ಐ.ಎಂ.ಸಿ 2025ರ ತೊಡಗಿಸಿಕೊಳ್ಳುವಿಕೆಯನ್ನು ಹೆಚ್ಚಿಸುವ ಮತ್ತು ಭಾಗವಹಿಸುವವರಿಗೆ ಸುಗಮ ಮತ್ತು ನಿರಂತರ ಅನುಭವವನ್ನು ಒದಗಿಸುವ ಮಹತ್ವದ ಕ್ರಮದಲ್ಲಿ, ಕೇಂದ್ರ ಸಂವಹನ ಮತ್ತು ಈಶಾನ್ಯ ಪ್ರದೇಶಗಳ ಅಭಿವೃದ್ಧಿ ಖಾತೆ ಸಚಿವರಾದ ಗೌರವಾನ್ವಿತ ಶ್ರೀ ಜ್ಯೋತಿರಾದಿತ್ಯ ಎಂ. ಸಿಂಧಿಯಾ ಅವರು ಇಂದು "ಪರಿವರ್ತನೆಗೆ ನಾವೀನ್ಯತೆ" ಎಂಬ ಧ್ಯೇಯವಾಕ್ಯದೊಂದಿಗೆ ಇಂಡಿಯಾ ಮೊಬೈಲ್ ಕಾಂಗ್ರೆಸ್‌ಗಾಗಿ (ಐ.ಎಂ.ಸಿ) 2025 ಎ.ಐ.-ಚಾಲಿತ ಸಂವಾದಾತ್ಮಕ ಮೊಬೈಲ್ ಅಪ್ಲಿಕೇಶನ್ ಅನ್ನು ಬಿಡುಗಡೆ ಮಾಡಿದರು.

ಈ ಸಂದರ್ಭದಲ್ಲಿ ಸಂವಹನ ಮತ್ತು ಗ್ರಾಮೀಣಾಭಿವೃದ್ಧಿ ಖಾತೆ ರಾಜ್ಯ ಸಚಿವರಾದ ಡಾ. ಚಂದ್ರ ಶೇಖರ್ ಪೆಮ್ಮಸಾನಿ; ಕಾರ್ಯದರ್ಶಿ (ದೂರಸಂಪರ್ಕ) ಡಾ. ನೀರಜ್ ಮಿತ್ತಲ್; ಸಿ.ಒ.ಎ.ಐ ಮಹಾನಿರ್ದೇಶಕ ಲೆಫ್ಟಿನೆಂಟ್ ಜನರಲ್ ಡಾ. ಎಸ್.ಪಿ. ಕೊಚ್ಚರ್; ಇಂಡಿಯಾ ಮೊಬೈಲ್ ಕಾಂಗ್ರೆಸ್‌ನ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಶ್ರೀ ಪಿ. ರಾಮಕೃಷ್ಣ; ಮತ್ತು ಹಲವಾರು ಗಣ್ಯರು ಉಪಸ್ಥಿತರಿದ್ದರು.

ಐ.ಎಂ.ಸಿಯ 9ನೇ ಆವೃತ್ತಿಯು ಅಕ್ಟೋಬರ್ 8 ರಿಂದ 11, 2025ರವರೆಗೆ ನವದೆಹಲಿಯ ದ್ವಾರಕಾದಲ್ಲಿರುವ ಯಶೋಭೂಮಿ ಕನ್ವೆನ್ಷನ್ ಸೆಂಟರ್‌ನಲ್ಲಿ ನಡೆಯಲಿದೆ.

