প্রধানমন্ত্রীগী লোইশঙ
প্রধান মন্ত্রী নরেন্দ্র মোদীনা নেস্নেল এৱার্দী ওজাশিংদা ৱা ঙাংখ্রে
সেপ্তেম্বর 22দগী, নবরাত্রিগী অহানবা নুমিৎতগী হৌদুনা অনৌবা GST রেৎশিং অসি ইমপ্লিমেন্ত তৌরগনি, মখোয়না ঐখোয়গী লৈবাক্কীদমক সপ্পোর্ত অমসুং গ্রোথকী দবল দোজ ওইরগনি: পি.এম.
মসিনা ইমুং খুদিংমক্কীদমক সেভিং হেনগৎহনবা খক্তা নত্তনা মসিনা ঐখোয়গী শেন্মীৎলোনদা অনৌবা মপাঙ্গলসু হাপলগনি: পি.এম.
ঐখোয়না আত্মনির্ভর ভারত অমা শেমগৎনবা মাইকৈদা থবক তৌরি! অমসুং পান্দম অসিগী মাইকৈদা হৌরক্লিবা মীরোলদা ইথিল পীনবা ঐখোয়গী ওজাশিংগী থৌদাং অসি য়াম্না মরু ওই: পি.এম.
ঐখোয়গী নহারোলগী য়াইফনবগীদমক ঐখোয়না খল্লি। মরম অসিনা ঐখোয়না ওনলাইন মনী গেমশিং থিংনবা অচৌবা খোঙথাং অমা লৌখৎখি: পি.এম.
ভারতকী হৌরক্লিবা মীরোলনা সাইন্তিস্তশিং অমসুং ইন্নোবেতরশিং ওইনবগী খুদোংচাবশিং অমত্তা ৱাৎহল্লোইদবনি, মসিদা ঐখোয়গী ওজাশিংনা শরুক য়াশিনবসু মরু ওই: পি.এম.
চাউথোকচবগা লোয়ননা হায়য়ু, মদুদি মসি স্বাদেশীনি, ঙসি মসিগী ৱাখল্লোন অসিনা লৈবাক অসিগী অঙাং খুদিংমক্তা ইথিল পীগদবনি: পি.এম.
Posted On:
04 SEP 2025 10:02PM by PIB Imphal
প্রধান মন্ত্রী শ্রী নরেন্দ্র মোদীনা ঙসি নই দিল্লীদা নেস্নেল এৱার্দী ওজাশিংদা ৱা ঙাংখ্রে। শ্রী মোদীনা ভারতকী খুন্নাইনা ওজাশিংদা পীরিবা মহৌশা ওইরবা ইকাই খুম্নবা অদুগী থাগৎপা ফোংদোকখি। মহাক্না অকনবা ৱাফম থমখি মদুদি ওজাশিংবু ইকায় খুম্নবা অসি চৎনবী অমা খক্তা নত্তে অদুবু মখোয়গী পুন্সি চুপ্পা কত্থোকখিবা অমসুং ইথিলবু মশক খঙবনি।
প্রধান মন্ত্রীনা নেস্নেল তিচর এৱার্দ ফংলবশিংগী মফমদা নুংঙাইবা ফোংদোকখি। মহাক্না হায়খি মদুদি মখোয়গী খনগৎপা অসি মখোয়গী কন্না হোৎনবগী অমসুং অচেৎপা থাজবগী মশক অমনি। প্রধান মন্ত্রীনা হায়খি মদুদি ওজাশিংনা হৌজিক্কী মতম শেম্বা খক্তা নত্তনা লৈবাক অসিগী তুংলমচৎসু শেম্মি। মসিনা মরম ওইদুনা মখোয়গী থৌদাং অসি লৈবাক্কী সেবাগী খ্বাইদগী ৱাংবা মওং অমনি। মহাক্না মখা তারদুনা হায়খি মদুদি লৈবাক শীনবা থুংনা লৈরিবা ওজা মিলিয়ন কয়ানা, চহি অসিগী এৱার্দ ফংলবশিংগুম্না, ইকাই খুম্নবা, থৌনা অমসুং সেবাগী ৱাখল্লোনগা লোয়ননা এজুকেসনদা থৱায় য়াওনা হোৎনরি। থৌরম অসিদা, মহাক্না লৈবাক শেমগৎপদা শরুক য়ারিবা অসিগুম্বা এজুকেতর খুদিংমক্কী থৌদাংবুসু ইকায় খুম্নবা উৎখি।
