امور داخلہ اور امداد باہمی کے مرکزی وزیر جناب امت شاہ کی صدارت میں ایک اعلی سطحی کمیٹی (ایچ ایل سی) سال 2024 کے دوران سیلاب اور لینڈ سلائیڈنگ سے متاثرہ آسام اور گجرات کے لیے 707.97 کروڑ روپے کی اضافی مرکزی امداد  کو منظوری دی۔  یہ مرکزی امداد نیشنل ڈیزاسٹر رسپانس فنڈ (این ڈی آر ایف) سے فراہم کی گئی ہے جو ریاستی ڈیزاسٹر رسپانس فنڈ (ایس ڈی آر ایف) میں سال کے لیے دستیاب افتتاحی بیلنس کے 50فیصد کی ایڈجسٹمنٹ کے تابع ہے ۔ کل 707.97 کروڑ روپے  میں سے آسام کے لیے  313.69 کروڑ روپے اور گجرات کے لیے 394.28 کروڑ روپے  منظور کیے گئے ہیں۔

اعلی سطحی کمیٹی نے  فائر سروسز کی توسیع اور جدید کاری کے لیے این ڈی آر ایف کے تحت ہریانہ ، مدھیہ پردیش اور راجستھان  کے لیے  بھی  903.67 کروڑ روپے  منظور کیے ہیں ۔

کل 903.67 کروڑ روپے میں سے 676.33 کروڑ روپے مرکزی امداد ہوگی۔ کل 903.67 کروڑ روپے میں سے  ہریانہ کے لیے 117.19 کروڑ روپے ،مدھیہ پردیش کے لئے 397.54 کروڑ روپے اور راجستھان کے لئے 388.94 کروڑ روپے  منظور کیے گئے ہیں۔

وزیر اعظم جناب نریندر مودی کی قیادت میں حکومت ہند قدرتی آفات اور تباہ کاریوں کے وقت ریاستی حکومتوں کے ساتھ کندھے سے کندھا ملا کر کھڑی ہے اور تمام ضروری مدد فراہم کر رہی ہے ۔

یہ اضافی امداد مرکز کی طرف سے ریاستوں کو اسٹیٹ ڈیزاسٹر رسپانس فنڈ (ایس ڈی آر ایف) میں جاری کردہ فنڈز کے علاوہ ہے جو پہلے ہی ریاستوں کے اختیار میں ہے ۔  مالی سال  2025-26  کے دوران ، مرکزی حکومت نے   ایس ڈی آر ایف کے تحت 27 ریاستوں کو 13,603.20 کروڑ روپے  اور این ڈی آر ایف کے تحت 12 ریاستوں کو  2024.04 کروڑ روپے جاری کیے ۔

اس کے علاوہ ، 21 ریاستوں کے لیے اسٹیٹ ڈیزاسٹر میٹی گیشن فنڈ (ایس ڈی ایم ایف) سے 4,571.30 کروڑ روپے  اور  نیشنل ڈیزاسٹر میٹی گیشن فنڈ (این ڈی ایم ایف) سے 9 ریاستوں کو 372.09 کروڑ روپے جاری کیے گئے ہیں ۔

********

ش ح۔م م ۔ ت ح

U-7190