প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেৎ কম্মিতী ওন ইকনোমিক এফিয়র্সনা মশিং হেনগৎলক্লিবা কেন্দ্র সরকারগী কর্মচারীশিংগী মচাশিংগী এজুকেসনগী মথৌ তাবশিং ফংহন্নবা লৈবাক শিনবা থুংনা সিভিল সেক্তরগী মখাদা অনৌবা কেন্দ্রিয় বিদ্যালয় (KVS) 57 হাংদোকপদা অয়াবা পীখ্রে। অনৌবা KV 57 লিংখৎনবগীদমক্তা মথৌ তারিবা অপুনবা শেনফম অসি 5862.55 (চাউরাক্না) ওইদুনা মসি 2026-27 ফাওবগী চহি মাপনগী মতমগী মনুংগী ওইগনি। মসিগী মনুংদা কেপিতেল এক্সপেন্দিচর কম্পোনেন্ত ওইনা লুপা করোর 2585.52 (চাউরাক্না) অমসুং ওপরেস্নেল এক্সপেন্দিচর ওইনা লুপা করোর 3277.03 (চাউরাক্না) য়াওগনি। পনবা য়াবদি NEP 2020গীদমক্তা খুদম ওইরবা স্কুলশিং ওইনা, অহানবা ওইনা, হায়রিবা KV 57 অসি বালভতিকাশিংগা লোয়ননা সেঙ্কসন তৌখি, হায়বদি ফাউন্দেস্নেল স্তেজ (প্রাইমরী) গী চহি ৩।।

দিফেন্স অমসুং পেরামিলিতরী ফোর্সশিং য়াওনা কেন্দ্র সরকারগী ত্রান্সফর তৌবা য়াবা অমসুং ত্রান্সফর তৌবা য়াদবা কর্মচারীশিংগী মচাশিংগী এজুকেসনগী মথৌ তাবশিং ফংহন্নবা লৈবাক শিনবা থুংনা য়ুনিফোর্ম স্তেন্দর্দকী এজুকেস্নেল ফেসিলিতীশিং ফংহন্নবা ভারত সরকারনা KVগী স্কিম অসি নবেম্বর 1962দা অয়াবা পীখি। মরম অদুনা, "সেন্ত্রেল স্কুলস ওর্গনাইজেসন" অসি ভারত সরকারগী এজুকেসন মন্ত্রালয়গী য়ুনিৎ অমা ওইনা হৌদোকখি।

অনৌবা KVশিং হাংদোকপা অসি লেপ্পা লৈতনা চত্থবা থৌওং অমনি। মন্ত্রালয় অমসুং KVSনা তোঙান তোঙানবা স্পোন্সরিং ওথোরিতীশিং, কেন্দ্র সরকারগী মন্ত্রালয়শিং/ দিপার্তমেন্তশিং, রাজ্যশিং/ য়ু.তি.শিং য়াওনা অনৌবা KVশিং হাংদোক্নবগীদমক্তা চাং নাইনা প্রপোজেলশিং লাক্লি। প্রোপোজেলশিং অসি মরী লৈনবা স্পোন্সরিং ওথোরিতী হায়বদি রাজ্য/য়ু.তি.শিং/মন্ত্রালয়শিং/কেন্দ্র সরকারগী দিপার্তমেন্তশিংনা স্পোন্সর তৌই। ঙসি ফাওবদা, লৈবাক অসিগী মপান্দা লৈবা মোস্কো, কাথমান্দু অমসুং তেহরান, 03 য়াওরগা পুন্না মথৌ তৌরিবা KV 1288 লৈ। 30.06.2025 ফাওবদা মহৈরোইশিংগী অপুনবা এনরোলমেন্ত অসি চাউরাক্না লাখ 13.62 (চাউরাকপা) নি।