প্রধান মন্ত্রীনা ভারতকী খুমাং চাউশিল্লকপদা ওজাশিংনা লৌরিবা অচৌবা থৌদাং অদু থাগৎপা ফোংদোকখি। মহাক্না হায়খি মদুদি লৈবাক অসিনা গুরু-শিশ্যা চৎনবী অসি মতম পুম্নমক্তা ইকাই খুম্নদুনা লাক্লি। ভারত্তা গুরু হায়বসি লৌশিং পীবতা নত্তনা পুন্সিগী লমজিং-লমতাকপনি। “ঐখোয়না চাউখৎলবা ভারত অমা শেমগৎপগী মঙলানগা লোয়ননা মাংলোমদা চংশিল্লি। মসিগী চৎনবী অসিনা ঐখোয়গী পাঙ্গল ওইরি। অদোমগুম্বা ওজাশিং অসি অসিগুম্বা হেরিতেজ অসিগী হিংলিবা মশকশিংনি। অদোম্না লাইরিক হৈবা খক পীবা নত্তনা নহা ওইরিবা মীরোলশিংদা লৈবাক্কীদমক হিংবগী ৱাখল্লোনসু পোকহল্লি," হায়না শ্রী মোদীনা মখা তাখি।
প্রধান মন্ত্রীনা অকনবা ৱাফম থমখি মদুদি ওজাশিংনা মপাঙ্গল কনবা লৈবাক অমা অমসুং শক্তি লৈরবা খুন্নাই অমগী য়ুম্ফমনি। মহাক্না পনখি মদুদি ওজাশিংনা মতমগা চুনবা তম্বীবা অমসুং মতমগী মতুং ইন্না তম্বীবগীদমক করিক্যুলম অমসুং সিলেবসতা মতমগা চুনবা অহোংবা পুরকপগী তঙাইফদবা অদুসু খঙই। “অসিগুম্বা ৱাখল্লোন অসি লৈবাক অসিগীদমক পায়খৎলিবা রিফোর্মশিংদা উৎলি। রিফোর্মশিং অসি লেপ্পা লৈতনা অমসুং মতম অসিগী মতুং ইন্না পাংথোক্কদবনি, মসি ঐখোয়গী সরকারগী অচেৎপা ফিরেপনি,” হায়না মহাক্না মখা তাখি।
স্ত্রকচরেল রিফোর্মশিংগী খুত্থাংদা ভারতপু মশা-মরোমদোম লেপচবা ঙম্নবা লাল কিলাদগী শকখিবা ৱাশক অদু নৌহৌননা নীংশিংলদুনা প্রধান মন্ত্রীনা হায়খি, "ঐহাক্না দিৱালী অমসুং ছথ পুজাগী মমাংদা মীয়ামগীদমক দবল সেলেব্রেসন অমা পাংথোক্কনি হায়না ৱাশকখি। মসিগী ৱাখল্লোন অসিগী মতুং ইন্না, GST হৌজিক GST অসি হেন্না লায়থোক্লে। হৌজিক্তি মরু ওইনা GSTগী স্লেব অনি, 5% অমসুং 18% লৈরে। অনৌবা রেৎশিং অসি নবরাত্রিগী অহানবা নুমিৎ, সেপ্তেম্বর 22, নীংথৌকাবা নুমিৎতগী চৎনবা হৌগনি। প্রধান মন্ত্রীনা হায়খি মদুদি নবরাত্রিগী হৌরকপদগী ইমুং করোর কয়াগী তঙাই ফদবা পোৎলমশিং অসি হেন্না য়াম্লগনি। মহাক্না মখা তাখি মদুদি হন্দক্কী ধনতেরাস অসি হেন্না থোইদোক হেন্দোক্না নুংঙাইগনি, মরমদি পোৎলম কয়াগী তেক্স অসি য়াম্না হন্থরে।
