ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ಇಂದು ನಾಲ್ಕು ‘A+’ ವಿಭಾಗದ ನಗರಗಳಾದ ದೆಹಲಿ, ಮುಂಬೈ, ಕೋಲ್ಕತ್ತಾ ಮತ್ತು ಚೆನ್ನೈ; ಮತ್ತು ಒಂಬತ್ತು ‘ಎ’ ವಿಭಾಗದ ನಗರಗಳಾದ ಹೈದರಾಬಾದ್, ಬೆಂಗಳೂರು, ಅಹಮದಾಬಾದ್, ಸೂರತ್, ಪುಣೆ, ಜೈಪುರ, ಲಕ್ನೋ, ಕಾನ್ಪುರ ಮತ್ತು ನಾಗ್ಪುರಗಳಲ್ಲಿ ಡಿಜಿಟಲ್ ರೇಡಿಯೋ ಪ್ರಸಾರ ಸೇವೆಯನ್ನು ಆರಂಭಿಸಲು ನಿಯಮಗಳು ಮತ್ತು ಷರತ್ತುಗಳು ಮತ್ತು ನಿರ್ದಿಷ್ಟ ದರದೊಂದಿಗೆ  “ಖಾಸಗಿ ರೇಡಿಯೋ ಪ್ರಸಾರಕರಿಗೆ ಡಿಜಿಟಲ್ ರೇಡಿಯೋ ಪ್ರಸಾರ ನೀತಿಯನ್ನು ರೂಪಿಸುವ” ಕುರಿತು ತನ್ನ ಶಿಫಾರಸುಗಳನ್ನು ಬಿಡುಗಡೆ ಮಾಡಿದೆ.

ಕೇಂದ್ರ ವಾರ್ತಾ ಮತ್ತು ಪ್ರಸಾರ ಸಚಿವಾಲಯ (ಎಂಐಬಿ) 2024ರ ಏಪ್ರಿಲ್ 23 ರಂದು ಖಾಸಗಿ ರೇಡಿಯೋ ಪ್ರಸಾರಕರಿಗೆ ಡಿಜಿಟಲ್ ರೇಡಿಯೋ ಪ್ರಸಾರ ನೀತಿಯನ್ನು ರೂಪಿಸುವ ಕುರಿತು ಟ್ರಾಯ್ ಕಾಯ್ದೆ 1997ರ ಸೆಕ್ಷನ್ 11 (1)(a)(i) ಅಡಿಯಲ್ಲಿ ಟ್ರಾಯ್ ನಿಂದ ಶಿಫಾರಸುಗಳನ್ನು ಕೋರಿತ್ತು.

ಆ ನಿಟ್ಟಿನಲ್ಲಿ, ಖಾಸಗಿ ರೇಡಿಯೋ ಪ್ರಸಾರಕರಿಗೆ ಡಿಜಿಟಲ್ ರೇಡಿಯೋ ಪ್ರಸಾರ ನೀತಿಯನ್ನು ರೂಪಿಸುವುದಕ್ಕೆ ಸಂಬಂಧಿಸಿದ ವಿವಿಧ ವಿಷಯಗಳ ಕುರಿತು ಪಾಲುದಾರರ ಅಭಿಪ್ರಾಯಗಳನ್ನು ಕೋರಿ 2024ರ ಸೆಪ್ಟೆಂಬರ್ 30, ರಂದು ಸಮಾಲೋಚನಾ ದಾಖಲೆಗಳನ್ನು ಬಿಡುಗಡೆ ಮಾಡಲಾಯಿತು. ಟ್ರಾಯ್ ನ ವೆಬ್‌ಸೈಟ್‌ನಲ್ಲಿ ಲಭ್ಯವಿರುವ ಸಮಾಲೋಚನಾ ದಾಖಲೆಯ ಕುರಿತು 43 ವಿಶ್ಲೇಷಣೆಗಳು ಮತ್ತು 13 ಪ್ರತಿ-ಟಿಪ್ಪಣಿಗಳನ್ನು ಸ್ವೀಕರಿಸಲಾಯಿತು. ನಂತರ 2025ರ ಜನವರಿ 8 ರಂದು ಮುಕ್ತ ಸಮಾಲೋಚನೆ ಸಭೆ ಕರೆದು ಚರ್ಚೆ ನಡೆಸಲಾಗಿತ್ತು.

ಸ್ವೀಕರಿಸಿದ ಎಲ್ಲಾ ವಿಶ್ಲೇಷಣೆಗಳು/ಪ್ರತಿ-ಟಿಪ್ಪಣಿಗಳನ್ನು ಪರಿಗಣಿಸಿ ಮತ್ತು ವಿಚಾರಗಳ ಬಗ್ಗೆ ಇನ್ನೂ ಹೆಚ್ಚಿನ ವಿಶ್ಲೇಷಣೆಯ ನಂತರ, ಪ್ರಾಧಿಕಾರವು ತನ್ನ ಶಿಫಾರಸುಗಳನ್ನು ಅಂತಿಮಗೊಳಿಸಿದೆ. ಶಿಫಾರಸುಗಳ ಪ್ರಮುಖ ಲಕ್ಷಣಗಳು ಈ ಕೆಳಗಿನಂತಿವೆ:

