केंद्रीय आरोग्य आणि कुटुंब कल्याण मंत्री,  जगत प्रकाश नड्डा यांनी आज निर्माण भवन येथे जागतिक अन्न नियामक शिखर परिषद (जीएफआरएस)  2025 चे बोधचिन्ह  आणि माहितीपुस्तिकेचे प्रकाशन केले. आरोग्य आणि कुटुंब कल्याण मंत्रालयाच्या अधीन, भारतीय अन्न सुरक्षा आणि मानक प्राधिकरणाकडून (एफएसएसएआय) 26 ते 27 सप्टेंबर दरम्यान, नवी दिल्ली येथील भारत मंडपम येथे, अन्न प्रक्रिया उद्योग मंत्रालयाद्वारे (MoFPI) आयोजित वर्ल्ड फूड इंडिया 2025 कार्यक्रमासोबत ही शिखर परिषद आयोजित करण्यात आली आहे.

आपल्या मुख्य भाषणात केंद्रीय आरोग्य मंत्र्यांनी जागतिक अन्न नियामक शिखर परिषदे(जीएफआरएस) 2025 ची संकल्पना, “इव्हॉल्विंग फूड सिस्टिम्स-‘’  यथा अन्नम् तथा मनः” अर्थात विकसित होणाऱ्या अन्न प्रणाली - जसे अन्न, तसे मन ही अन्न आणि मन व समाजाच्या आरोग्यामधील सखोल संबंधांचे सुंदर प्रतिबिंब असल्याचे अधोरेखित केले. "अन्न केवळ पोषण नाही, तर ते शारीरिक सुस्थिती, मानसिक आरोग्य, भावनिक संतुलन आणि सामाजिक सलोख्याला आकार देणारी एक शक्ती आहे," असे ते म्हणाले.

भारतीय अन्न सुरक्षा आणि मानक प्राधिकरण(एफएसएसएआय) ला यशस्वी आणि फलदायी शिखर परिषदेसाठी शुभेच्छा देऊन त्यांनी आपल्या भाषणाचा समारोप केला.

या शिखर परिषदेत एफएसएसएआय च्या ‘ईट राईट थाली’ या महत्त्वपूर्ण पुस्तकाचेही अनावरण होणार आहे, जे भारताच्या विविध पाककृती आणि संतुलित आहाराचा गौरव करते.

जागतिक अन्न नियामक शिखर परिषद(जीएफआरएस) 2025 ही एफएसएसएआय द्वारे आयोजित या कार्यक्रमाची तिसरी आवृत्ती आहे. मागील दोन शिखर परिषदांच्या यशाच्या आधारावर, एफएसएसएआय ने भारताला जागतिक अन्न सुरक्षा उपक्रम आणि नियामक संवादाचे केंद्र म्हणून ठामपणे स्थापित केले आहे.

या कार्यक्रमाला एफएसएसएआय चे मुख्य कार्यकारी अधिकारी राजित पुन्हानी; एफएसएसएआय चे कार्यकारी संचालक (एचआर)  उमाशंकर ध्यानी; आरोग्य आणि कुटुंब कल्याण मंत्रालयाचे सहसचिव  निखिल गजराज आणि एफएसएसएआय आणि आरोग्य आणि कुटुंब कल्याण मंत्रालया चे वरिष्ठ अधिकारी उपस्थित होते.

***

SuvarnaBedekar/ShaileshPatil/DineshYadav

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai