ಭಾರತದ ಅತಿದೊಡ್ಡ ವಿದ್ಯಾರ್ಥಿ ನಾವೀನ್ಯತೆ ಆಂದೋಲನವಾದ ವಿಕಸಿತ ಭಾರತ ಬಿಲ್ಡಥಾನ್ 2025 ನೂತನ ನೋಂದಣಿಗಳನ್ನು ದೇಶಾದ್ಯಂತ ವಿದ್ಯಾರ್ಥಿಗಳು ಅಕ್ಟೋಬರ್ 11, 2025 ರವರೆಗೆ ಮಾಡಿಕೊಳ್ಳಬಹುದು.

ಕೇಂದ್ರ ಶಿಕ್ಷಣ ಸಚಿವಾಲಯವು ಅಟಲ್ ಇನ್ನೋವೇಶನ್ ಮಿಷನ್, ಹಾಗೂ ನೀತಿ ಆಯೋಗದ ಸಹಯೋಗದೊಂದಿಗೆ, ದೇಶಾದ್ಯಂತ ಸುಮಾರು 2.5 ಲಕ್ಷ ಶಾಲೆಗಳ ವಿದ್ಯಾರ್ಥಿಗಳನ್ನು ತೊಡಗಿಸಿಕೊಳ್ಳಲು ಉದ್ದೇಶಿಸಲಾದ ರಾಷ್ಟ್ರವ್ಯಾಪಿ ನಾವೀನ್ಯತೆ ಆಂದೋಲನವಾದ ವಿಕಸಿತ ಭಾರತ ಬಿಲ್ಡಥಾನ್ 2025 ಎಂಬ ವಿನೂತನ ಕಾರ್ಯಕ್ರಮವನ್ನು ಪ್ರಾರಂಭಿಸಿದೆ. ಇದು ಭಾರತದ ಅತಿದೊಡ್ಡ ವಿದ್ಯಾರ್ಥಿ ನಾವೀನ್ಯತೆ ಉಪಕ್ರಮ ಮತ್ತು ವಿಕಸಿತ ಭಾರತ  @2047 ರ ದೃಷ್ಟಿಕೋನದತ್ತ ಒಂದು ಐತಿಹಾಸಿಕ ಹೆಜ್ಜೆಯಾಗಿದೆ.

ವಿದ್ಯಾರ್ಥಿ ನಾವೀನ್ಯಕಾರರನ್ನು ಪ್ರೋತ್ಸಾಹಿಸಲು ಮತ್ತು ಗುರುತಿಸಲು, ಶಾಲೆಗಳು ತಮ್ಮ ನಮೂನೆ , ನಮೂದುಗಳನ್ನು ಫೋಟೋಗಳು ಮತ್ತು ವೀಡಿಯೊಗಳ ರೂಪದಲ್ಲಿ ಸಲ್ಲಿಸುತ್ತವೆ. ತಜ್ಞರ ಸಮಿತಿಯು ನಮೂದುಗಳನ್ನು ಮೌಲ್ಯಮಾಪನ ಮಾಡುತ್ತದೆ ಮತ್ತು ಉನ್ನತ ಹಂತದ ತಂಡಗಳಿಗೆ ರೂ 1 ಕೋಟಿಗಳ ಒಟ್ಟು ಮೊತ್ತದಿಂದ ವಿಶೇಷ ಮೌಲ್ಯದ ಬಹುಮಾನಗಳನ್ನು ನೀಡಲಾಗುತ್ತದೆ. ಗುರುತಿಸುವಿಕೆ ಮೀರಿ, ಈ ಶಾಲೆಗಳು ಮತ್ತು ವಿದ್ಯಾರ್ಥಿಗಳು ತಮ್ಮ ನಾವೀನ್ಯತೆಗಳನ್ನು ಮತ್ತಷ್ಟು ಬಲಪಡಿಸಲು ಕಾರ್ಪೊರೇಟ್ ದತ್ತು, ಮಾರ್ಗದರ್ಶನ ಮತ್ತು ಸಂಪನ್ಮೂಲಗಳ ಮೂಲಕ ದೀರ್ಘಕಾಲೀನ ಬೆಂಬಲವನ್ನು ಪಡೆಯಲಿವೆ.

 ಬಿಲ್ಡಥಾನ್‌ ನ ಪ್ರಮುಖ ಗುಣಲಕ್ಷಣಗಳು:

•​ವಿಶ್ವದ ಅತಿದೊಡ್ಡ ಲೈವ್ ನಾವೀನ್ಯತೆ ಚಟುವಟಿಕೆಯಲ್ಲಿ ದೇಶಾದ್ಯಂತ ವಿದ್ಯಾರ್ಥಿಗಳು ಒಟ್ಟಾಗಿ ನಾವೀನ್ಯತೆ ಸಾಧಿಸುತ್ತಿದ್ದಾರೆ

•​ರಾಷ್ಟ್ರೀಯ ಶಿಕ್ಷಣ ನೀತಿ (ಎನ್.ಇ.ಪಿ.) 2020 ಕ್ಕೆ ಅನುಗುಣವಾಗಿ ಪ್ರಾಯೋಗಿಕ ಕಲಿಕೆ ಅವಕಾಶ 

•​ಆಕಾಂಕ್ಷೆಯ ಜಿಲ್ಲೆಗಳು, ಬುಡಕಟ್ಟು ಮತ್ತು ದೂರದ ಪ್ರದೇಶಗಳ ಮೇಲೆ ವಿಶೇಷ ಗಮನ ಹರಿಸಿ ಸಮಗ್ರ ಭಾಗವಹಿಸುವಿಕೆ ಅವಕಾಶ 