ಎ. ಹೊಸ ಪ್ರಸಾರಕರು ಡಿಜಿಟಲ್ ರೇಡಿಯೋ ಸೇವೆಗಳನ್ನು ಸಿಮ್ಯುಲ್‌ಕಾಸ್ಟ್ ಮೋಡ್‌ನಲ್ಲಿ ಆರಂಭಿಸಬೇಕು. ಅಸ್ತಿತ್ವದಲ್ಲಿರುವ ಅನಲಾಗ್ ಎಫ್ ಎಂ ರೇಡಿಯೋ ಪ್ರಸಾರಕರು ಸ್ವಯಂಪ್ರೇರಿತ ಆಧಾರದ ಮೇಲೆ ಸಿಮ್ಯುಲ್‌ಕಾಸ್ಟ್ ಮೋಡ್‌ಗೆ ವಲಸೆ ಹೋಗಲು ಅನುಮತಿ ನೀಡಬೇಕು.

ಬಿ. ಉದ್ದೇಶಿತ ಸಿಮ್ಯುಲ್‌ಕಾಸ್ಟ್ ಮೋಡ್ ಅವರಿಗೆ ನಿಗದಿಪಡಿಸಿದ ಸ್ಪಾಟ್ ತರಂಗಾಂತರದಲ್ಲಿ ಒಂದು ಅನಲಾಗ್, ಮೂರು ಡಿಜಿಟಲ್ ಮತ್ತು ಒಂದು ಡೇಟಾ ಚಾನಲ್ ಅನ್ನು ಪ್ರಸಾರ ಮಾಡಲು ಅನುವು ಮಾಡಿಕೊಡುತ್ತದೆ.

ಸಿ. ವಿಎಚ್ ಎಫ್ ಬ್ಯಾಂಡ್ II ನಲ್ಲಿ ಡಿಜಿಟಲ್ ರೇಡಿಯೋ ಪ್ರಸಾರವನ್ನು ಪರಿಚಯಿಸಲು ಭಾರತದಲ್ಲಿ ಒಂದೇ ಡಿಜಿಟಲ್ ರೇಡಿಯೋ ತಂತ್ರಜ್ಞಾನ ಮಾನದಂಡವನ್ನು ಅಳವಡಿಸಿಕೊಳ್ಳಬೇಕು

ಡಿ.ಸರ್ಕಾರವು ಪ್ರಮುಖ ಪಾಲುದಾರರೊಂದಿದೆ, ಅಂದರೆ ರೇಡಿಯೋ ಪ್ರಸಾರಕರು ಮತ್ತು ರೇಡಿಯೋ ರಿಸೀವರ್ ತಯಾರಕರೊಂದಿಗೆ ಸಮಾಲೋಚನೆ ನಡೆಸುವ ಮೂಲಕ; ಅಥವಾ ತರಂಗಾಂತರ (ಸ್ಪೆಕ್ಟ್ರಮ್ ) ಹರಾಜು ಪ್ರಕ್ರಿಯೆಯಲ್ಲಿ ತಂತ್ರಜ್ಞಾನದ ಆಯ್ಕೆಯನ್ನು ಸೇರಿಸುವ ಮೂಲಕ; ಅಥವಾ ಸರ್ಕಾರವು ಸೂಕ್ತವೆಂದು ಪರಿಗಣಿಸುವ ಯಾವುದೇ ಇತರ ವಿಧಾನದ ಮೂಲಕ ಭಾರತದಲ್ಲಿ ನಿಯೋಜನೆಗೆ ಸೂಕ್ತವಾದ ಡಿಜಿಟಲ್ ರೇಡಿಯೋ ತಂತ್ರಜ್ಞಾನವನ್ನು ಆಯ್ಕೆ ಮಾಡಿಕೊಳ್ಳಬೇಕು.

ಇ. ಎ+' ವರ್ಗದ ನಾಲ್ಕು ನಗರಗಳು ಮತ್ತು 'ಎ' ವರ್ಗದ ಒಂಬತ್ತು ನಗರಗಳಲ್ಲಿ ಪ್ರತಿಯೊಂದಕ್ಕೂ ಒಂದೇ ತಂತ್ರಜ್ಞಾನ ಬಳಕೆ ಮಾಡುವ ಕುರಿತು ಸರ್ಕಾರ ತರಂಗಾಂತರ ಯೋಜನೆಯನ್ನು ಸಿದ್ಧಪಡಿಸಬೇಕು ಮತ್ತು ಸಾರ್ವಜನಿಕವಾಗಿ ಬಹಿರಂಗಗೊಳಿಸಬೇಕು.

ಎಫ್. ಹೊಸ ಚಾನೆಲ್‌ಗಳಿಗೆ ತರಂಗಾಂತರಗಳನ್ನು ದೂರಸಂಪರ್ಕ ಕಾಯ್ದೆ, 2023 ರ ಸೆಕ್ಷನ್ 4(4) ರ ಪ್ರಕಾರ ಹರಾಜಿನ ಮೂಲಕ ನಿಯೋಜಿಸಬೇಕು.

