প্রধান মন্ত্রী - মরূপশিং, তরাম্না ওকচরি!

শ্রীলঙ্কাগী শান্নরোই - থাগৎচরি, থাগৎচরি, সর!

প্রধান মন্ত্রী - তরাম্না ওকচরি!

প্রধান মন্ত্রী - ময়াম পুম্নমকপু উনবগী খুদোংচাবা ফংজবা অসিদা ঐহাক নুংঙাইবা ফাওই। অদোমগী তীম অসি ভারতকী মীয়াম্না অদুমক নুংশিদুনা নিংশিংলিবা তীম্নি হায়না ঐহাক্না ফাওই। নখোয়না ভারতকী তীমবু মায়থীবা পীখিবা মতম অদু লৈবাক মীয়াম্না কাউদ্রি।

শ্রীলঙ্কাগী শান্নরোই - সর, ঙসি অদোমগা উনবদা য়াম্না চাউথোকচনিংঙাইনি অমসুং লাইবক ফবনি, অমসুং ঐহাক্না অদোমবু থাগৎচরি। ঐখোয়বু মতম অমসুং খুদোংচাবা অসি পীবীরকপগীদমক ঐখোয়না অদোমগী মফমদা য়াম্না থাগৎপা ফোংদোকচরি।

প্রধান মন্ত্রী - নখোয়গী মরক্তগী কয়ানা হৌজিক ফাওবদা ভারতকা মরী থম্লি?

শ্রীলঙ্কাগী শান্নরোই - ঐনা খনবদা মীপুম খুদিংমক্না থম্লমগনি।

প্রধান মন্ত্রী - ও, ঐনা খঙলে। ভারতকা অদোম করম্না মরী লৈনবগে, সনাথ?

শ্রীলঙ্কাগী শান্নরোই - সর, ঐহাক মুম্বাই ইন্দিয়নসকা লোয়ননা লৈরম্মি অমসুং মফম অসিদা লৈরিবা অতৈ অয়াম্বনা আই.পি.এল.দসু শান্নরম্মি।

প্রধান মন্ত্রী – নহাক আই.পি.এল.দা শান্নখ্রে

শ্রীলঙ্কাগী শান্নরোই – অমসুং কুমার ধর্মসেনানা মতম অদুদা অমপায়র ওইখি।

প্রধান মন্ত্রী – হোয়।

শ্রীলঙ্কাগী শান্নরোই - হোয়, মরম অদুনা...

প্রধান মন্ত্রী - করিগুম্বা ভারতনা ২০১০দা এহ্মদাবাত্তা শান্নখিবা মতমদা অদোম্না অম্পায়র ওইরম্বা য়াই। ঐনা মেচ অদু য়েংনবা চৎখি। মতম অদুদা ঐহাক চীফ মিনিস্তর ওইরম্মি। ভারতনা ১৯৮৩দা ৱার্ল্দ কপ লৌরকপা, অমসুং অদোমগী তীম্না ১৯৯৬দা ৱার্ল্দ কপ লৌরকপা, থৌদোক অনিমক্না ক্রিকেৎ মালেমদা অচৌবা অহোংবা পুরকখি। ঐহাক্না থাজৈ মদুদি ১৯৯৬তা অদোমগী তীম্না শান্নখিবা মওং অসি, মওং অমদা, তি.২০ স্তাইলগী ক্রিকেৎকী হৌরকফম ওইখি।

ঐহাক্না অতোপ্পশিংদগীসু তাবা পাম্মি - অদোম হৌজিক করি তৌরি? অদোম্না শেয়র তৌবা পাম্বা করিগুম্বা অমা লৈব্রা? অদোম্না হৌজিক ফাওবা ক্রিকেৎকা মরী লৈনরিব্রা? হৌজিক্তি নহাক্না কোচিং তৌরিব্রা?

শ্রীলঙ্কাগী শান্নরোই - ঐখোয় অয়াম্বনা হৌজিক ফাওবা মওং অমদা নৎত্রগা মওং অমদা ক্রিকেৎকা মরী লৈনরি। অমসুং ঐহাক্না থাজৈ মদুদি ঙসি অদোমগা উনবদা ৱার্ল্দ কপকী ফাইনেলদা শান্নবদগী হেন্না প্রেসর লৈ!

