2025 26 ఆర్థిక సంవత్సరంలో 2025 ఆగస్టు నెలలో క్యాప్టివ్, వాణిజ్య గనుల నుంచి 14.43 మిలియన్ టన్నుల బొగ్గు ఉత్పత్తి అయ్యింది. అదే సమయంలో పంపిణీ 15.07 మిలియన్ టన్నులకు చేరుకుంది.

ఈ ఆర్థిక సంవత్సరంలో ఆగస్టు వరకు నమోదైన సమగ్ర గణాంకాలు పరిశీలిస్తే.. గణనీయమైన వార్షిక వృద్ధి సాధించింది. గతేడాది ఇదే సమయంతో పోలిస్తే బొగ్గు ఉత్పత్తి 11.88 శాతం పెరిగింది. అలాగే రవాణాలో 9.12 శాతం వృద్ధి నమోదైంది. ఈ సానుకూల ధోరణులు గనుల సామర్థ్యాన్ని మరింత సమర్థవంతంగా వినియోగించడం, మెరుగైన నిర్వాహణ సామర్థ్యం వంటి అంశాలను సూచిస్తున్నాయి.

కింద జత చేసిన  గ్రాఫ్ లో ఉత్పత్తి, పంపిణీ రెండింటిలోనూ బలమైన లాభాలతోపాటు స్థిరమైన పనితీరు మెరుగుదలను స్పష్టంగా వివరిస్తుంది.

వ్యూహాత్మక విధాన చర్యలు, కఠినమైన పర్యవేక్షణ, వాటాదారులకు నిరంతర మద్దతు ఈ రంగంలో మెరుగైన పనితీరు సాధించడానికి కారణంగా మారాయని గనుల మంత్రిత్వ శాఖ పేర్కొంది. ఈ ప్రయత్నాలు గనుల అనుమతులు వేగంగా రావడం, ఉత్పత్తి సామర్థ్యాలను విస్తరించడంలో కీలక పాత్ర పోషించాయి. తద్వారా బొగ్గు ఉత్పత్తి, పంపిణీలో అధిక వృద్ధి నమోదైంది.

దేశంలో అనుబంధ, వాణిజ్య బొగ్గు తవ్వకాల పూర్తి సామర్థ్యాన్ని ఉపయోగించేందుకు తాము కట్టుబడి ఉన్నామని బొగ్గు, గనుల మంత్రిత్వ శాఖ తెలిపింది. భవిష్యత్తులో స్థిరమైన ఉత్పత్తిని కొనసాగించడం, సరఫరాలో అంతరాయాలను తగ్గించడం, దేశంలో పెరుగుతున్న ఇంధన అవసరాలను తీర్చడంలో తమ వంతు సహకారం అందించడంపై ప్రధానంగా దృష్టి సారించనున్నట్లు స్పష్టం చేసింది.

***