భారీ పరిశ్రమలపై నూతన జీఎస్టీ రేట్ల ప్రభావం

భారీ పరిశ్రమలకు సంబంధించిన అనేక వస్తువులపై కొత్త జీఎస్టీ రేట్లు, శ్లాబులు విస్తృత ప్రభావాన్ని చూపిస్తాయి. వాటికి సంబంధించిన పూర్తి వివరణ దిగువన పేర్కొన్న విధంగా ఉంది:

ఆటోమొబైల్స్

• ఆటోమొబైల్ రంగంలో బైకులు (350 సీసీ బైకులతో సహా 350 సీసీ వరకు), బస్సులు, చిన్న కార్లు, మీడియం, లగ్జరీ కార్లు, ట్రాక్టర్లు (1800 సీసీ తక్కువ) సహా వివిధ విభాగాల్లో జీఎస్టీ రేటు తగ్గింది.

• వాహన విడి భాగాలపై కూడా ఈ రేటు తగ్గుతుంది.

• డిమాండును పెంచడం ద్వారా ఆటోమొబైల్ తయారీదారులు, అనుబంధ పరిశ్రమ (టైర్లు, బ్యాటరీలు, విడి భాగాలు, గ్లాసు, స్టీలు, ప్లాస్టిక్, ఎలక్ట్రానిక్స్, తదితరమైనవి)లకు జీఎస్టీ తగ్గింపు సహాయపడుతుంది.

• పెరుగుతున్న వాహనాల అమ్మకాలు విడిభాగాలకు ఆర్డర్లను పెంచుతాయి. ఫలితంగా ఈ సరఫరా వ్యవస్థలో ప్రధాన భాగమైన ఎంఎస్ఎంఈలపై గుణాత్మక ప్రభావాన్ని చూపిస్తాయి.

• తయారీ, అమ్మకాలు, ఆర్థికం, నిర్వహణ, తదితర విభాగాల్లో 3.5 కోట్ల ఉద్యోగాలకు మొత్తం వాహన పరిశ్రమ ప్రత్యక్షంగా, పరోక్షంగా మద్దతు అందిస్తుంది.

• డిమాండ్‌లో ఈ పెరుగుదల డీలర్షిప్పులు, ట్రాన్స్‌పోర్టు సేవలు, లాజిస్టిక్స్, ఎంఎస్ఎంఈ రంగాల్లో కొత్త ఉద్యోగాలను కల్పిస్తుంది.

• అసంఘటిత రంగంలో ఉద్యోగులు (డ్రైవర్లు, మెకానిక్‌లు, చిన్న సర్వీసు గ్యారేజీలు) కూడా ప్రయోజనం పొందుతారు.

• వాహన కొనుగోళ్లు కూడా రుణ ఆధారితమైనవే (ఎన్‌బీఎఫ్‌సీలు, బ్యాంకులు, ఫిన్‌టెక్ రుణాలు ఇచ్చేవారు). వాహన అమ్మకాల్లో పెరుగుదల రీటైల్ రుణాల వృద్ధికి, వాహన నాణ్యత పెరుగుదలకు, సెమీ-అర్బన్ ప్రాంతాల్లో ఆర్థిక సమ్మిళిత్వాన్ని విస్తరించేందుకు తోడ్పడుతుంది.

• హేతుబద్దీకరించిన జీఎస్టీ రేట్ల ద్వారా లభించే విధాన హామీ ఆటోమొబైల్ రంగంలో కొత్త పెట్టుబడులను పెంపొందిస్తుంది. ఇది మేక్ ఇన్ ఇండియా, తయారీ రంగాన్ని కూడా ప్రోత్సహిస్తుంది.

• కొత్త, ఇంధన సామర్థ్యం కలిగిన మోడళ్లతో పాత వాహనాలను భర్తీ చేసేలా జీఎస్టీ రేటు తగ్గింపు ప్రోత్సహిస్తుంది. అలాగే.. పర్యావరణహిత వాహన రంగానికి మద్దతు ఇస్తుంది.

ద్విచక్ర వాహనాలు (350 సీసీ బైకులతో సహా 350 సీసీ బైకుల వరకు)- (28 నుంచి 18 శాతానికి)

• జీఎస్టీ రేటు తగ్గించడం వల్ల యువత, నిపుణులు, దిగువ మధ్యతరగతి కుటుంబాలకు బైకుల ధరలు అందుబాటులో ఉంటాయి.

• భారత్‌లో గ్రామీణ, సెమీ అర్బన్ ప్రాంతాల్లో బైకులే ప్రాథమిక రవాణా సాధనాలు. తక్కువ ధరల్లో లభించే ద్విచక్ర వాహనాల వల్ల రైతులు, చిన్న వ్యాపారులు, రోజు కూలీలకు ప్రత్యక్ష ప్రయోజనం కలుగుతుంది.

• ద్విచక్ర వాహనాల ధరలు, రుణాల ఈఎంఐ తగ్గడం వల్ల గిగ్ వర్కర్లకు ప్రయోజనం చేకూరుతుందని, వారి పొదుపు పెరుగుతుందని అంచనా వేస్తున్నారు.

చిన్న కార్లు (28 నుంచి 18 శాతానికి తగ్గిన జీఎస్టీ)

• అందుబాటు ధరల విభాగంలో.. కార్లు మరింత చౌకగా లభించడం వల్ల మొదటిసారి కొనుగోలు చేసేవారికి ప్రోత్సాహం లభించడంతో పాటు.. దేశీయంగా రవాణా వ్యవస్థ విస్తరిస్తుంది.

• చిన్న కార్లు ఎక్కువగా ఉండే.. చిన్న నగరాలు, పట్టణాల్లో వాటి అమ్మకాలను తగ్గిన జీఎస్టీ మరింత పెంచుతుంది.

• అమ్మకాలు పెరగడం వల్ల కారు డీలర్షిప్పులు, సర్వీసు వ్యవస్థలు, డ్రైవర్లు, ఆటో-ఫైనాన్స్ సంస్థలకు ప్రయోజనం చేకూరుతుంది.

• (ఇందులో 1200 సీసీ కంటే తక్కువ, నాలుగు మీటర్ల పొడవు మించని పెట్రోల్ ఇంజిన్ కార్లు, 1500 సీసీ కంటే తక్కువ నాలుగు మీటర్ల పొడవు మించని డీజిల్ కార్లు ఉన్నాయి)

పెద్ద కార్లు (సెస్ తొలగించిన తర్వాత 40 శాతానికి తగ్గిన జీఎస్టీ)

• అదనపు సెస్ తొలగించడం వల్ల ధరలు తగ్గడమే కాకుండా.. పన్ను విధానం సులభతరంగా, ఊహించదగినదిగా మారుతుంది.

• 40 శాతం వద్ద కూడా సెస్ లేకపోవడం వల్ల పెద్ద కార్లపై విధించే పన్ను తగ్గుతుంది. ఫలితంగా వాటిని కొనుగోలు చేయాలనుకొనేవారికి అవి మరింత చౌకగా అందుబాటులోకి వస్తాయి.

• పన్ను రేటును 40 శాతానికి తగ్గించడం, సెస్ తొలగించడం వల్ల ఈ పరిశ్రమలు పూర్తిగా ఐటీసీకి అర్హత పొందుతాయనే హామీ లభిస్తుంది. అయితే గతంలో ఐటీసీని సెస్‌ను మినహాయించి 28 శాతం వరకు మాత్రమే ఉపయోగించుకునే అవకాశం ఉండేది.

ట్రాక్టర్లు (1800 సీసీ కంటే తక్కువ ఉన్నవాటికి 12 నుంచి 5 శాతానికి తగ్గింది)