শ্রী মোদীনা হায়খি মদুদি GST মসিনা লৈবাক অসিবু তেক্স ময়ামগী কমপ্লেক্স ওইরবা ৱেব অমদগী লৌথোকখি। হৌজিক, ভারতনা 21শুবা চহিচাদা খুমাং চাউশিল্লকপগা লোয়ননা, মীদিয়াদা মসিবু ‘GST 2.0’ হায়না কৌরিবা রিফোর্ম অসি সপ্পোর্ত অমসুং গ্রোথকী তশেংবা দবল দোজ অমনি। রিফোর্ম অসিনা অপুনবা ইমুংশিংগীদমক সেভিং হেনগৎহনবা অমসুং শেন্মিৎলোনগী মপাঙ্গল কনখৎহনবা দবল দোজ পীরি। “খোঙথাং অসিনা লায়রবশিং, নিও-মিদল ক্লাস, মিদল ক্লাস, লৌমীশিং, নুপীশিং, মহৈরোয়শিং অমসুং নহাশিংদা অচৌবা মতেং পাংগনি হায়না পানরি। অনৌবা থবক পায়খৎলিবা নহা ওইরিবা প্রোফেস্নেলশিংনা অয়াম্বনা ভেহিকল তেক্স হন্থবনা কান্নবা ফংগনি। ৱারেপ অসিনা য়ুমগী বজেৎশিং মেনেজ তৌবা অমসুং মখোয়গী পুন্সি মহিং ফগৎহনবদা ইমুংশিংদা খুদোংচাবা পীরগনি” হায়না শ্রী মোদীনা মখা তাখি।
প্রধান মন্ত্রী শ্রী নরেন্দ্র মোদীনা NDA সরকারনা পায়খৎলিবা ত্রান্সফোর্মেস্নেল তেক্স রিফোর্মশিং অদু পনখি। মহাক্না হায়খি মদুদি GSTদা চাউনা হন্থরকপা অসিনা ভারতকী ইমুংশিংদা পীরিবা শেলথুমগী অৱাবা পোৎলুম অসি হন্থহল্লগনি। শ্রী মোদীনা হায়খি মদুদি 2014গী মমাংদা, কংগ্রেসনা লুচিংবা সরকারগী মখাদা, তঙাইফদবা পোৎলমশিং অমসুং নুমিৎ খুদিংগী শীজিন্নবা পোৎলমশিংদা শেনফম য়াম্না লৌনরম্মি। টুথপেষ্ট, সাপোন, য়ুতেনসিল, বাইসাইকল, অমসুং অঙাংশিংগী মীথাইগুম্বা পোৎলমশিংদা 17%দগী 28% ফাওবগী চাংদা তেক্স লৌখি। হোতেলদা লৈবা অসিগুম্বা বেসিক সর্ভিসশিংদসু অহেনবা স্তেৎ লেভেল লেভী য়াওনা অৱাংবা তেক্সশিং লৌবা হৌখি। "করিগুম্বা তেক্স রেজিম অসি অদুমক চৎনরম্লবদি, মীওইশিংনা ₹100 খুদিংগী ₹20 - ₹25গী তেক্স পীগনি। মসিগী ওন্ন-তৈনবদা, BJPনা লুচিংবা NDA সরকারগী মখাদা, অসিগুম্বা পোৎলমশিং অমসুং সর্বিসশিংদা GST অসি শুপ্নগী চাদা ৫গী চাংদা হন্থহন্দুনা লৈবাক শিনবা থুংবদা লৈরিবা ইমুং করোর কয়াদা হকথেংননা কান্নবা পীরি,” হায়না শ্রী মোদীনা ফোংদোকখি।