শ্রীলঙ্কাগী শান্নরোই – ঐখোয়না ফিভম অমগী মতাংদা ৱারি শাবা পম্মি হায়না ঐনা খঞ্জৈ, মদুদি ঐখোয়না ১৯৯কী ৱার্ল্দ কপতা মাইপাকখিবা, অদুবু ঐখোয়না মাইপাকখিবগী মরম অমা হায়রগদি, মতমদুদা শ্রী লঙ্কা, ৱেস্ত ইন্দিজ অমসুং ওস্ত্রেলিয়াদগী লাকখিদ্রবা পোৎলম অনি লৈরম্মি, মরমদি ঐখোয়না...

প্রধান মন্ত্রী – বোম্ব ব্লাস্তদুরা!

শ্রী লঙ্কাগী শান্নরোই - হোয় অমসুং ভারতনা ঐখোয়বু মতেং পাংখি। ঐখোয়না শান্ননবগীদমক্তা ভারত থারকপীয়ু, মসিনা মালেমদা ময়াম্না ঙাক-শেনবা মফম অমনি হায়বা উৎপা ঙমখি। অমসুং শ্রীলঙ্কানা ৱার্ল্দ কপ লৌরকপগী মরমশিংগী মনুংদা মসিসু অমনি। মরম অদুনা ঐখোয়না ভারতকী মফমদা য়াম্না থাগৎচরি।

প্রধান মন্ত্রী - ঐহাক্না নীংশিংলি মদুদি ভারতকী তীমনা শ্রীলঙ্কাদা চৎনবা ৱারেপ লৌখিবা মতম অদু ঐহাক্না নীংশিংলি। মতম অদুদা, অতোপ্পা তীমশিংনা বোম্ব ব্লাস্ত অদুনা মরম ওইরগা হন্দোক্নখি। অদোমগী শান্নরোয়শিংনা ভারতকী থৌনা অদু কয়া য়াম্না থাগৎলিবগে হায়বদু ঐনা উখি। ভারতনা অশেংবা স্পোর্তস্মেনশিপ উত্তুনা, শ্রীলঙ্কাগী মীয়াম্না মায়োক্নরিবা অৱাবা অদু খঙদুনা অমসুং মখোয়বু মখোয়গী মরাইবক্না তম্বা লৈরমগনি হায়না থাদোক্তুনা থমখিদে। মদুগী মহুত্তা, ঐখোয়না হায়খি, “লাক্লো, ঐখোয়সু চৎলসি অমসুং করি থোক্কদগে হায়বদু য়েংলসি।”

মসিগী থৌওং অসি অদোমগী স্পোর্তস কম্ম্যুনিতীদা য়াম্না পাম্নখি। ঙসি ফাওবদা ভারতকী মীয়াম্না শান্নরোইশিংগী থৌনা অদু নীংশিংলি। নাকল অমরোমদা, বোম্ব ব্লাস্তকী মওংদা তেরর লৈরম্মি; অতোপ্পা নাকল অমরোমদা, শান্নরোইগী ৱাখল্লোন লৈরম্মি- অমসুং অকোনবগী অসিনা মায় পাকখি।

হায়রিবা ৱাখল্লোন অসি ঙসি ফাওবা অদুমক লৈরি। ১৯৯৬কী বোম্ব ব্লাস্তনা শ্রীলঙ্কা পুম্নমক শোকহনখিবগুম্না, অসিগা মান্নবা লাইবক থিবা থৌদোক অমা ২০১৯দা চর্চ মনুংদা বোম্ব ব্লাস্তনা থোকখিবা মতমদা মসিগী মতুংদা ঐহাক শ্রীলঙ্কাদা চৎখিবা মালেমগী অহানবা লুচিংবা ওইখি। মতম অদুদা বোম্ব পোখাইজরবশু, ভারতকী তীম শ্রীলঙ্কাদা লাকখি।

হন্দক্তি বোম ব্লাস্ত অদুগী মতুংদা, ঐহাক ইশামক শ্রীলঙ্কাদা লাকখি। মসিনা উৎলি মদুদি নুংঙাইবা অমসুং অৱাবা অনিমক্তা শ্রীলঙ্কাগা লোয়ননা লৈনবা থৌনা অসি মখা তানা লৈরি। মসি ভারতকী অচেৎপা ৱাখল্লোননি।

