কোল মন্ত্রালয়না মহারাস্ত্রাগী মুম্বাইদা ২০২৫গী সেপ্তেম্বর ৪দা কোল অমসুং লিগ্নাইত মাইন্সকীদমক মকোক থোংবা স্তার রেতিং এৱার্দ পীবগী থৌরম পাংথোক্কনি। থৌরম অসিনা ভারত শীনবা থুংনা লৈরিবা কোল অমসুং লিগ্নাইত মাইন্সশিংবু মখোয়গী ওপরেস্নেল এক্সিলেন্স, এনভাইরনমেন্ত কেয়র, সেফতী, অমসুং কম্ম্যুনিতী দিবেলপমেন্তকীদমক শকখঙগনি।

থৌরম অদুদা কেন্দ্রগী কোইলা অমসুং মাইন্স মন্ত্রী, শ্রী জি. কিশন রেদ্দীনা মরুওইবা মীথুংলেন ওইনা শরুক য়াগনি। কোইলা মন্ত্রালয়গী মকোক থোংবা ওফিসিএলশিং, কোইলা পি.এস.য়ু.শিংগী মীহুৎশিং অমসুং ইন্দস্ত্রীগী স্তেকহোল্দরশিংসু থৌরম অসিদা শরুক য়াগনি।

কোইলা মন্ত্রালয়না হৌদোকখিবা স্তার রেতিং সিস্তেম অসিনা কোইলা অমসুং লিগনাইট মাইনশিংগী শিংথানিংঙাই ওইবা থবকশিংবু মশক তাক্লি। মসিগী পান্দমদি মাইনিংগী থৌওংশিংদা থৌদাং লৌবা, ইন্দস্ত্রীগী থাক ৱাংখৎহনবা অমসুং সেক্তর অসিদা তুং কোইনা চাউখৎপা পুরকপা অসিনি। মিনিস্ত্রীনা মাইনশিং অসি মওং চুম্বা অমসুং মপুং ফাবা ফ্রেমৱার্ক অমগী খুত্থাংদা মোদ্যুল তরেৎ য়াওনা য়েংশিল্লি। মখোয় অদুদি মাইনিং ওপরেসনশিং, এনভাইরনমেন্তেল পেরামিতরশিং, তেক্নোলোজী শিজিন্নবা অমসুং খ্বাইদগী ফবা থৌওংশিং, ইকোনোমিক পর্ফোমেন্স, রিহেবিলিতেশন অমসুং রিসেতলমেন্ত, ৱর্কর-রীলেতেদ কমপ্লাইএন্স, অমসুং সেফতী অমসুং সেক্যুরিতীনি। মাইনশিং অসি অন্দরগ্রাউন্দ, ওপনকাস্ত, অমসুং মিক্স তৌরবা কাংলুপ অহুমগী মখাদা স্তার মঙাদগী স্তার অমত্তা ফাওবা রেৎ তৌই।

এসেসমেন্ত চহি ২০২৩-২৪গী ওইনা, মশিং ৩৮৩বু স্তার রেতিং এসেসমেন্তদা শরুক য়ানবা খনগৎখ্রে। মসিগী মনুংদা, মাইন ৪২না ৯৩%দগী হেন্না স্কোর তৌদুনা মমিং লৈরবা ফাইব স্তার রেতিং ফংখ্রে। মখোয়গী মনুংদা, মাইন ৪না অহানবা রেঙ্ক ফংখি, মাইন ৩না অনিশুবা রেঙ্ক ফংখি, অমসুং মাইন ৬না অহুমশুবা রেঙ্ক ফংখি, অদুগা মাইন ২৯না এচিবরস প্রাইজ ফংখি।

স্তার রেতিং এৱার্দ সেরেমোনিদা অনৌবা দিজাইন তৌরবা সি.সি.ও. (কোল কন্ত্রোলর ওর্গনাইজেসন) ৱেবসাইত অমসুং মসিগী ইন্তরেক্তিব দ্যাশবোর্দ হৌদোকপা অমসুং কার্বোন কেপচর, য়ুতিলাইজেসন, অমসুং স্তোরেজ (সি.সি.য়ু.এস.) গী হেক্কেথোনগী এৱার্দশিং পীবা য়াওরগনি। মসিগী মথক্তা, থৌরম অসিনা আর.তি.ঐচ.এ., দি-কোল মাইন্সশিং অমুক হন্না শীজিন্ননবগীদমক গ্রীন ফাইনান্সিং ফ্রেমৱার্ক অমসুং এল.আই.ভি.ই.এস., রেস্পোন্সিবল অমসুং সস্তেনেবল মাইন্স ক্লোজরগীদমক মপুং ফাবা প্রাক্তিসনরগী গাইদ অমা রিলিজ তৌগনি।

স্তার রেতিং এৱার্দকী এদিসন অসি কোল সেক্তরদা থৱায় য়াওবা অমসুং অনৌবা পুথোকপগী থৌরম অমনি। মসিনা মিনিস্ত্রীগী সস্তেনেবল মাইনিং প্রাক্তিস, ইনর্জী সেক্যুরিতী অমসুং কম্ম্যুনিতী ৱেলফিয়রদা থৱায় য়াওবা অদু উৎলি। মাইনশিং অসি শকখঙবনা খ্বাইদগী ফবা থবকশিং অসি হেন্না পাক শন্না লৌখৎনবা পুক্নিং থৌগৎকনি অমসুং ভারত্তা থৌদাং য়াবা অমসুং তুংলমচৎকীদমক শেম-শারবা কোল মাইনিং ইন্দস্ত্রী অমগী মঙলান অদু মপাঙ্গল কনখৎহনগনি।

*****