ಜಿ. ಡಿಜಿಟಲ್ ರೇಡಿಯೋ ಪ್ರಸಾರಕ್ಕಾಗಿ ಹರಾಜಿನ ಮೂಲಕ ತರಂಗಾಂತರವನ್ನು ಯಶಸ್ವಿಯಾಗಿ ನಿಯೋಜಿಸಿದ ಕೂಡಲೇ ಅಸ್ತಿತ್ವದಲ್ಲಿರುವ ಎಫ್ ಎಂ ರೇಡಿಯೋ ಪ್ರಸಾರಕರಿಗೆ ಸ್ವಯಂಪ್ರೇರಿತ ಆಧಾರದ ಮೇಲೆ ಸಿಮಲ್‌ಕಾಸ್ಟ್ ಮೋಡ್‌ಗೆ ವಲಸೆ ಹೋಗಲು ಪ್ರಸ್ತಾಪವನ್ನು ನೀಡಬೇಕು.

ಎಚ್. ಹಾಲಿ ಇರುವ ಪ್ರಸಾರಕರಿಗೆ ಸಿಮಲ್‌ಕಾಸ್ಟ್ ಮೋಡ್‌ಗೆ ವಲಸೆ ಹೋಗುವ ಆಯ್ಕೆಯ ಅವಕಾಶವನ್ನು ಹರಾಜು ಪ್ರಕ್ರಿಯೆ ಮುಗಿದ ದಿನಾಂಕದಿಂದ 6 ತಿಂಗಳ ಕಾಲಾವಕಾಶವನ್ನು ನೀಡಬೇಕು.

ಐ. ಸಿಮಲ್‌ಕಾಸ್ಟ್ ಮೋಡ್‌ಗೆ ವಲಸೆ ಹೋಗಲು, ಅಸ್ತಿತ್ವದಲ್ಲಿರುವ ಎಫ್ ಎಂ ರೇಡಿಯೋ ಪ್ರಸಾರಕರು ನಗರದಲ್ಲಿ ಡಿಜಿಟಲ್ ರೇಡಿಯೋ ಪ್ರಸಾರಕ್ಕಾಗಿ ಹರಾಜು ನಿರ್ಧರಿಸಿದ ಬೆಲೆಯ ವ್ಯತ್ಯಾಸಕ್ಕೆ ಸಮಾನವಾದ ಮೊತ್ತವನ್ನು ಮತ್ತು ಅಸ್ತಿತ್ವದಲ್ಲಿರುವ ಅನುಮತಿಯ ಉಳಿದ ಅವಧಿಗೆ ಮರುಪಾವತಿಸಲಾಗದ ಒಂದು ಬಾರಿ ಪ್ರವೇಶ ಶುಲ್ಕದ (NOTEF) ಅನುಪಾತದ ಮೊತ್ತವನ್ನು ಪಾವತಿಸಬೇಕಾಗುತ್ತದೆ.

ಜೆ. ಹರಾಜು ಪ್ರಕ್ರಿಯೆ ಮುಗಿದ ಎರಡು ವರ್ಷಗಳ ಒಳಗೆ ಅಥವಾ ವಲಸೆಗಾಗಿ ಆಯ್ಕೆಯನ್ನು ಸ್ವೀಕರಿಸಿದ ಎರಡು ವರ್ಷಗಳ ಒಳಗೆ ರೇಡಿಯೋ ಪ್ರಸಾರಕರು ಸಿಮಲ್‌ಕಾಸ್ಟ್ ಕಾರ್ಯಾಚರಣೆಗಳನ್ನು ಆರಂಭಿಸಬೇಕು.

ಕೆ. ಅನಲಾಗ್ ಪ್ರಸಾರವನ್ನು ಮುಕ್ತಾಯಗೊಳಿಸುವ ದಿನಾಂಕವನ್ನು ಡಿಜಿಟಲ್ ರೇಡಿಯೋ ಪ್ರಸಾರದ ಪ್ರಗತಿಯನ್ನು ಮೌಲ್ಯಮಾಪನ ಮಾಡಿದ ನಂತರ ನಿರ್ಧರಿಸಬೇಕು.

ಎಲ್. ರೇಡಿಯೋ ಪ್ರಸಾರಕರಿಗೆ ಗುತ್ತಿಗೆ ನೀಡಬಹುದಾದ ಸಕ್ರಿಯ ಮತ್ತು ನಿಷ್ಕ್ರಿಯ ಡಿಜಿಟಲ್ ಮೂಲಸೌಕರ್ಯಗಳನ್ನು ಒದಗಿಸಲು ಸರ್ಕಾರವು 'ರೇಡಿಯೋ ಪ್ರಸಾರ ಮೂಲಸೌಕರ್ಯ ಪೂರೈಕೆದಾರ'ರಿಗೆ ಹೊಸ ಅಧಿಕಾರವನ್ನು ಪರಿಚಯಿಸಬೇಕು. ಆದರೂ ಡಿಜಿಟಲ್ ರೇಡಿಯೋ ಸೇವೆಗಳನ್ನು ಪರಿಚಯಿಸಲು ಇದು ಪೂರ್ವಾಪೇಕ್ಷಿತವಲ್ಲ.