ಈ ಸಂದರ್ಭದಲ್ಲಿ ಮಾತನಾಡಿದ ಶ್ರೀ ಜ್ಯೋತಿರಾದಿತ್ಯ ಎಂ. ಸಿಂಧಿಯಾ, ಇಂಡಿಯಾ ಮೊಬೈಲ್ ಕಾಂಗ್ರೆಸ್ ಕೇವಲ ಒಂದು ಕಾರ್ಯಕ್ರಮವಲ್ಲ, ಬದಲಾಗಿ ಸಾಧ್ಯತೆಗಳ ವೇದಿಕೆಯಾಗಿದೆ ಎಂದು ಹೇಳಿದರು. ಆ ಸಾಧ್ಯತೆಗಳನ್ನು ಸಂಪರ್ಕಗಳು, ಸಹಯೋಗಗಳು ಮತ್ತು ಫಲಿತಾಂಶಗಳಾಗಿ ಪರಿವರ್ತಿಸಲು ಈ ಅಪ್ಲಿಕೇಶನ್ ಅನ್ನು ವಿನ್ಯಾಸಗೊಳಿಸಲಾಗಿದೆ ಎಂದು ಅವರು ಹೇಳಿದರು. ಐ.ಎಂ.ಸಿ 2025  ಅಪ್ಲಿಕೇಶನ್ ತಂತ್ರಜ್ಞಾನವನ್ನು ಪ್ರವೇಶ ಸಾಧ್ಯತೆಯೊಂದಿಗೆ ಬೆರೆಸುವ ಅವರ ದೃಷ್ಟಿಕೋನವನ್ನು ಪ್ರತಿಬಿಂಬಿಸುತ್ತದೆ ಎಂದು ಅವರು ಒತ್ತಿ ಹೇಳಿದರು, ವಿದ್ಯಾರ್ಥಿಗಳಿಂದ ಸಿಇಒಗಳವರೆಗೆ ಪ್ರತಿಯೊಬ್ಬ ಭಾಗವಹಿಸುವವರು ಡಿಜಿಟಲ್ ನಾವೀನ್ಯತೆಯ ಭವಿಷ್ಯವನ್ನು ತಕ್ಷಣವೇ ಮತ್ತು ತಮ್ಮ ಬೆರಳ ತುದಿಯಲ್ಲಿ ಅನುಭವಿಸಬಹುದು ಎಂದು ಖಚಿತಪಡಿಸಿಕೊಂಡರು.

ಐ.ಎಂ.ಸಿ ಆ್ಯಪ್‌:

ಐ.ಎಂ.ಸಿ 2025 ಅಪ್ಲಿಕೇಶನ್ ಭವಿಷ್ಯದ ಪೀಳಿಗೆಗಾಗಿ ರೂಪಿಸಿದ್ದು, ಹಲವು ವೈಶಿಷ್ಟ್ಯಗಳನ್ನು ಹೊಂದಿದೆ. ಇದನ್ನು ಸುಲಭವಾಗಿರುವಂತೆ ರೂಪಿಸಲಾಗಿದೆ. ಈ ಅಪ್ಲಿಕೇಶನ್ ಬಳಕೆದಾರರಿಗೆ ನೈಜ ಸಮಯದಲ್ಲಿ ಸೆಷನ್‌ಗಳನ್ನು ಲೈವ್-ಸ್ಟ್ರೀಮ್ ಮಾಡಲು ಅನುವು ಮಾಡಿಕೊಡುತ್ತದೆ. ಭಾಗವಹಿಸುವವರು ಜಗತ್ತಿನ ಎಲ್ಲಿಂದಲಾದರೂ ತೊಡಗಿಸಿಕೊಳ್ಳಬಹುದು. ಇದು ಬಳಕೆದಾರರ ಆಸಕ್ತಿಗಳು, ಸೂಚಿಸುವ ಸೆಷನ್‌ಗಳು, ನೆಟ್‌ವರ್ಕಿಂಗ್ ಅವಕಾಶಗಳು ಮತ್ತು ಎಫ್‌ ಆ್ಯಂಡ್‌ ಬಿ ವಲಯಗಳ ಆಧಾರದ ಮೇಲೆ ಶಿಫಾರಸುಗಳನ್ನು ರೂಪಿಸುವ ಎ.ಐ. -ಚಾಲಿತ ಸಮ್ಮಿಲನವಾಗಿದೆ.  ಸಭೆಗಳು ಮತ್ತು ವೇಳಾಪಟ್ಟಿಗಳನ್ನು ವೈಯಕ್ತಿಕ ಕ್ಯಾಲೆಂಡರ್‌ಗಳೊಂದಿಗೆ ಸಂಯೋಜಿಸಲಾಗಿದೆ.

