প্রধানমন্ত্রীগী লোইশঙ
প্রধান মন্ত্রী মোদীনা প্রধান মন্ত্রী জিওর্জিয়া মেলোনিগা ৱারি শানখ্রে
ইন্দিয়া-ইতালি ষ্ট্রাতেজিক পার্তনরশি হেন্না চেৎশীনহন্নবা লুচিংবশিংনা অমুক হন্না ফোঙদোকখ্রে
ইন্দিয়া-ই.য়ু এফ.তি.এ অথুবা মতমদা য়ানবা পুরক্নবগীদমক প্রধান মন্ত্রী মেলোনিনা শৌগৎপা ফোঙদোকখ্রে
আই.এম.ই.ই.ই.সি থবক্কী মখাদা চৎথোক-চৎশিন ফগৎহন্নবা লুচিংবশিংনা থাজবা পীখ্রে
Posted On:
10 SEP 2025 6:23PM by PIB Imphal
ঙসি প্রধান মন্ত্রী শ্রী নরেন্দ্র মোদীনা ইতালিগী প্রধান মন্ত্রী জিওর্জিয়া মেলোনিগা তেলিফোন্দা ৱারি শানখ্রে।
শেন থাদবা, ঙাক-শেন, সেকুরিতি, স্পেস, সাইন্স অমসুং তেক্নোলোজি, লাইরিক-লাইশু, মীগা-মীগা লৈনবা মরীশিং অমসুং তেরোরিজম লাকশিনবা য়াওনা হিরম কয়াদা লৈনরিবা লৈবাক অসিগী অচেৎপা মরীশিং ফগৎলকপদা লুচিংবশিংনা হন্না য়েংশিনখ্রে অমসুং নৈনখ্রে। জোইন্ত ষ্ট্রাতেজিক এক্সন প্লান ২০২৫-২৯ গী পান্দম মতুংইন্না, মখা তানা মরীশিং ফগৎহন্নবা লুচিংবা অনিমক্না মখোয়গী থাজবা অমুক হন্না ফোঙদোকখ্রে।
লৈবাক অনিমক্না দরকার ওইবা লমদম লমদমগী অমসুং মালেমগী থৌদোক-ৱাথোকশিংগী মতাংদা মখোয়না ৱাখল্লোনশিংসু ফোঙদোক্নখ্রে। অথুবা মতমদা অমসুং শান্তি ওইনা য়ুক্রেনগী মুক্নবা ৱারোইশিন পুরকপগী দরকার ওইবা মখোয়না য়ানখ্রে। মাইকৈ অসিদা পায়খৎপা থবক খুদিংমক ভারতনা মপুংফানা শৌগৎপা প্রধান মন্ত্রী মোদীনা অমুক হন্না ফোঙদোকখ্রে।
লৈবাক অনিমক কান্নবা ফংগদৌরিবা ইন্দিয়া-য়ুরোপ ফ্রি ত্রেদ এগ্রিমেন্ত অথুবা মতমদা য়ানবা পুরক্নবা অমসুং ভারতনা য়ুম্বু ওইদুনা ২০২৬ দা পাংথোক্কদৌরিবা এ.আই ইম্পেক্ত সম্মিৎ মাইপাক্নবগীদমক ইতালিনা মপুংফানা শৌগৎপা প্রধান মন্ত্রী মেলোনিনা অমুক হন্না ফোঙদোকখ্রে। ইন্দিয়া মিদল ইষ্ট য়ুরোপ ইকোনোমিক কোরিদোর( আই এম ই ই ই সি) থবক্কী মখাদা চৎথোক-চৎশিন ফগৎহন্নবা থবকশিং পায়খৎপদা লুচিংবশিংনা য়ানরে।
মখা তানা পাউ ফাওনবদা লুচিংবশিং য়ানখ্রে।
***
(Release ID: 2165420)
Visitor Counter : 2
Read this release in:
Assamese
,
Tamil
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Kannada
,
Malayalam