প্রধান মন্ত্রীনা অকনবা ৱাফম থমখি মদুদি রিফোর্মশিং অসিনা গবর্নমেন্তনা মরুওইনা মিদ্দল ক্লাস, লৌমীশিং, নুপীশিং অমসুং নহা ওইরিবা প্রোফেস্নেলশিংগীদমক্তা ইমুংগী সেভিং হেনগৎহন্নবা অমসুং হিংবগী মমল হন্থহন্নবা অচেৎপা ফিরেপ অদু উৎলি।
প্রধান মন্ত্রীনা হায়খি মদুদি 2014গী মমাংদা, দাইগ্নোস্তিক কিৎশিংদা কংগ্রেস সরকারনা চাদা 16গী তেক্স লৌখৎপদগী মীওই কয়াগীদমক মেদিকেলগী লায়েং ফংহন্দনা লৈখি। হৌজিক্তি মসি চাদা 5দা হন্থখ্রে। মসিনা লায়রবশিং অমসুং মিদল ক্লাসকী মীওইশিংদা বেসিক হেল্থকেয়র হেন্না ফংহল্লে। “মমাংগী লৈঙাক্কী মখাদা, য়ুম শাবা হায়বসি শেল য়াম্না চঙবা থৌওং অমনি। সিমেন্তদা চাদা 29গী তেক্স লৌখি অমসুং AC অমসুং TVগুম্বা খুৎলাইশিংদা চাদা 31গী তেক্স লৌখি। ঐখোয়গী সরকারনা হায়রিবা রেৎশিং অসি চাদা 18দা হন্থহল্লে। মসিনা মীওই লাখ কয়াগী পুন্সি মহিংদা কান্নবা ফংহল্লে হায়না শ্রী মোদীনা হায়খি।
প্রধান মন্ত্রীনা মমাংগী তেক্স রেজিমগী মখাদা লৌমীশিংগী অৱাবা অদুসু পনখি। মসিদা ত্রেক্তরশিং, ইরিগেসনগী খুৎলাইশিং, অমসুং পম্পিং সেৎশিংগুম্বা তঙাই ফদবা খুৎলাইশিংদা 12%দগী 14%গী তেক্স লৌখি। শ্রী মোদীনা হায়খি মদুদি ঙসিদি পোৎলমশিং অসিগী অয়াম্বনা 0% নত্ত্রগা 5%গী চাংদা তেক্স লৌরি। মসিনা লৌউ-শিংউগী চাদিং য়াম্না হন্থহল্লি অমসুং খুঙ্গংগী পুন্সি মহিংদা মতেং পাংলি। রিফোর্মশিং অসি গবর্নমেন্তনা ইমুংগী বজেৎশিং ফগৎহন্নবা, লৌমীশিং শক্তি লৈহন্নবা অমসুং লৈবাক শিনবা থুংনা পুন্সি মহিং ফগৎহন্নবা লৌখৎলিবা পাক চাউবা থৌদাংশিংগী শরুক অমনি।
প্রধান মন্ত্রীনা হায়খি মদুদি তেক্সতাইল, খুৎ-শা হৈবগী থবক অমসুং লেদরগুম্বা শিন্মী মশিং য়াম্বা সেক্তরশিংদা GST রিফোর্মশিং অসিনা ইন্দস্ত্রীশিং অসিগী শিন্মীশিং অমসুং ওন্তপ্রিন্যুওরশিংদা কান্নবা পীবতা নত্তনা পোৎশক অমসুং ফি-রোলগুম্বা তঙাই ফদবা পোৎলমশিংগী মমল হন্থহনগনি। স্তার্ত-অপশিং, MSMEশিং অমসুং অপিকপা ত্রেদরশিংগীদমক, সরকারনা তেক্স হন্থহনবা অসি স্ত্রিমলাইন তৌরবা থৌওংশিংগা পুনশিন্দুনা, ইজ ওফ বিজিনেস অমসুং ওপরেস্নেল