કેન્દ્રીય ગૃહ અને સહકારિતા મંત્રી શ્રી અમિત શાહે બિહારમાં હાઇવે વિસ્તરણ અને રેલવે લાઇનોના ડબલિંગ માટે મંત્રીમંડળની મંજૂરી બદલ પ્રધાનમંત્રી શ્રી નરેન્દ્ર મોદીનો આભાર વ્યક્ત કર્યો હતો.

'X' પરની એક પોસ્ટમાં શ્રી અમિત શાહે જણાવ્યું હતું કે આજે મોદી સરકારે બિહારને રોડ અને રેલ પ્રોજેક્ટ્સ સંબંધિત ₹6,014.31 કરોડની ભેટ આપી છે. કેન્દ્ર અને રાજ્ય સ્તરે વિરોધ પક્ષો દ્વારા દાયકાઓ સુધી રેલ અને રોડ ઈન્ફ્રાસ્ટ્રક્ચર જેવા મૂળભૂત માળખાથી વંચિત રહેલા બિહારને અમારી ગઠબંધન સરકાર 'વિકસિત બિહાર'માં પરિવર્તિત કરી રહી છે. મંત્રીમંડળે બિહારમાં હાઇવે વિસ્તરણ અને રેલ લાઇનોને બમણી કરવા જેવા પ્રોજેક્ટ્સને મંજૂરી આપી છે, જે બિહારને વિકાસના માર્ગ પર આગળ ધપાવશે. રાજ્યમાં રોજગાર અને ઔદ્યોગિક વિકાસને પણ નવી ગતિ મળશે.

SM/IJ/GP/JD