শ্রীলঙ্কাগী শান্নরোই - শ্রীলঙ্কাগী মীওই অমা ওইনা, য়ুম্লোন্নরিবা লৈবাক অমা ওইনা, ঐহাক্না ৱার্ল্দ কপ ফাইনেল অদু অদোমগী এহ্মদাবাদকী গ্রাউন্দদা অম্পায়র তৌখি অমসুং মসি মালেম পুম্বগী খ্বাইদগী চাউবা গ্রাউন্দনি। তশেংনমক্কীদি, মদু ক্রিকেৎকীদমক্তা য়াম্না ফজবা এতমোফিয়র অমদি য়াম্না অফবা গ্রাউন্দনি। অমসুং ঐনা থাজৈ মদুদি মফম অদুদা মীপুম খুদিংমক্না শান্নবা অমসুং অম্পায়র তৌবা পাম্মি।

শ্রীলঙ্কাগী শান্নরোই - সর, ঐহাক্না ইহান হানবা ভারত খোংচৎ অসি ইং ১৯৯০দা, ঐহাক্কী অহানবা চহীদা চৎখি। মদু ঐগী অহানবা তুরনি। অমসুং ঐহাক্না মদুবু অদুমক নীংশিংলি, মরমদি ঐহাক থা অমা ইন্দিয়াদা লৈখি। নুমিৎ মঙাগী মমাংদা ঐ লাকখি। ঐখোয়না ভারত্তা চাং নাইনা চৎলি। অমসুং ঐহাক্না হায়জনীংবদি, শ্রীলঙ্কা অসি অৱাবা তারকপা মতমদা, মরু ওইনা শেন-থুমগী মতাংদা, ভারতনা মতম পুম্নমক্তা মতেং পাংদুনা লাক্লি। মরম অদুনা ঐখোয়না ভারতপু মতম পুম্নমক্তা থাগৎচরি মরমদি ভারত অসি ঐখোয়গী ইচিল-ইনাওনি হায়না ঐখোয়না ফাওই। মরম অসিনা ঐখোয়না ভারত্তা চৎলুবদা য়ুমদা লৈ হায়না খল্লি। অদোমবু থাগৎচরি, সর। অদোমবু থাগৎচরি।

শ্রীলঙ্কাগী শান্নরোই - রোমেসনা হায়খিবগুম্না, ঐখোয়না শ্রীলঙ্কাদা অৱা-অনা অমসুং অৱাবা লৈরকপা মতমদা, ঐখোয়না পেত্রোল, দিজল, মৈ, মৈ লৈরমদে অমসুং সর, অদোম অমসুং অদোমগী সরকারনা ঐখোয়দা য়াম্না মতেং পাংখি হায়না ঐনা খল্লি। মরম অদুনা ঐখোয়গী লৈবাক অসিবু মতেং পাংবীবগীদমক্তা ঐখোয়না মতম পুম্নমক্তা নখোয়বু তৌবীমল খঙবা উৎচরি অমসুং থাগৎচরি। শ্রীলঙ্কাদা মতেং পাংবীবগীদমক ঐখোয়না অদোমগী মফমদা থাগৎপা ফোংদোকচরি। অদুগা ঐহাক্না অপিকপা ৱাফম অমত্তং হায়জগে, সর। হৌজিক্তি শ্রীলঙ্কাগী ক্রিকেৎকী কোচ অমা ওইনা ঐখোয়না জাফনা নত্তনা শ্রীলঙ্কাগী মফম পুম্নমক্তা শান্নরি। শ্রীলঙ্কাগী ক্রিকেৎকী কোচ অমা ওইনা ঐহাক্না পাম্মি, ভারতনা ঐখোয়দা জাফনাদা ইন্তর্নেস্নেল গ্রাউন্দ অমা পুরকপদা মতেং পাংবা ঙম্লবদি হায়না ঐহাক্না পাম্মি। মসিনা জাফনা, অৱাংথংবা অমসুং নোংপোকথংবা শরুকশিংদা লৈরিবা মীয়ামগীদমক অচৌবা মতেং অমা ওইরগনি, মরম অদুনা অৱাংথংবা শরুকশিং ইন্থোক্তনা লৈররোই, মরম অদুনা মখোয়সু য়াম্না নকশিন্নরগনি, শ্রীলঙ্কা ক্রিকেৎকা লোয়ননা থবক তৌমিন্নগনি অমসুং হৌজিক ঐখোয়না থবক তৌরি, অদুবু জাফনাদা ইন্তর্নেস্নেল গেমশিং শান্নরবদি হেন্না নকশিন্নগনি। মরম অদুনা ঐহাক্না করিগুম্বা খরা পুরকপদা মতেং পাংবীনবা হায়জরি, সর।