ಎಂ. ಮೊಬೈಲ್ ಫೋನ್‌ಗಳಲ್ಲಿ ಎಫ್ ಎಂ ರೇಡಿಯೋ ರಿಸೀವರ್‌ಗಳ ಲಭ್ಯತೆಗಾಗಿ ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ (MeitY) ನೀಡಿದ ಸಲಹೆಯಂತೆಯೇ, ಮೊಬೈಲ್ ಫೋನ್‌ಗಳು ಮತ್ತು ಕಾರು ಇನ್ಫೋಟೈನ್‌ಮೆಂಟ್ ವ್ಯವಸ್ಥೆಗಳಲ್ಲಿ ಡಿಜಿಟಲ್ ರೇಡಿಯೋ ರಿಸೀವರ್‌ಗಳ ಲಭ್ಯತೆಯ ಕುರಿತು ಸರ್ಕಾರವು ಸಲಹೆಯನ್ನು ನೀಡಬೇಕು.

ಎನ್. ಖಾಸಗಿ ಟೆರೆಸ್ಟ್ರಿಯಲ್ ರೇಡಿಯೋ ಪ್ರಸಾರಕರು ಬಳಕೆದಾರರ ನಿಯಂತ್ರಣವಿಲ್ಲದೆ ತಮ್ಮ ಲೈವ್ ಟೆರೆಸ್ಟ್ರಿಯಲ್ ಚಾನೆಲ್‌ಗಳನ್ನು ಏಕಕಾಲದಲ್ಲಿ ಸ್ಟ್ರೀಮ್ ಮಾಡಲು ಅನುಮತಿಸಬೇಕು.

ಓ. ಡಿಜಿಟಲ್ ರೇಡಿಯೋ ರಿಸೀವರ್‌ಗಳು ಮತ್ತು ಮಾರುಕಟ್ಟೆ ಸ್ಥಿತಿಗತಿಯ ಅಭಿವೃದ್ಧಿ ಮತ್ತು ಪ್ರಸರಣವನ್ನು ಮೇಲ್ವಿಚಾರಣೆ ಮಾಡಲು ಮತ್ತು ಮೇಲ್ವಿಚಾರಣೆ ಮಾಡಲು, ಮಾಹಿತಿ ಮತ್ತು ಪ್ರಸಾರ ಸಚಿವಾಲಯ (ಎಂಐಬಿ), ಎಲೆಕ್ಟ್ರಾನಿಕ್ಸ್ ಮತ್ತು ಮಾಹಿತಿ ತಂತ್ರಜ್ಞಾನ ಸಚಿವಾಲಯ (ಎಂಇಐಟಿವೈ), ರೇಡಿಯೋ ಪ್ರಸಾರಕರು, ಸಾಧನ ತಯಾರಕರು ಮತ್ತು ತಂತ್ರಜ್ಞಾನ ಪೂರೈಕೆದಾರರ ಹಿರಿಯ ಪ್ರತಿನಿಧಿಗಳನ್ನು ಒಳಗೊಂಡ ಉನ್ನತ ಮಟ್ಟದ ಮೇಲ್ವಿಚಾರಣಾ ಸಮಿತಿಯನ್ನು ರಚಿಸಬೇಕು.

ಪಿ. ಡಿಜಿಟಲ್ ರೇಡಿಯೋ ಪ್ರಸಾರ ಸೇವಾ ಪ್ರಮಾಣೀಕರಣಕ್ಕಾಗಿ ಅರ್ಹತಾ ಷರತ್ತುಗಳು (ಕನಿಷ್ಠ ನಿವ್ವಳ ಮೌಲ್ಯದ ಮಾನದಂಡಗಳನ್ನು ಒಳಗೊಂಡಂತೆ)2025ರ ಫೆಬ್ರವರಿ 21 ರಂದು ಹೊರಡಿಸಲಾದ 'ದೂರಸಂಪರ್ಕ ಕಾಯ್ದೆ, 2023 ರ ಅಡಿಯಲ್ಲಿ ಪ್ರಸಾರ ಸೇವೆಗಳನ್ನು ಒದಗಿಸುವುದಕ್ಕಾಗಿ ಸೇವಾ ಪ್ರಮಾಣೀಕರಣಕ್ಕಾಗಿ ಚೌಕಟ್ಟು' ಕುರಿತು ಟ್ರಾಯ್ ನ ಶಿಫಾರಸುಗಳಲ್ಲಿ ಒದಗಿಸಲಾದಂತೆಯೇ ಇರಬೇಕು.

ಕ್ಯೂ. ಡಿಜಿಟಲ್ ರೇಡಿಯೋ ಪ್ರಸಾರಕ್ಕೆ ಪ್ರಮಾಣೀಕರಣ ಅವಧಿ 15 ವರ್ಷಗಳು.

ಆರ್. 25.07.2011 ರಂದು ಎಂಐಬಿ ಸೂಚಿಸಿದ ಖಾಸಗಿ ಎಫ್ ಎಂ ರೇಡಿಯೊದ ಮೂರನೇ ಹಂತದ ನೀತಿ ಮಾರ್ಗಸೂಚಿಗಳಲ್ಲಿ ಉಲ್ಲೇಖಿಸಲಾದ ಒಟ್ಟು ಆದಾಯದ ವ್ಯಾಖ್ಯಾನವನ್ನು ಉಳಿಸಿಕೊಳ್ಳಲಾಗಿದೆ.

ಎಸ್. ರೇಡಿಯೋ ಪ್ರಸಾರಕರು ಸ್ಟ್ರೀಮಿಂಗ್ ಒದಗಿಸುತ್ತಿದ್ದರೆ, ರೇಡಿಯೋ ಚಾನೆಲ್‌ನ ಸ್ಟ್ರೀಮಿಂಗ್‌ನಿಂದ ಬರುವ ಆದಾಯವನ್ನು ಜಿಆರ್‌ (ಒಟ್ಟು ಆದಾಯದ) ವ್ಯಾಖ್ಯಾನದಲ್ಲಿ ಸೇರಿಸಬೇಕು.