ফ্লেক্সিবিলিতী হেনগৎহনখ্রে হায়না শ্রী মোদীনা মখা তাখি। ৱেলনেসতা হেন্না হেন্না মীৎয়েং চংবা হেনগৎলক্লিবা অসি খঙলদুনা প্রধান মন্ত্রীনা জিম, সেলুন অমসুং য়োগগুম্বা সর্ভিসশিংদা GST শ্রী মোদীনা হায়খি মদুদি রিফোর্মশিং অসি য়ুথ, এন্তরপ্রাইজ অমসুং হেল্থ অসি মরুওইবা নেস্নেল প্রাইওরিতিশিং ওইগদবা বিক্সিত ভারত অমা শেমগৎনবা পাক চাউবা এজেন্দাগী শরুক অমনি।
প্রধান মন্ত্রীনা ভারতকী শেন্মিৎলোনগী অহোংবা পুরকপদা খ্বাইদগী নৌবা GSTগী রিফোর্মশিং অসি পুৱারী ওইরবা খোঙথাং অমনি হায়না ফোঙদোকখি। রিফোর্মশিং অসিনা লৈবাক অসিগী চাউখৎলক্লিবা শেন্মিৎলোনদা " মরুওইবা পোৎলম মঙা" হাপচিনখ্রে হায়না মহাক্না ফোংদোকখি। “অহানবদা, তেক্স সিস্তেম অসি মশক থোক্না লায়থোক্লে। অনিশুবদা, ভারতকী প্রজাশিংগী পুন্সি মহিং অসি মখা তানা ফগৎলগনি। অহুমশুবদা, কঞ্জুম্পসন অমসুং ইকোনোমিক গ্রোথনা অনৌবা বুস্তর অমা ফংলগনি।
মরিশুবদা, ইজ ওফ দুইং বিজিনেস মপাঙ্গল কনখৎহল্লগনি, মসিনা ইনবেস্তমেন্ত অমসুং থবক ফংহনবগী মশিং হেনগৎহল্লগনি। মঙাশুবদা, চাউখৎলবা ভারত অমগীদমক য়াম্না মরু ওইরিবা কোওপরেতিব ফেদরেলিজম, কেন্দ্র অমসুং রাজ্যশিংগী মরক্তা পার্তনরশিপকী স্পিরিত অসি মখা তানা মপাঙ্গল কনখৎহল্লগনি", হায়না শ্রী মোদীনা ফোংদোকখি।
প্রধান মন্ত্রী শ্রী নরেন্দ্র মোদীনা ঙসি সরকারগী লমজিং-লমতাক্লিবা ৱাখল্লোন, 'নাগরিক দেবো ভাব' (সিতিজন ইজ গোদ) অসিবু নৌহৌনা ফোংদোকখ্রে। মহাক্না ভারত মচা খুদিংগী য়াইফনবা সরকারগী অচেৎপা ফিরেপ অদু থমখি। মহাক্না হায়খি মদুদি চহি অসিদা তেক্স রিলিফ অসি GSTদা হন্থবতা নত্তনা ইনকম তেক্সতা শিংথানীংঙাই ওইবা চাংদা হন্থহনখ্রে। হৌজিক্তি লুপা লাখ 12 ফাওবগী ইনকম অসি তেক্স ফ্রী ওইরে। মসিনা তেক্সপেয়রশিংদা অচৌবা খুদোংচাবা পীরি।
শ্রী মোদীনা হায়খি মদুদি ভারত্তা হৌজিক ইনফ্লেসন অসি য়াম্না নেম্না অমসুং কন্ত্রোল তৌরবা থাক্তা লৈরি। মসিনা অশেংবা প্রো-পিপল গবর্নান্স উৎলি। মসিগী মহৈ ওইনা, ভারতকী গ্রোথ রেৎ অসি চাদা 8 রোম য়ৌখ্রে। মসিনা মালেমদা খ্বাইদগী য়াংনা চাউখৎলক্লিবা মরুওইবা ইকোনোমী ওইরে। মসিগী শিংথানিংঙাই ওইবা মায় পাকপা অসি ভারত মচা করোর140গী শক্তি অমসুং থৌনাগী খুদম অমনি।
প্রধান মন্ত্রীনা ভারতপু মশা-মরোমদোম লেপচবা ঙম্নবগী পান্দমদা শেমদোক-শাদোকপগী খোঙচৎ মখা চত্থনবা সরকারগী অচেৎপা ফিরেপ অদু অমুক হন্না ফোংদোকখি। শ্রী মোদীনা হায়খি, 'আত্মনির্ভর ভারত' অসি স্লোগান খক্তা নত্তে, মসি কৎথোক্লবা খোংজং অমনি। মহাক্না লৈবাক অসিগী ওজা পুম্নমক্তা মহৈরোই খুদিংদা মশা-মরোমদোম লেপচবা ঙম্নবগী মরুশিং লেপ্পা লৈতনা হুন্নবা হায়খি। প্রধান মন্ত্রীনা আত্মনির্ভর ভারতকী মরুওইবা অসি অচম্বা লোল অমসুং মফম অদুগী লোলশিংদা শন্দোক্না তাকপদা এদুকেতরশিংগী মরুওইবা থৌদাং অদু পনখি। মহাক্না মহৈরোয়শিংদা অতোপ্পদা মীপাল তাংবা লৈবাক অমনা মাগী তশেংবা মাগী পোতেন্সিএল লৈরগা খোঙজেল য়াংনা চাউখৎপা অদুগুম্না কৈদৌনুংদা চাউখৎপা ঙমলোই হায়বসি খঙহন্নবা পুক্নিং থৌগৎপীনবা ওজাশিংদা তকশিনখি। প্রধান মন্ত্রীনা মহৈরোয়শিংদা নুমিৎ খুদিংগী পুন্সিদা শীজিন্নরিবা পোত্থোকশিংগী মগুন অদু খঙহন্নবা অমসুং লমদমসিগী মহুৎ শিনবা য়াবা পোৎলমশিং শীজিন্নবা হেনগৎহন্নবা হোৎননবা পুক্নিং থৌগৎকদবনি। মহাক্না ভারতনা চহি খুদিংগী লুপা করোর লাখ 1 হেনবা অচা থাও পুশিল্লকপগী খুদম পীরদুনা হায়খি মদুদি লৈবাক অসিগী চাউখৎ-থৌরাংগীদমক্তা মশা-মরোমদোম লেপচবা অসি য়াম্না মরু ওই।
মহাত্মা গান্ধীগী স্বদেশী প্রমোৎ তৌবগী লিগেসি অদু পল্লদুনা প্রধান মন্ত্রীনা হায়খি মদুদি হৌজিক্তি মিসন অসি মপুং ফাহনবা অসি ঙসিগী মীরোলগী থৌদাংনি। শ্রী মোদীনা হায়খি মদুদি মহৈরোয় খুদিংমক্না মখোয় মশাবু ৱাহং অসি হংগদবনি, "ঐহাক্না ঐগী লৈবাক্কী মথৌ তাবশিং অদু মপুং ফাহন্নবগীদমক করি তৌবা য়াবগে?" লৈবাক অসিগী মথৌ তাবশিংগা মরী লৈনহনবা অসি য়াম্না মরু ওই। ঐখোয়গী পুন্সিদা ঐখোয়বু মাংলোমদা পুখৎলিবা অসি লৈবাক অসিনি, মসিনা ঐখোয়দা কয়া অমা পীরি। মরম অসিনা মহৈরোয় খুদিংমক্না মখোয়গী থম্মোয়দা ৱাখল্লোন অসি লেংদনা থমগদবনি: ঐহাক্না ঐগী লৈবাক অসিদা করি পীবা ঙমগনি, অমসুং লৈবাক্কী করি মথৌ তাবগে হায়বদু ঐহাক্না মপুং ফাহনবা ঙমগনি।"
প্রধান মন্ত্রী শ্রী নরেন্দ্র মোদীনা ভারতকী মহৈরোয়শিংনা ইন্নোবেসন, সাইন্স অমসুং তেক্নোলোজীদা পুক্নিং চংবগীদমক থাগৎপা ফোংদোকখি। মহাক্না চন্দ্রয়ান মিসনগী মাই পাকপা অসিনা মীওই মিলিয়ন কয়াবু সাইন্তিস্ত অমসুং ইন্নোবেতর ওইনবা পুক্নিং থৌগৎলি হায়না থাগৎপা ফোংদোকখি। মহাক্না পনখি মদুদি গ্রুপ কেপ্তেন শুবংশু শুক্লাগী স্পেস মিসনদগী হল্লকপদা মহাক্কী স্কুল কম্ম্যুনিতীদা মতৌ করম্না থৌনা পীখিবগে হায়বদু, একাদেমিক্কী ৱাংমদা নহাশিংবু শেমগৎপদা অমসুং লমজিং-লমতাকপদা ওজাশিংগী মরুওইবা থৌদাং অদু পনখি।
প্রধান মন্ত্রীনা অতল ইন্নোবেসন মিসন অমসুং অতল তিঙ্করিং লেবশিংগী খুত্থাংদা হৌজিক ফংলিবা তেংবাং অদু পনখি। লৈবাক শিনবা থুংনা লেব 10,000 হেন্না লিংখৎখ্রে। ভারত শিনবা থুংনা লৈরিবা নহা ওইরিবা ইন্নোবেতরশিংদা ইন্নোবেসন তৌবগী খুদোংচাবা হেন্না ফংহন্নবা সরকারনা অহেনবা লেব 50,000 শেমগৎনবা অয়াবা পীখ্রে। শ্রী মোদীনা হায়খি, "মসিগী খোঙথাংশিং অসি মাই পাকপা হায়বসি ইন্নোবেতরশিংগী মথংগী চারোন-শুরোনগীদমক হোৎনরিবা ওজাশিংগী থৌনা-লিংজেলগী মখা পোল্লি।"
শ্রী মোদীনা সরকারনা নহাশিংবু দিজিতেলগী লমদা শক্তি পীনবা অমসুং দিজিতেলগী মালেমগী ফত্তবশিংদগী ঙাকথোকপদা মীৎয়েং অনী থম্বগী মতাংদা পনখি। মহাক্না ইকুই কুইদ্রিঙৈদা পার্লিয়ামেন্তনা ওনলাইন গেমিংবু রেগ্যুলেত তৌনবা পাস তৌখিবা আইনগী মতাংদা পনখি। মসিগী পান্দমদি মহৈরোয়শিং অমসুং ইমুংশিংবু এদিক্তিব ওইবা, শেল থুমগী অৱাবা অমসুং হিংসাগী কন্তেন্তদগী ঙাকথোকপনি।
প্রধান মন্ত্রীনা ওজাশিংদা মহৈরোইশিংদা হায়রিবা খুদোংথীবশিং অসিগী মতাংদা খঙহনবীনবা তকশিনখি। মহাক্না গ্লোবেল গেমিং সেক্তরদা ভারতকী মতিং হেনগৎহন্নবা, মরুওইনা ভারতকী চৎনবীগী ওইবা গেমশিং শীজিন্নদুনা অমসুং অনৌবা স্তার্তঅপশিং শৌগৎতুনা সরকারগী অচেৎপা ৱাফম থমখি। শ্রী মোদীনা হায়খি মদুদি মহৈরোয়শিংদা রেস্পোন্সিবল গেমিং অমসুং দিজিতেলগী খুদোংচাবশিংগী মতাংদা এজুকেসন পীদুনা সরকারনা চাউখৎলক্লিবা ইন্দস্ত্রী অসিদা নহাশিংগীদমক কেরিয়রগী অফবা ওপ্সনশিং শেমগৎনবা পান্দম থম্লি।