প্রধান মন্ত্রী - জয়সুরিয়ানা হায়রিবশিং অসি তাবদা ঐহাক য়াম্না নুংঙাইবা ফাওই। ভারতনা মতম পুম্নমক্তা ‘নয়র্বরহুদ ফার্স্ত’কী ৱাখল্লোন অসি ঙাক্না চৎলি হায়বসি তশেংনমক অচুম্বনি। ঐখোয়গী য়ুম্লোন্নরিবা লৈবাকশিংনা অৱাবা অমা থেংনরকপা মতমদা, ভারতনা য়ারিবমখৈ থুনা অমসুং ইফেক্তিব ওইনা পাউখুম পীনবা হোৎনরি। খুদম ওইনা হায়রবদা, ম্যানমারদা য়ুহার হাখিবা মতমদা, ভারতনা ইহান হান্না রেস্পোন্দ তৌখিবা লৈবাক অমা ওইখি হায়বসি নহাক্না নীংশিংবা য়াই। ঐখোয়না থাজৈ মদুদি ঐখোয়গী য়ুম্লোন্নবশিং অমসুং মরুপ ওইরবা লৈবাকশিংদা মতেং পাংনবা অমসুং মখোয়বু য়েংশিনবা অসি ভারতকী থৌদাংনি। অচৌবা অমসুং মপাঙ্গল লৈরবা লৈবাক অমা ওইনা ভারতনা অথুবা মতমদা থবক লৌখৎপগী থৌদাং লৌরি। হন্দক্তা থোকখিবা শেনমিৎলোনগী অৱাবা অসিনা শ্রীলঙ্কাদা অৱাবা কয়া মায়োক্নরকপা মতমদা ভারতনা অচেৎপা থাজবা অমা থমখি: মদুদি শ্রীলঙ্কাবু মসিগী অৱাবা অসি কোকহন্নবগীদমক মওং পুম্নমক্তা মতেং পাংবীগদবনি অমসুং সপোর্ত তৌবীগদবনি। ঐখোয়না ঐখোয়গী থৌদাং অসি পাংথোক্নবা হোৎনখি, মরমদি মসি ঐখোয়গী থৌদাংনি হায়না ঐখোয়না খল্লি। ঙসিসু, অদোম্না উবা ফংগনি, ঐহাক্না অনৌবা চাউখৎ থৌরাংগী প্রোজেক্ত কয়া অমা লাউথোকখ্রে। অদুম ওইনমক, ঐহাক্কী পুক্নিং খ্বাইদগী হেন্না চিংশিল্লিবা অসি নখোয়না জফনাগীদমক্তা ৱাবীবা অদুবুনি। শ্রীলঙ্কাগী সিনিয়র ক্রিকেৎ ফিগর অমনা জাফনাদা ইন্তর্নেস্নেল ক্রিকেৎসু শান্নবা পাম্মি হায়বা অসিনা শক্তি লৈবা অমসুং পোজিতিব ওইবা পাউজেল অমা পীরি। মসিগী ৱাখল্লোন অসি পুক্নিং থৌগৎনিংঙাইনি। জফনা অসি শোত্থদুনা লৈহৌরোইদবনি। ইন্তর্নেস্নেল মেৎচশিংসু মফম অসিদা পাংথোক্কদবনি। অদোমগী ৱাফম অসি য়াম্না মরু ওই। অমসুং ঐহাক্না অদোমদা থাজবা পীজরি মদুদি ঐহাক্কী তীমনা মসিগী প্রপোজেল অসি খংজিনগনি অমসুং মদুবু মতৌ করম্না থবক ওইনা পাংথোক্কদগে হায়বদু নৈনগনি। অদোম পুম্নমক্না ঐহাক্কা উননবা মতম কাইথোকখিবগীদমক ঐহাক্না অদোমগী থাগৎপা ফোংদোকচরি। নুংশিজরবা নীংশিংবশিং অমুক হন্না উবা ফংজবা অমসুং অদোম পুম্নমকপু অমুক হন্না উবা ফংজবা অসি য়াম্না নুংঙাইবা অমনি। ভারতকা অদোমগী মরী অসি মখা তানা মপাঙ্গল কনখৎলগনি হায়না ঐহাক্না থাজবা থম্লি। অদোম্না করি থৌনা উৎলবসু, অমসুং ঐহাক্না অদোমবু মতেং পাংবা য়াবা মওংদা ওইরবসু, ঐহাক্না অদোমদা থাজবা পীজরি মদুদি ঐহাক অদোমগীদমক্তা মতম পুম্নমক্তা লৈগনি।

***