প্রধানমন্ত্রীগী লোইশঙ
প্রধান মন্ত্রীনা দুবাইগী ক্রাউন প্রিন্স, য়ু.এ.ই.গী উপ-প্রধান মন্ত্রী অমসুং ঙাকশেল মন্ত্রীবু তরাম্না ওকখ্রে
প্রধান মন্ত্রীনা মমাং চহিদা দুবাইদা ৱার্ল্দ গবর্নমেন্ত সম্মিত্তা অথোইবা মীথুংলেন ওইনা শরুক য়াখিবা মহাক্কী য়ু.এ.ই.গী খোঙচৎ অদু নীংশিংখি
প্রধান মন্ত্রীনা য়ু.এ.ই.গী লুচিংবশিংদা নুঙাইবা ফোংদোকখ্রে
প্রধান মন্ত্রীনা হায়খি মহাক্কী খোঙচৎ অসিনা ভারত অমসুং য়ু.এ.ই.গী মরক্তা লৈরিবা অচেৎপা অমসুং পুৱারী ওইরবা মরী অসিদা মরী লৈনবগী তুং কোইনা চৎনবগী খুদম অমা ওইরি
ভারত-য়ু.এ.ই. কম্প্রিহেন্সিব স্ত্রেতেজিক পার্তনরশিপ, লাল্লোন-ইতিক, ইনভেস্তমেন্ত, ঙাকশেল, ইনর্জী, তেক্নোলোজী, এজুকেসন, স্পোর্তস অমসুং মীয়ামগী মরক্তা লৈনরিবা মরীশিংদা মখা তানা চেৎশিনহন্নবগী লম্বীশিং অদুগী মতাংদা খন্নখি
পি.এম.না য়ু.এ.ই.দা লৈরিবা ভারত মচা মিলিয়ন ৪.৩গী য়াইফ-থৌরাংশিং পাইখৎপীবগীমক য়ু.এ.ই.গী লুচিংবশিংদা থাগৎপা ফোংদোকখ্রে
Posted On:
08 APR 2025 4:51PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি দুবাইগী ক্রাউন প্রিন্স, য়ু.এ.ই.গী উপ-প্রধান মন্ত্রী অমসুং ঙাকশেল মন্ত্রী হিস হাইনেস শৈখ হমদান বিন মোহমদ বিন রশিদ অল মক্তুমবু তরাম্না ওকখ্রে।
মমাং চহিদা মহাক্না দুবাইদা ৱার্ল্দ গবর্নমেন্ত সম্মিত্তা গেস্ত ওফ ওনর ওইনা শরুক য়াখিবা মহাক্কী য়ু.এ.ই. খোঙচৎ অদু নীংশিংলদুনা, প্রধান মন্ত্রীনা য়ু.এ.ই.গী রাস্ত্রপতি মহম্মদ বিন জায়েদ অল নাহয়ান অমসুং য়ু.এ.ই.গী উপ রাস্ত্রপতি, প্রধান মন্ত্রী অমসুং দুবাইগী রুলর মহম্মদ বিন রশিদ অল মক্তুমদা মহাক্কী নুঙাইবা ফোংদোকখি।
প্রধান মন্ত্রীনা হায়খি মদুদি মহাক্কী খোঙচৎ অসিনা ভারত অমসুং য়ু.এ.ই.গী মরক্তা লৈরিবা অচেৎপা অমসুং পুৱারী ওইরবা মরীশিংদা মীরোল কয়াগী তুং ইন্নবগী খুদম অমা ওইরি, লোইননা অমনা অমবু থাজবা অমসুং তুংলমচৎকীদমক মান্নবা মিৎয়েং অমদা য়ুম্ফম ওইবা অচেৎপা পার্তনরশিপ অদু মপাঙ্গল কনখৎহল্লি হায়নশু য়াম্না মরু ওইনা পনখি।
ভারত-য়ু.এ.ই. কম্প্রিহেন্সিব স্ত্রেতেজিক পার্তনরশিপ, মরুওইনা লাল্লোন-ইতিক, ইনভেস্তমেন্ত, ঙাকশেল, ইনর্জী, তেক্নোলোজী, এজুকেসন, স্পোর্তস অমসুং মীয়ামগী মরক্তা লৈনরিবা মরী অসি মখা তানা মপাঙ্গল কনখৎহন্নবগী মতাংদা মখোয়না খন্নখি।
প্রধান মন্ত্রীনা য়ু.এ.ই.দা লৈরিবা ভারত মচা মিলিয়ন ৪.৩ রোমগী য়াইফ-থৌরাংগীদমক য়ু.এ.ই.গী লুচিংবশিংদা মহাক্কী থাগৎপা ফোংদোকখি, লোইননা লৈবাক অনিগী মরক্তা লৈনরিবা মরী ফগৎহনবদা মখোয়না লৌরিবা মরুওইবা থৌদাং অদুবুশু মহাক্না মশক খঙখি।
***
(Release ID: 2175877)
Visitor Counter : 4
Read this release in:
Assamese
,
Odia
,
English
,
Urdu
,
Marathi
,
हिन्दी
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam