ایشیائی ترقیاتی بینک (اے ڈی بی) اور حکومت ہند نے کل اتراکھنڈ کے ٹہری جھیل کے علاقے میں پائیدار اور موسمیاتی لحاظ سے مضبوط سیاحت کے ذریعے دیہی ترقی کو فروغ دینے کے لیے 126.42 ملین ڈالر کے قرض کے معاہدے پر دستخط کیے ہیں۔

ٹہری جھیل ایریا پروجیکٹ (https://www.adb.org/projects/57213-001/main) میں پائیدار، جامع، اور موسمیاتی لچکدار سیاحت کی ترقی کے دستخط کنندگان میں حکومت ہند کی وزارت خزانہ کے اقتصادی امور سے متعلق محکمے کی جوائنٹ سکریٹری محترمہ جوہی مکھرجی اور اے ڈی بی کے انڈیا ریذیڈنٹ مشن کے آفیسر انچارج  جناب کائی وے ای  اے او تھے۔

قرض کے معاہدے پر دستخط کرنے کے بعد محترمہ مکھرجی نے کہا‘‘اے ڈی بی کا قرض ریاست کو متنوع، ہر موسم میں سیاحتی مقام کے طور پر فروغ  دینے کے لیے حکومت اتراکھنڈ کی پالیسی کی حمایت کرتا ہے، جس کی ٹہری جھیل کو ترقی کے لیے ترجیحی علاقے کے طور پر شناخت کیا گیا ہے۔’’

جناب اے او نے کہا ‘‘یہ منصوبہ روزگار پیدا کرنے، آمدنی میں تنوع لانے اور آب و ہوا میں لچک پیدا کرنے کے لیے کثیر شعبوں کے نقطہ نظر کو اپنا کر ہائیڈرو پاور جھیل کے ارد گرد پائیدار سیاحت کے لیے ایک ماڈل پیش  کرتا ہے۔’’

یہ پروجیکٹ ٹہری گڑھوال ضلع پر مبنی ہے، جو اتراکھنڈ کے سب سے زیادہ موسمیاتی خطرات سے دوچار اور اقتصادی طور پر پسماندہ علاقوں میں سے ایک ہے۔ اس کا مقصد 87,000 سے زیادہ مقامی افراد اور 2.7 ملین سالانہ وزیٹر کو سیاحت کی بہتر منصوبہ بندی، اپ گریڈ شدہ انفراسٹرکچر، بہتر صفائی ستھرائی اور فضلہ کے انتظام اور آفات سے نمٹنے کی تیاری کے ذریعے فائدہ پہنچانا ہے۔

اہم اقدامات  میں ادارہ جاتی مضبوطی، آب و ہوا کے لیے لچکدار بنیادی ڈھانچہ، لینڈ سلائیڈنگ اور سیلاب کے خطرات کو کم کرنے کے لیے فطرت پر مبنی حل اور خواتین، نوجوانوں اور نجی شعبے کی قیادت میں شامل سیاحتی خدمات شامل ہیں۔

قابل ذکر خصوصیات میں خواتین، نوجوانوں، اور بہت چھوٹے، چھوٹے اور درمیانے درجے کے کاروباری اداروں کی قیادت میں سیاحت کو سپورٹ کرنے کے لیے روزی روٹی میچنگ گرانٹ پروگرام، معذور افراد کے لیے عالمی رسائی کا ڈیزائن، اور پائلٹ گاؤوں میں خواتین کی زیر قیادت ڈیزاسٹر رسک مینجمنٹ پہل شامل ہیں۔

۔۔۔۔۔۔۔۔۔۔۔

ش ح۔ک ا۔ ن م۔

U-5877