোইবগী ফীভমগা মরী লৈনবা অমসুং ইনর্জী ইফিসিয়েন্ত ওইবা ত্রান্সপোর্তেসনগী মোদ ওইবনা, ক্লাইমেৎকী পান্দমশিং ফংবদা অমসুং লৈবাক অসিগী লোজিস্তিক্সকী শেনফম হন্থহনবদা, ওইল ইম্পোর্ত (লিতর করোর 28) হন্থহনবদা অমসুং CO2 থাদোকপা (কেজি করোর 139) হন্থহনবদা মতেং পাংলগনি, হায়রিবা অসি উপাম্বি করোর তরুক থাবগা মান্নৈ।

***