ಟಿ. ದೂರಸಂಪರ್ಕ ಪ್ರಮಾಣೀಕರಣಗಳಲ್ಲಿರುವಂತೆಯೇ ಹೊಂದಾಣಿಕೆಯ ಜಿಆರ್ ಗೆ ಅಧಿಕಾರ ಶುಲ್ಕವನ್ನು ವಿಧಿಸಬೇಕು.

ಯು. ಅನ್ವಯವಾಗುವ ಒಟ್ಟು ಆದಾಯ (ಎಪಿಜಿಆರ್) ರೇಡಿಯೋ ಪ್ರಸಾರ ಸೇವೆಗಳಿಗೆ ನೇರವಾಗಿ ಸಂಬಂಧಿಸದ ಆದಾಯದ ಐಟಂಗಳಿಂದ ಕಡಿಮೆಯಾದ ಪರವಾನಗಿದಾರರ ಒಟ್ಟು ಒಟ್ಟು ಆದಾಯ (ಜಿಆರ್) ಗೆ ಸಮನಾಗಿರಬೇಕು.

ವಿ. ಪಾವತಿಸಿದ ಯಾವುದೇ ಜಿಎಸ್ ಟಿಯನ್ನು ಕಡಿತಗೊಳಿಸಿದ ನಂತರ ಹೊಂದಾಣಿಕೆಯ ಒಟ್ಟು ಆದಾಯ (ಎಜಿಆರ್) ಅನ್ನು ಪಡೆಯಲಾಗುತ್ತದೆ.

ಡಬ್ಲೂ: ವಾರ್ಷಿಕ/ ಪ್ರಮಾಣೀಕರಣ ಶುಲ್ಕ ಹೀಗಿರುತ್ತದೆ.

1. 'A+', A', B', 'C' ಮತ್ತು 'D' ವಿಭಾಗದ ನಗರಗಳಿಗೆ ಎಜಿಆರ್ ನ ಶೇ.4ರಷ್ಟು.
2.  'ಇತರೆ' ವಿಭಾಗದ ನಗರಗಳಿಗೆ (ಎನ್ ಇ, ಜೆ&ಕೆ, ಲಡಾಖ್ ಮತ್ತು ದ್ವೀಪ ಪ್ರದೇಶದ ಗಡಿ ಮತ್ತು ಗುಡ್ಡಗಾಡು ಪ್ರದೇಶಗಳಲ್ಲಿ) ಮತ್ತು 'ಇ' ವರ್ಗದ ನಗರಗಳಿಗೆ - ಆರಂಭಿಕ 3 ವರ್ಷಗಳ ಅವಧಿಗೆ ಎಜಿಆರ್ ನ ಶೇ. 2ರಷ್ಟು, ನಂತರ ಮೇಲಿನಂತೆಯೇ

ಎಕ್ಸ್‌. ನಗರದಲ್ಲಿ ಕನಿಷ್ಠ ಮೂರು ವಿಭಿನ್ನ ನಿರ್ವಾಹಕರಿಗೆ ಒಳಪಟ್ಟು, ಒಂದು ಅಧಿಕೃತ ಘಟಕವು ಒಟ್ಟು ಸ್ಪಾಟ್ ತರಂಗಾಂತರಗಳಲ್ಲಿ ಶೇ.40 ಕ್ಕಿಂತ ಅಧಿಕ ಹೊಂದಲು ಅನುಮತಿಸಬಾರದು.

ವೈ. A+ ಮತ್ತು A ವಿಭಾಗದಲ್ಲಿ ಎಂಐಬಿ ಗುರುತಿಸಿದ ಒಟ್ಟು ಸ್ಪಾಟ್ ತರಂಗಾಂತರಗಳಲ್ಲಿ ಪ್ರತಿ ನಗರದಲ್ಲಿ ಡಿಜಿಟಲ್ ರೇಡಿಯೋ ಪ್ರಸಾರಕ್ಕಾಗಿ ಎರಡು ಹೊಸ ಸ್ಪಾಟ್ ತರಂಗಾಂತರಗಳನ್ನು ಈ ಹಂತದಲ್ಲಿ ಹರಾಜು ಮಾಡಬೇಕು. ಈ ಸುತ್ತಿನ ಫಲಿತಾಂಶ ಮತ್ತು ರಿಸೀವರ್ ಸಾಧನ ಪರಿಸರ ವ್ಯವಸ್ಥೆಯ ಅಭಿವೃದ್ಧಿ ಮತ್ತು ಪ್ರಸರಣದ ಪ್ರಗತಿಯನ್ನು ಪರಿಶೀಲಿಸಿದ ನಂತರ ಈ ನಗರಗಳಲ್ಲಿ ಉಳಿದ ತರಂಗಾಂತರಗಳ ಹರಾಜನ್ನು ಪರಿಗಣಿಸಬೇಕು. ಡಿಜಿಟಲ್ ರೇಡಿಯೊಗೆ ಸ್ಪಾಟ್ ತರಂಗಾಂತರದ ವ್ಯಾಖ್ಯಾನವನ್ನು ಒದಗಿಸಲಾಗಿದೆ.

