حکومت ہند جاپانی کریڈٹ ریٹنگ ایجنسی ، ریٹنگ اینڈ انویسٹمنٹ انفارمیشن انکارپوریشن (آر اینڈ آئی) کے ذریعہ ہندوستانی معیشت کے لیے دیے گئے‘‘مستحکم’’ درجے کو برقرار رکھتے ہوئے کریڈٹ ریٹنگ ایجنسی کے‘‘بی بی بی’’ سے ‘‘بی بی بی +’’  تک اپ گریڈ کرنے کے فیصلے کا خیرمقدم کرتی ہے۔

اگست 2025 میں ایس اینڈ پی کے ذریعہ ‘بی بی بی’ (بی بی بی-سے) میں اپ گریڈ اور مئی 2025 میں مارننگ اسٹار ڈی بی آر ایس کے ذریعہ بی بی بی (کم سطح)  سے 'بی بی بی' میں اپ گریڈ کے بعد، اس سال کسی کریڈٹ ریٹنگ ایجنسی کے ذریعہ یہ تیسری اپ گریڈیشن ہے ، جس سے دنیا کی سب سے متحرک اور مستحکم بڑی معیشتوں میں سے ایک کے طور پر ہندوستان کی پوزیشن کی تصدیق ہوتی ہے ۔

آج شائع ہونے والے آر اینڈ آئی کے ہندوستان کی درجہ بندی کے جائزے کے مطابق (Link: news_release_cfp_20250919_23993_eng.pdf) شرح بندی میں اپ گریڈ کو دنیا کی سب سے بڑی اور تیزی سے ترقی کرنے والی معیشتوں میں سے ایک کے طور پر ہندوستان کی پوزیشن کی حمایت ہوتی ہے ، جو اس کے آبادیاتی منافع ، مضبوط گھریلو مانگ اور مستحکم حکومتی پالیسیوں پر مبنی ہے۔  آر اینڈ آئی نے اپنی رپورٹ میں حکومت ہند کی طرف سے مالی استحکام کی پیش رفت کو تسلیم کیا ہے، جس میں ٹیکس کی آمدنی میں اضافے اور سبسڈی کو معقول بنانے اور اعلی ترقیاتی سطح کے ساتھ ساتھ قرض کی قابل نظم سطح کارفرما ہے ۔  یہ ہندوستان کے مضبوط بیرونی استحکام کو بھی اجاگر کرتا ہے ، جو کرنٹ اکاؤنٹ کے معمولی خسارے ، خدمات اور ترسیلات زر میں مستحکم اضافے ، جی ڈی پی تناسب میں کم بیرونی قرض، اور کافی غیر ملکی زر مبادلہ کے احاطے کی شکل میں ظاہر ہوتا ہے ۔

ایجنسی نے مزید کہا کہ مالیاتی نظام سے متعلقہ خطرات محدود ہیں۔  ایجنسی نے اپنے بیان میں کہا ، ‘‘اگرچہ حکومت سرمایہ جاتی اخراجات میں اضافہ کر رہی ہے ، لیکن مضبوط گھریلو طلب  کے ساتھ ساتھ سبسڈی میں کٹوتی کی حمایت سے ٹیکس کی آمدنی میں اضافے کی بدولت وہ مالی خسارے کو کم کرنے میں کامیاب رہی ہے ۔ امریکہ کی طرف سے محصولات میں حالیہ اضافے کو ایجنسی کی طرف سے خطرے کے عنصر کے طور پر تسلیم کیا گیا ہے، تاہم ، یہ مشاہدہ بھی کیا گیا ہے کہ  امریکہ برآمدات اور اس کی گھریلو طلب پر مبنی ترقی کے ماڈل پر ہندوستان کا محدود انحصار اس کے اثرات میں شامل ہوگا ۔  اس نے مزید واضح کیا کہ جی ایس ٹی کو معقول بنانے کے نتیجے میں محصولات کے کچھ نقصانات ہوں گے ، لیکن منفی اثرات ممکنہ طور پر نجی کھپت کی حوصلہ افزائی سے کچھ حد تک پورا ہوں گے ۔

ایجنسی نے وزیر اعظم جناب نریندر مودی کی انتظامیہ کی پالیسیوں کی بھی بھر پور تعریف کی جس کا مقصد بنیادی طور پر غیر ملکی مینوفیکچررس کو ہندوستان کی طرف راغب کرنا، بنیادی ڈھانچہ تیار کرنا ، کاروباری ماحول کو بہتر بنانے کے لیے قانونی فریم ورک کو ادارہ جاتی شکل دینا، توانائی کی درآمدات پر انحصار کو کم کرنا اور معاشی تحفظ کو یقینی بنانا ہے۔

ایس اینڈ پی ، مارننگ اسٹار ڈی بی آر ایس اور آر اینڈ آئی سے اس سال ہندوستان کو ملنے والی یہ تیسری کریڈٹ ریٹنگ اپ گریڈنگ ہے اور اس سے ہندوستان کے مضبوط اور مستحکم میکرو اکنامک بنیادی اصول اور محتاط مالیاتی نظم کے لیے بڑھتی ہوئی عالمی شناخت کی عکاسی ہوتی ہے ۔  یہ موجودہ عالمی غیر یقینی صورتحال کے درمیان ہندوستان کی وسط مدتی ترقی کے امکانات پر عالمی اعتماد کی بھی نشاندہی ہوتی ہے ۔  حکومت ہند ایسی پالیسیوں کے ذریعے اس رفتار کو بڑھانے کے لیے پابند عہد ہے جو مالیاتی احتیاط اور بڑے اقتصادی استحکام کے ساتھ ساتھ جامع ، اعلی معیار کی ترقی کو فروغ دینے والی ہیں ۔

CLICK HERE TO ACCESS R&I’S INDIA SOVEREIGN RATING

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح ۔ م ش ع۔ م الف)

U. No. 6294