ವಿಕಸಿತ ಭಾರತ ಬಿಲ್ಡಥಾನ್ 2025 

ವಿದ್ಯಾರ್ಥಿಗಳು ದೊಡ್ಡ ಕನಸು ಕಾಣಲು, ನಿರ್ಭಯವಾಗಿ ನಾವೀನ್ಯತೆ ಸಾಧಿಸಲು ಮತ್ತು 2047 ರ ವೇಳೆಗೆ ಅಭಿವೃದ್ಧಿ ಹೊಂದಿದ ರಾಷ್ಟ್ರವಾಗುವ ಭಾರತದ ಪ್ರಯಾಣಕ್ಕೆ ಕೊಡುಗೆ ನೀಡಲು ಇದೊಂದು ಸ್ಪಷ್ಟ ಕರೆಯಾಗಿದೆ. ಪ್ರತಿ ಶಾಲೆ ಮತ್ತು ಪ್ರತಿಯೊಬ್ಬ ವಿದ್ಯಾರ್ಥಿಯೂ ಈ ಆಂದೋಲನದಲ್ಲಿ ಭಾಗವಹಿಸಲು, ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಲು ಮತ್ತು ನಾಳೆಯ ನಾವೀನ್ಯಕಾರರಾಗಿ ತಮ್ಮ ಛಾಪು ಮೂಡಿಸಲು ಆಹ್ವಾನಿಸಲಾಗಿದೆ.

ದೇಶದಾದ್ಯಂತ 6–12 ನೇ ತರಗತಿಯ ವಿದ್ಯಾರ್ಥಿಗಳು ನಾವೀನ್ಯತೆ ತಂಡ ರಚಿಸಲು, ತಂಡಗಳನ್ನು ಸೇರಲು, ಸೃಜನಾತ್ಮಕವಾಗಿ ಯೋಚಿಸಲು ಮತ್ತು ನಿಜ ಜೀವನದ ಸವಾಲುಗಳನ್ನು ಎದುರಿಸುವ ಮೂಲಮಾದರಿಗಳನ್ನು ಅಭಿವೃದ್ಧಿಪಡಿಸಲು ವಿದ್ಯಾರ್ಥಿಗಳಿಗೆ ಬಿಲ್ಡಥಾನ್ ಕರೆ ನೀಡುತ್ತದೆ.  ವಿದ್ಯಾರ್ಥಿಗಳು ರಾಷ್ಟ್ರೀಯ ಪ್ರಾಮುಖ್ಯತೆಯ ನಾಲ್ಕು ವಿಷಯಗಳ ಕುರಿತು ಕೆಲಸ ಮಾಡುತ್ತಾರೆ:

•​ಸ್ಥಳೀಯರಿಗೆ ಅವಕಾಶ - ಸ್ಥಳೀಯ ಉತ್ಪನ್ನಗಳು, ಕರಕುಶಲ ವಸ್ತುಗಳು ಮತ್ತು ಸಂಪನ್ಮೂಲಗಳನ್ನು ಉತ್ತೇಜಿಸುವುದು

•​ಆತ್ಮನಿರ್ಭರ ಭಾರತ - ಸ್ವಾವಲಂಬಿ ವ್ಯವಸ್ಥೆಗಳು ಮತ್ತು ಪರಿಹಾರಗಳನ್ನು ನಿರ್ಮಿಸುವುದು

•​ಸ್ವದೇಶಿ - ಸ್ಥಳೀಯ ವಿಚಾರಗಳು ಮತ್ತು ನಾವೀನ್ಯತೆಗಳನ್ನು ಬೆಳೆಸುವುದು

•​ಸಮೃದ್ಧ ಭಾರತ - ಸಮೃದ್ಧಿ ಮತ್ತು ಸುಸ್ಥಿರ ಬೆಳವಣಿಗೆಗೆ ಮಾರ್ಗಗಳನ್ನು ರಚಿಸುವುದು

ಟೈಮ್‌ಲೈನ್:

•​23ನೇ ಸೆಪ್ಟೆಂಬರ್ 2025: ವಿಕಸಿತ ಭಾರತ ಬಿಲ್ಡಥಾನ್ ಕಾರ್ಯಕ್ರಮ ಪ್ರಾರಂಭ

•​23ನೇ ಸೆಪ್ಟೆಂಬರ್ - 11ನೇ ಅಕ್ಟೋಬರ್ 2025: ವಿದ್ಯಾರ್ಥಿಗಳ ನೋಂದಣಿ ಅವಕಾಶ 

•​13ನೇ ಅಕ್ಟೋಬರ್ 2025: ಎಲ್ಲಾ ಶಾಲೆಗಳಲ್ಲಿ ರಾಷ್ಟ್ರವ್ಯಾಪಿ ಲೈವ್ ಬಿಲ್ಡಥಾನ್ ಕಾರ್ಯಕ್ರಮ 

•​ನವೆಂಬರ್ 2025: ನಮೂದುಗಳ ಮೌಲ್ಯಮಾಪನ

•​ಡಿಸೆಂಬರ್ 2025: ವಿಜೇತರ ಘೋಷಣೆ

*****