ಝಡ್. ನಗರದಲ್ಲಿ ಒಂದು ಘಟಕದ ಬಹು ರೇಡಿಯೋ ಚಾನೆಲ್‌ಗಳಲ್ಲಿ ಪ್ರಕಾರಗಳ ಆಯ್ಕೆಯನ್ನು ಮಾರುಕಟ್ಟೆ ಶಕ್ತಿಗಳಿಗೆ ಬಿಡಬೇಕು.

ಎ. ಕೇಂದ್ರ ಸರ್ಕಾರವು ಟೆರೆಸ್ಟ್ರಿಯಲ್ ರೇಡಿಯೋ ಸೇವೆಗಳಿಗಾಗಿ ಪ್ರತ್ಯೇಕ ಕಾರ್ಯಕ್ರಮ ಕೋಡ್ ಮತ್ತು ಜಾಹೀರಾತು ಕೋಡ್ ಅನ್ನು ಅಧಿಸೂಚನೆ ಮಾಡಬೇಕು.

ಬಿ. 24 ತಿಂಗಳ ಅವಧಿಯೊಳಗೆ ಸೇವೆಗಳನ್ನು ನಿರ್ವಹಿಸದಿದ್ದಲ್ಲಿ, ತರಂಗಾಂತರ ನಿಯೋಜನೆಯನ್ನು ಹಿಂಪಡೆಯಬೇಕು ಮತ್ತು ಅಂತಹ ಹಿಂತೆಗೆದುಕೊಳ್ಳುವಿಕೆಯ ದಿನಾಂಕದಿಂದ ಐದು ವರ್ಷಗಳ ಅವಧಿಗೆ ಅದೇ ನಗರದಲ್ಲಿ ಮತ್ತೊಂದು ಸ್ಪಾಟ್ ತರಂಗಾಂತರ ಹಂಚಿಕೆಯಿಂದ ಘಟಕವನ್ನು ನಿಷೇಧಿಸಬೇಕು.

ಸಿ. ಪ್ರಸಾರ ಭಾರತಿ ತನ್ನ ಭೂಮಿ ಮತ್ತು ಟವರ್‌ ಮೂಲಸೌಕರ್ಯ (ಎಲ್ ಟಿಐ) ಹಾಗೂ ಸಾಮಾನ್ಯ ಪ್ರಸರಣ ಮೂಲಸೌಕರ್ಯ (ಸಿಟಿಐ) ಗಳನ್ನು ಖಾಸಗಿ ಪ್ರಸಾರಕರೊಂದಿಗೆ ರಿಯಾಯಿತಿ ಬಾಡಿಗೆ ದರದಲ್ಲಿ ಹಂಚಿಕೊಳ್ಳಬೇಕು ಮತ್ತು ಕಾರ್ಯಾಚರಣೆಯ ವೆಚ್ಚವನ್ನು ಸಂಪೂರ್ಣ ಮರುವಸೂಲಾತಿ ಮಾಡಿಕೊಳ್ಳಬೇಕು.

ಡಿ. ಪ್ರಸರಣ ಮೂಲಸೌಕರ್ಯದ ಕಡ್ಡಾಯ ಸಹ-ಸ್ಥಳದ ಷರತ್ತನ್ನು ತೆಗೆದುಹಾಕಬೇಕು ಮತ್ತು ಟೆರೆಸ್ಟ್ರಿಯಲ್ ರೇಡಿಯೋ ಸೇವೆಯ ಅಧಿಕೃತ ಘಟಕಗಳು ತಾಂತ್ರಿಕ ಮತ್ತು ವಾಣಿಜ್ಯ ಕಾರ್ಯಸಾಧ್ಯತೆಯ ಪ್ರಕಾರ ಪ್ರಸಾರ ಸೇವೆಗಳು, ದೂರಸಂಪರ್ಕ ಸೇವೆಗಳು, ಮೂಲಸೌಕರ್ಯ ಪೂರೈಕೆದಾರರು ಇತ್ಯಾದಿಗಳ ಘಟಕಗಳೊಂದಿಗೆ ಸ್ವಯಂಪ್ರೇರಿತ ಆಧಾರದ ಮೇಲೆ ಮೂಲಸೌಕರ್ಯವನ್ನು ಹಂಚಿಕೊಳ್ಳಲು ಅನುಮತಿಸಬೇಕು.

ಇ. 'A+' ಮತ್ತು 'A' ವರ್ಗದ 13 ನಗರಗಳಲ್ಲಿ ಹೊಸ ರೇಡಿಯೋ ಪ್ರಸಾರಕರಿಂದ ಏಕಕಾಲದಲ್ಲಿ ಪ್ರಸಾರ ಮಾಡಲು ಅಗತ್ಯವಿರುವ ತರಂಗಾಂತರ  ಹರಾಜಿಗೆ ನಿರ್ದಿಷ್ಟ ದರಗಳು ಈ ಕೆಳಗಿನಂತಿರಬೇಕು:

ಎಫ್. ಹೊಸ ಸ್ಪಾಟ್ ಫ್ರೀಕ್ವೆನ್ಸಿಗಳ ಯಶಸ್ವಿ ಬಿಡ್ ದಾರರಿಗೆ ಸರ್ಕಾರವು ದೂರಸಂಪರ್ಕ ವಲಯಕ್ಕೆ ಮಾಡಿದ ತರಂಗಾಂತರ (ಸ್ಪೆಕ್ಟ್ರಮ್) ಹರಾಜಿನಂತೆಯೇ ಬಿಡ್ ಮೊತ್ತವನ್ನು ಪಾವತಿಸಲು ಬಹು ಆಯ್ಕೆಗಳನ್ನು ನೀಡಬೇಕು.

ಜಿ. ಸಿಮಲ್‌ಕಾಸ್ಟ್‌ಗೆ ವಲಸೆ ಹೋಗುವ ಅಸ್ತಿತ್ವದಲ್ಲಿರುವ ಆಪರೇಟರ್‌ಗಳಿಗೂ ವಲಸೆ ಮೊತ್ತವನ್ನು ಪಾವತಿಸಲು ಬಹು ಆಯ್ಕೆಗಳನ್ನು ನೀಡಬೇಕು.

ಎಚ್. ವಾರ್ಷಿಕ ಕಂತುಗಳಲ್ಲಿ ಬಿಡ್ ಮೊತ್ತವನ್ನು ಪಾವತಿಸುವ ಸಂದರ್ಭದಲ್ಲಿ, 5 ವರ್ಷಗಳ ಮೂರು ಸ್ಲ್ಯಾಬ್‌ಗಳಲ್ಲಿ ಏರಿಕೆಯ ಕಂತುಗಳನ್ನು ಅನುಮತಿಸಬೇಕು, ಆ ಮೂಲಕ 15 ವರ್ಷಗಳಲ್ಲಿ ಸಮಾನ ಕಂತುಗಳಲ್ಲಿ ಎಡಿಪಿ ಯ ಶೇ.66.67ರಷ್ಟನ್ನು 15 ವರ್ಷಗಳಲ್ಲಿ ಸಮಾನ ಕಂತುಗಳಲ್ಲಿ ಮರಳಿ ಪಡೆಯಬೇಕು, ಎನ್ ಪಿವಿ ಮತ್ತು ಉಳಿದ ಶೇ.33.33ರಷ್ಟನ್ನು ಈ ದರಗಳಲ್ಲಿ ಸರಿಯಾಗಿ ಸಮತೋಲನ ಕಾಯ್ದುಕೊಳ್ಳಬೇಕು:

1. 1. ಮೊದಲ ಐದು ವರ್ಷಕ್ಕೆ ಯಾವುದೇ ಶುಲ್ಕವಿರುವುದಿಲ್ಲ;
   2. ಮುಂದಿನ ಐದು ವರ್ಷಗಳಲ್ಲಿ 1/3 ಭಾಗ, ಐದು ವರ್ಷಗಳ ಅವಧಿಯಲ್ಲಿ ಸಮಾನವಾಗಿ ವಿತರಿಸಲಾಗುತ್ತದೆ;
   3. ಕೊನೆಯ ಐದು ವರ್ಷಗಳಲ್ಲಿ 2/3 ಭಾಗ ಐದು ವರ್ಷಗಳ ಅವಧಿಯಲ್ಲಿ ಸಮಾನವಾಗಿ ವಿತರಿಸಲಾಗುತ್ತದೆ; ಎನ್ ಪಿವಿ ಯನ್ನು ಸರಿಯಾಗಿ ರಕ್ಷಿಸುವುದು.
2. ವಾರ್ಷಿಕ ಕಂತುಗಳಲ್ಲಿ ವಲಸೆ ಮೊತ್ತವನ್ನು ಪಾವತಿಸುವ ಸಂದರ್ಭದಲ್ಲಿ 5 ವರ್ಷಗಳ ಮೂರು ಸ್ಲ್ಯಾಬ್‌ಗಳಲ್ಲಿ ಹೆಚ್ಚುವರಿ ಕಂತುಗಳನ್ನು ಅನುಮತಿಸಬೇಕು, ಆ ಮೂಲಕ ಅಸ್ತಿತ್ವದಲ್ಲಿರುವ ಅನುಮತಿಯ ಉಳಿದ ಅವಧಿಗೆ NOTEF ನ ಅನುಪಾತದ ಮೊತ್ತದಿಂದ ಕಡಿಮೆಯಾದ ಎಡಿಪಿ ಯ ಶೇ.66.67ರಷ್ಟನ್ನು 15 ವರ್ಷಗಳಲ್ಲಿ ಸಮಾನ ಕಂತುಗಳಲ್ಲಿ ಈ ದರಗಳಲ್ಲಿ ಎನ್ ಪಿವಿ ಮತ್ತು ಎಡಿಪಿಯ ಶೇ.33.33ರಷ್ಟನ್ನು ಸೂಕ್ತ ರೀತಿಯಲ್ಲಿ ರಕ್ಷಿಸಲಾಗುತ್ತದೆ

1. 1. ಮೊದಲ ಐದು ವರ್ಷಕ್ಕೆ ಯಾವುದೇ ಶುಲ್ಕವಿರುವುದಿಲ್ಲ;
   2. ಮುಂದಿನ ಐದು ವರ್ಷಗಳಲ್ಲಿ 1/3 ಭಾಗ, ಐದು ವರ್ಷಗಳ ಅವಧಿಯಲ್ಲಿ ಸಮಾನವಾಗಿ ವಿತರಿಸಲಾಗುತ್ತದೆ;
   3. ಕೊನೆಯ ಐದು ವರ್ಷಗಳಲ್ಲಿ 2/3 ಭಾಗ ಐದು ವರ್ಷಗಳ ಅವಧಿಯಲ್ಲಿ ಸಮಾನವಾಗಿ ವಿತರಿಸಲಾಗುತ್ತದೆ; ಎನ್ ಪಿವಿ ಯನ್ನು ಸರಿಯಾಗಿ ರಕ್ಷಿಸುವುದು.

