مرکزی حکومت کے اہل ملازمین کے لیے یونیفائیڈ پنشن اسکیم (یو پی ایس) کو وزارت خزانہ ، حکومت ہند نے نوٹیفکیشن نمبر ۔ ایف ۔ نمبر ۔ FX-1/3/2024-PR مورخہ 24.01.2025.کو نوٹیفائی کیا ہے۔

محکمہ مالیاتی خدمات نے آفس میمورنڈم نمبر 1/3/2024-پی آر مورخہ 25.08.2025 ، جاری کیا ہے ۔جس کا مقصدمرکزی حکومت کے ملازمین کے لئے ون ٹائم ، ون وے سوئچ کی سہولت متعارف کروانا ہے،جنہوں نے یونیفائیڈ پنشن اسکیم (یو پی ایس) کا انتخاب کیا ہے تاکہ وہ مخصوص شرائط کے تحت نیشنل پنشن سسٹم (این پی ایس) میں واپس آجائیں ۔

i. یو پی ایس کے تحت اہل ملازمین صرف ایک بار این پی ایس میں تبدیل ہو سکتے ہیں ، اور یو پی ایس میں واپس نہیں جا سکتے ۔

ii. اس تبدیلی کا استعمال ریٹائرمنٹ سے کم از کم ایک سال پہلے یا رضاکارانہ ریٹائرمنٹ سے تین ماہ پہلے ، جو بھی قابل اطلاق ہو ، کیا جانا چاہیے ۔

iii. ہٹانے ، برخاستگی یا جرمانے کے طور پر لازمی ریٹائرمنٹ کی صورت میں یا ایسے معاملات میں جہاں تادیبی کارروائی جاری ہے یا زیر غور ہے ، سوئچ کی سہولت کی اجازت نہیں ہوگی ۔

iv. جو لوگ مقررہ وقت کے اندر سوئچ کا انتخاب نہیں کرتے ہیں وہ ڈیفالٹ کے طور پر یو پی ایس کے تحت جاری رہیں گے ۔

v.وہ ملازمین جو این پی ایس میں رہنے کا انتخاب کرتے ہیں وہ 30 ستمبر 2025 کے بعد یو پی ایس کا انتخاب نہیں کر سکتے ۔

اس پہل کا مقصد مرکزی حکومت کے ملازمین کو ان کی ریٹائرمنٹ کے بعد کی مالی سلامتی کی منصوبہ بندی میں باخبر انتخاب فراہم کرنا ہے ۔  یو پی ایس کا انتخاب کرکے ملازمین بعد کی تاریخ میں سوئچ سے این پی ایس کے لیے اپنی پسند برقرار رکھتے ہیں ۔

نوٹ: این پی ایس کے تحت اہل ملازمین اور سابق ریٹائرڈ افراد کے لیے یو پی ایس کا انتخاب کرنے کی آخری تاریخ 30 ستمبر 2025 ہے ۔

**********

U.No. 5671

(ش ح۔  ا م ۔م ذ)