KV 85গী মমাংদা অয়াবা পীরকখিবা অদুগা লোয়ননা, হৌজিক্কী প্রপোজল অসিনা পেন-ইন্দিয়া এক্সপান্সনবু বেলেন্স তৌরগা KVশিংগী দিমান্দ য়াম্না লৈবা অদু থুংহল্লি। CCEAনা মিনিস্তর ওফ হোম এফিয়র্সনা স্পোন্সর তৌবা KV 7 অমসুং রাজ্য/য়ু.তি. কেন্দ্রিয় বিদ্যালয়শিংগী অনৌবা প্রপোজেল 57না সেয়র ফংদ্রিবা অমসুং স্ত্রেতেজিক ওইনা মরু ওইবা মফমশিংদা য়ৌহন্নবা অচেৎপা ফিরেপ অদু উৎলি। প্রপোজল অসিনা ইনক্লুসিবিতী অমসুং নেস্নেল ইন্তিগ্রেসনবু মপাঙ্গল কনখৎহন্নবা অৱাং, খা অমসুং নোংচুপকী মরক্তা বেলেন্স রিপ্রজেন্তেসনগা লোয়ননা নোংপোক্তা চাউখৎপা পুরক্নবা এপ্রোচ অমা উৎলি। 2024গী দিসেম্বরদা KV 85 অয়াবা পীরকখিবা অদুদগী মখা চত্থদুনা, মসিগী প্রপোজেল অসিদা রাজ্য/য়ু.তি. 17 কোনশিল্লি। মসিগী KV 57 অসিগী মনুংদা, কেন্দ্র সরকারগী এমপ্লোয়ী মশিং য়াম্না লৈরবসু হৌজিক হৌজিক KV অমত্তা লৈতবা জিলাশিংদা KV 20 হাংদোক্নবা থৌরাং তৌরি। মসিগী মথক্তা, এস্পিরেস্নেল দিস্ত্রিক্তশিংদা KV 14, LWE দিস্ত্রিক্তশিংদা KV 4 অমসুং NER/হিল্লি এরিয়াশিংদা KV 5 থৌরাং তৌরি প্রপোজ তৌরি। 2024গী দিসেম্বরদা KV 85গী অয়াবা পীরকপদগী মখা চৎথরকপা ওইনা 2019গী মার্চতগী কভর তৌদবা রাজ্যশিংদা অখন্নবা মীৎয়েং থমদুনা অনৌবা KV 57গী অয়াবা পীখ্রে।

প্রোজেক্ত অসি ইমপ্লিমেন্ত তৌনবগী এদমিনিস্ত্রেতিব স্ত্রকচরনা চাউরাক্না মহৈরোই 1520গী ফুল-ফ্লেদজ KV অমা চলাইবগীদমক সঙ্গথাননা লেপখিবা চৎন-কাঙলোনশিংগা মান্নবা পোস্তশিং শেম্বা মথৌ তাই। মরম অদুনা, মহৈরোই 86640না কান্নবা ফংগনি। হৌজিক চৎনরিবা চৎনবীগী মতুং ইন্না, ফুল-ফ্লেদজ KV (বালভতিকাদগী ক্লাস XII ফাওবা) অমনা মীওই 81দা থবক পীরি। মসিগী মতুং ইন্না, অনৌবা KV 57 অয়াবা পীরকপগা লোয়ননা, অপুনবা হকথেংননা লেপ্পা থবক ফংহন্নবা খুদোংচাবা 4617 শেম্লগনি। KV পুম্নমক্তা তোঙান তোঙানবা ফেসিলিতীশিং হেনগৎহন্নবা কন্সত্রক্সন অমসুং মসিগা মরী লৈনবা থবকশিং অসিনা স্কিল লৈরবা অমসুং স্কিল লৈতবা শিন্মী কয়াগীদমক্তা থবক ফংহন্নবগী খুদোংচাবা লৈগনি।

নেস্নেল এজুকেসন পোলিসী 2020গী মখাদা KV 913 অসি পি.এম. শ্রী স্কুলশিং ওইহন্দুনা NEP 2020 ইমপ্লিমেন্ত তৌরি উৎলি। KVশিং অসি মখোয়গী ক্বালিতী ত্রেনিং, ইন্নোবেতিব পেদাগোজী অমসুং অপতুদেৎ ইনফ্রাস্ত্রকচরনা মরম ওইদুনা খ্বাইদগী পাম্নবা স্কুলশিংনি। চহি খুদিংগী KVশিংদা বালভতিকা/ক্লাস Iদা এদমিসনগীদমক্তা এপ্লাই তৌরিবা মহৈরোইশিংগী মশিং লেপ্তনা হেনগৎলক্লি অমসুং CBSEনা পাংথোকপা বোর্দ একজামিনেসনশিংদা KVশিংগী মহৈরোইশিংগী পর্ফোমেন্স অসি এজুকেস্নেল সিস্তেম পুম্নমক্তা লেপ্তনা খ্বাইদগী ফবা ওইদুনা লাক্লি।

অসুম্না, KVশিং অসি মোদেল স্কুলশিং ওইনা লৈদুনা, ভারত সরকারগী মমাংগী সেঙ্কসনশিংদা অন্দর রিপ্রজেন্তেদ/রিপ্রজেন্ত তৌদ্রিবা রাজ্যশিংদা ক্বালিতী এজুকেসন শন্দোক্কনি হায়না প্রপোজেল অসিনা থাজবা পীরি। মসিগা লোয়ননা কেন্দ্র সরকারগী কর্মচারী মশিং য়াম্না লৈবা, এস্পিরেস্নেল দিস্ত্রিক্তশিংদা কভরেজ হেনগৎহনগনি অমসুং KVS নেৎৱার্ক অসি জিওগ্রাফীকেল্লি চেলেঞ্জিং অমসুং সোসিএল্লি ক্রিতিকেল ওইবা মফমশিংদা পাকথোক চাউথোকহনগনি।

***