ವಾರ್ಷಿಕ ಕಂತು ಆಯ್ಕೆ ಅಥವಾ ಭಾಗಶಃ ಪಾವತಿ ಆಯ್ಕೆಯ ಸಂದರ್ಭದಲ್ಲಿ, ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದ ಒಂದು ವರ್ಷದ ಎಂಎಲ್ ಸಿಆರ್ ನ ಅನ್ವಯವಾಗುವ ಬಡ್ಡಿದರದಲ್ಲಿ ಕಂತುಗಳನ್ನು ರಿಯಾಯಿತಿ ಮಾಡುವ ಮೂಲಕ ಎಡಿಪಿ/ವಲಸೆ ಮೊತ್ತದ ಎನ್ ಪಿ ವಿ ಅನ್ನು ರಕ್ಷಿಸಬೇಕು.

ಡಿಜಿಟಲ್ ರೇಡಿಯೋ ಪ್ರಸಾರವು ಅನಲಾಗ್ ರೇಡಿಯೋ ಪ್ರಸಾರಕ್ಕಿಂತ ಹಲವು ಹೆಚ್ಚಿನ ಪ್ರಯೋಜನಗಳನ್ನು ಒದಗಿಸುತ್ತದೆ. ಈ ಶಿಫಾರಸುಗಳಲ್ಲಿ ಟ್ರಾಯ್ ಪ್ರಸ್ತಾಪಿಸಿದಂತೆ ಡಿಜಿಟಲ್ ರೇಡಿಯೋ ಪ್ರಸಾರದ ಪ್ರಮುಖ ಪ್ರಯೋಜನವೆಂದರೆ ಸಿಮಲ್‌ಕಾಸ್ಟ್ ಮೋಡ್‌ನಲ್ಲಿ ಒಂದೇ ಸ್ಪಾಟ್  ತರಂಗಾಂತರದಲ್ಲಿ ಒಂದು ಅನಲಾಗ್ ಚಾನಲ್ ಜೊತೆಗೆ ಮೂರು ಡಿಜಿಟಲ್ ಮತ್ತು ಒಂದು ಡೇಟಾ ಚಾನಲ್ ಅನ್ನು ಪ್ರಸಾರ ಮಾಡುವ ಸಾಮರ್ಥ್ಯವಿರಲಿದ್ದು, ಅದರಲ್ಲಿ ಡಿಜಿಟಲ್ ರೇಡಿಯೋ ಚಾನೆಲ್ ಉತ್ತಮ ಗುಣಮಟ್ಟದ ಆಡಿಯೊವನ್ನು ಒದಗಿಸುತ್ತದೆ, ಆದರೆ ಅನಲಾಗ್ ಮೋಡ್‌ನಲ್ಲಿ ತರಂಗಾಂತರದಿಂದ ಕೇವಲ ಒಂದು ಚಾನಲ್‌ನ ಪ್ರಸಾರವು ಸಾಧ್ಯ. ಇಂದಿನ ಸ್ಪರ್ಧಾತ್ಮಕ ವಾತಾವರಣದಲ್ಲಿ, ಡಿಜಿಟಲ್ ರೇಡಿಯೋ ಪ್ರಸಾರ ವಲಯವು ರೇಡಿಯೋ ಪ್ರಸಾರಕರಿಗೆ ಹೊಸ ಅವಕಾಶಗಳನ್ನು ಹಾಗೂ ಬಹು ಬಗೆಯ ಆಲಿಸುವ ಆಯ್ಕೆಗಳು ಮತ್ತು ಕೇಳುಗರಿಗೆ ಮೌಲ್ಯವರ್ಧಿತ ಸೇವೆಗಳನ್ನು ಒದಗಿಸುತ್ತದೆ.

ಶಿಫಾರಸುಗಳ ಪೂರ್ಣ ಪಠ್ಯವು ಟ್ರಾಯ್ ನ ವೆಬ್‌ಸೈಟ್ www.trai.gov.in. ನಲ್ಲಿ ಲಭ್ಯವಿದೆ. ಯಾವುದೇ ಸ್ಪಷ್ಟೀಕರಣ/ಮಾಹಿತಿಗಾಗಿ, ಟ್ರಾಯ್ ಸಲಹೆಗಾರ (ಪ್ರಸಾರ ಮತ್ತು ಕೇಬಲ್ ಸೇವೆಗಳು) ಡಾ. ದೀಪಾಲಿ ಶರ್ಮಾ ಅವರನ್ನು ದೂರವಾಣಿ ಮೂಲಕ ಸಂಪರ್ಕಿಸಬಹುದಾದ ಸಂಖ್ಯೆ: +91-11- 20907774.

*****