میک ان انڈیا کی ایک دہائی مکمل ہونے پر منعقدہ تقریب کے دوران، تجارت و صنعت کے مرکزی وزر جناب پیوش گوئل نے آج صنعت اور داخلی تجارت کے فروغ کے محکمے (ڈی پی آئی آئی ٹی) کی تغیراتی پہل قدمیوں کی سیریز کا آغاز کیا، جن کا مقصد ملک میں کام کاج کی اثرانگیزی میں اضافہ کرنا، اور ملک بھر میں مستقبل کے لیے تیار، عالمی سطح کا مسابقتی لاجسٹکس ایکو نظام تیار کرنا ہے۔

جناب گوئل نے روشنی ڈالی کہ حکومت نے ایشیائی ترقیاتی بینک (اے ڈی بی) کے تعاون سے اسمائل پروگرام کے تحت مربوط ریاستی اور شہری لاجسٹک منصوبے شروع کیے ہیں، جن کی شروعات آٹھ ریاستوں کے آٹھ شہروں سے کی گئی ہے۔ انہوں نے کہا کہ یہ مشق موجودہ لاجسٹک بنیادی ڈھانچے کا جائزہ لینے، خلا کی نشاندہی کرنے اور کارکردگی کو بہتر بنانے اور اخراجات کو کم کرنے کے لیے روڈ میپ فراہم کرنے میں مدد کرے گی۔ انہوں نے مزید کہا کہ یہ صرف شروعات کی نشاندہی کرتا ہے، جس کا مقصد ملک بھر میں اس طرح کے منصوبوں کو نقل کرنا ہے تاکہ سامان کی آسانی سے نقل و حرکت، مسابقت میں اضافہ، اور مضبوط سپلائی چین لچک کو یقینی بنایا جا سکے۔

ڈی پی آئی آئی ٹی کی قیادت میں، یہ پہل قدمیاں لاجسٹکس بنیادی ڈھانچے کی جدید کاری بھارت بھر میں سپلائی چینوں کو سہل بنانے کی حکومت کی عہدبستگی کو اجاگر کرتے ہیں۔ اس میں سے ایک اہم پہل قدمی مربوط ریاستی اور شہری لاجسٹکس منصوبوں کا آغاز ہے، یہ منصوبے مقامی لاجسٹکس ایکو نظام کو تقویت بہم پہنچائیں گے اور قومی سطح پر پیشرفت میں تعاون فراہم کریں گے۔

ڈی پی آئی آئی ٹی نے پہلے ہی نیشنل لاجسٹک پالیسی (این ایل پی) اور پی ایم گتی شکتی نیشنل ماسٹر پلان کے ذریعے اہم اصلاحات نافذ کی ہیں، جو لاجسٹک سیکٹر میں کارکردگی اور مسابقت کو بہتر بنانے کے لیے ایک مضبوط فریم ورک فراہم کر رہی ہے۔ ان کوششوں کو اے ڈی بی کی جانب سے کثیر ماڈل اور مربوط لاجسٹکس ایکو نظام کو مضبوط بنانے(ایس ایم آئی ایل ای) والے پروگرام کے تحت مزید تعاون حاصل ہے۔

ریاستوں نے اپنی اپنی لاجسٹک پالیسیاں اور ایکشن پلان بنا کر این ایل پی کے مقاصد سے ہم آہنگ ہونے کے لیے بھی فعال اقدامات کیے ہیں۔ پی ایم گتی شکتی پہل، این ایل پی، اور دسمبر 2024 میں چوتھی چیف سکریٹریز کانفرنس کے دوران جاری کردہ ہدایات کے مطابق، ڈی پی آئی آئی ٹی نے اب سٹی لاجسٹک پلانز کی تیاری میں ریاستوں کی مدد کے لیے ایک پروگرامی طریقہ اپنایا ہے۔

یہ اقدامات ایک جدید، مربوط اور عالمی سطح پر مسابقتی لاجسٹک سیکٹر کی تعمیر کی طرف ہندوستان کے سفر میں ایک اہم قدم کی نشاندہی کرتے ہیں۔

ریاستی اور شہری لاجسٹکس منصوبہ:

https://drive.google.com/file/d/1HuUvu7mhaXB1H9DX5bJdD2wWwv1CvRTG/view?usp=drive_link

**********

 (ش ح –ا ب ن)

U.No:6351