প্রধান মন্ত্রী শ্রী নরেন্দ্র মোদীনা ভারতকী চাউথোকচবা অমসুং মশাগী ইকাই খুম্নগী খুদম ওইনা লমদমসিগী পোত্থোকশিং শিীজিন্নবা পুক্নিং থৌগৎলিবা 'ভোকেল ফোর লোকেল' কেম্পেন অসিদা এদুকেতরশিংদা মরুওইবা থৌদাং লৌনবা তকশিনখি। মহাক্না "মেদ ইন ইন্দিয়া"গী পোৎলমশিং মশক খঙদোকপা অমসুং থাগৎপা স্কুলগী প্রোজেক্তশিং অমসুং থবক থৌরমশিংদা মহৈরোইশিং শরুক য়াহনবদা মরুওইবা পীখি।
প্রধান মন্ত্রীনা মহৈরোইশিং অমসুং মখোয়গী ইমুং-মনুংশিংদা য়ুমদা লোকেল প্রদক্তশিং শীজিন্নবা খঙহনবদা মতেং ওইগদবা এসাইনমেন্তশিং তৌনবগী ৱাফম থমখি। মহাক্না ভারতনা শাবা পোৎলমশিংগীদমক পুন্সি চুপ্পগী ওইনা চাউথোকচবগী ৱাখল্লোন থৌগৎনবা আর্ত অমসুং ক্রাফ্ত ক্লাস অমসুং স্কুলগী থৌরমশিংদা লমদমসিগী পোৎলমশিং শীজিন্ননবা পুক্নিং থৌগৎখি।
শ্রী মোদীনা মহৈরোয়শিংনা মখোয়গী ইমুং-মনুংদগী লোকেল প্রদক্তশিং পুরকপা অমসুং মখোয়গী ৱারীশিং শেয়র তৌনবা 'স্বদেশী ৱিক' অমসুং 'লোকেল প্রদক্ত দে'গুম্বা ইনিসিতিবশিং পাংথোক্নবা মহৈলোয়শঙশিংদা হায়খি। হেন্না মপুং ফানা খঙহন্নবা, পোৎত্থোকশিং অসিগী হৌরকফম, মেকরশিং, অমসুং নেস্নেল ইন্তিগ্রেন্তীগী মতাংদা খন্ন-নৈনবদা মহাক্না অকনবা ৱাফম থমখি। “মহৈরোয়শিং অমসুং লোকেল আর্তিসানশিংগী মরক্তা ইন্তরেক্সন তৌহনগদবনি। মসিনা মহৈরোয়শিংগী খুৎশা হৈবগী থবকশিং অমসুং মেনুফেকচরিংগী মগুন অদু মীরোল কয়াদা শন্দোক্কনি। লোকেল প্রদক্তশিংদা ইকাই খুম্নবা পীনবগীদমক্তা মপোক কুমওনগুম্বা থৌরমশিংদা মেদ ইন ইন্দিয়াগী খুদোংচাবা পীনবা পুক্নিং থৌগৎপা য়াই। অসিগুম্বা থবকশিং অসিনা নহারোলশিংগী মরক্তা লৈবাক নুংশিবা, মশা-মরোমদোম থাজবা অমসুং শিন্মীশিংগী ইকায় খুম্নবা হেনগৎহল্লগনি। মখোয়না ফংলিবা মাইপাকপশিং অসি লৈবাক অসিগী চাউখৎ-থৌরাংগা মরী লৈনহনগনি," হায়না শ্রী মোদীনা মখা তাখি।
প্রধান মন্ত্রীনা থাজবা থমখি মদুদি ওজাশিংনা লৈবাক শেমগৎপগী মিসন অসি মখা তানা থৌনা লৈনা মাংলোমদা চংশিনগনি। শ্রী মোদীনা এৱার্দ ফংলবা ওজা পুম্নমকপু মখোয়গী শিংথানীংঙাই ওইবা থৌদাংশিং অদুগীদমক থাগৎপা ফোংদোক্লদুনা ৱারোল পীবা লোইশিনখি।
***
(Release ID: 2164085)
Visitor Counter : 2