ಈ ಅಪ್ಲಿಕೇಶನ್ ನೆಟ್‌ವರ್ಕಿಂಗ್ ಸಾಧ್ಯತೆಗಳನ್ನು ವೃದ್ಧಿಸುತ್ತದೆ. ಭಾಗವಹಿಸುವವರು, ಪ್ರದರ್ಶಕರು, ನವೋದ್ಯಮಗಳು ಮತ್ತು ಪಾಲುದಾರರಲ್ಲಿ ನೈಜ-ಸಮಯದ ಸಂಪರ್ಕಗಳು, ಚಾಟ್‌ಗಳು ಮತ್ತು ಸಭೆಯ ವೇಳಾಪಟ್ಟಿಯನ್ನು ಸಕ್ರಿಯಗೊಳಿಸುತ್ತದೆ. ಹೊಸ ಅಪ್ಲಿಕೇಶನ್ ಮೂಲಕ ಹೂಡಿಕೆದಾರರು ಮತ್ತು ಮಾರ್ಗದರ್ಶಕರೊಂದಿಗೆ ಸಂಪರ್ಕ ಸಾಧಿಸಲು ನವೋದ್ಯಮಗಳು ವಿಶೇಷ ಅವಕಾಶಗಳನ್ನು ಪಡೆಯುತ್ತವೆ ಹಾಗೂ ವೇದಿಕೆಯಲ್ಲಿ ಸಹಯೋಗ ಮತ್ತು ನಾವೀನ್ಯತೆಯನ್ನು ವೃದ್ಧಿಸುತ್ತದೆ.

ಹೊಸ ‘ಸ್ನಿಪ್ಪೆಟ್‘ ಪರಿಕರವನ್ನು ಒಳಗೊಂಡಿರುವ ಐ.ಎಂ.ಸಿ 2025, ಕಿರು ವಿಡಿಯೊ ಹೈಲೈಟ್‌ಗಳನ್ನು ಸಂಗ್ರಹಿಸಲು ಮತ್ತು ಉತ್ಪಾದಿಸಲು ಕೃತಕ ಬುದ್ಧಿಮತ್ತೆಯನ್ನು ಬಳಸಿಕೊಳ್ಳುತ್ತದೆ. ಇದು ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಇವೆಂಟ್‌ನ ವ್ಯಾಪ್ತಿ ಮತ್ತು ಪ್ರಭಾವವನ್ನು ಹೆಚ್ಚಿಸುತ್ತದೆ. ಕೋ-ಪೈಲಟ್ ಚಾಟ್‌ಬಾಟ್ ವೈಯಕ್ತಿಕ ಸಹಾಯಕರಾಗಿ ಕಾರ್ಯನಿರ್ವಹಿಸುತ್ತದೆ, ಸೆಷನ್ ವಿವರಗಳು, ಸ್ಪೀಕರ್ ಬಯೋಸ್, ಸ್ಥಳ ಲಾಜಿಸ್ಟಿಕ್ಸ್, ಪಾರ್ಕಿಂಗ್, ವೈ-ಫೈ ಪ್ರವೇಶ, ಸಾರಿಗೆ ಮತ್ತು ಹತ್ತಿರದ ಆಕರ್ಷಣೆಗಳ ಕುರಿತು ತ್ವರಿತ ಉತ್ತರಗಳನ್ನು ಒದಗಿಸುತ್ತದೆ, ಭಾಗವಹಿಸುವವರು ಎಲ್ಲಾ ನಿರ್ಣಾಯಕ ಮಾಹಿತಿಯನ್ನು ತಮ್ಮ ಬೆರಳ ತುದಿಯಲ್ಲಿ ಹೊಂದಿದ್ದಾರೆ ಎಂದು ಖಚಿತಪಡಿಸುತ್ತದೆ.

ಸಂವಾದಾತ್ಮಕ ಮೋಜಿನ ಜೊತೆಗೆ, ಭಾಗವಹಿಸುವವರು ಅಪ್ಲಿಕೇಶನ್‌ನಲ್ಲಿನ ಫೋಟೋ ಬೂತ್‌ನೊಂದಿಗೆ ಕ್ಷಣಗಳನ್ನು ಸೆರೆಹಿಡಿಯಬಹುದು. ಸಾಮಾಜಿಕ ಮಾಧ್ಯಮದಲ್ಲಿ ತಕ್ಷಣ ಫೋಟೋಗಳನ್ನು ಹಂಚಿಕೊಳ್ಳಬಹುದು ಮತ್ತು ಗ್ಯಾಲರಿಯಲ್ಲಿ ಎ.ಐ.-ಚಾಲಿತ ಮುಖ ಗುರುತಿಸುವಿಕೆಯನ್ನು ಬಳಸಿಕೊಂಡು ನಂತರ ಅವುಗಳನ್ನು ಅನ್ವೇಷಿಸಬಹುದು. ಅಪ್ಲಿಕೇಶನ್‌ನಲ್ಲಿ ಹುದುಗಿರುವ ಲೈವ್ ಪೋಲ್‌ಗಳು ಮತ್ತು ಸ್ಪರ್ಧೆಗಳಲ್ಲಿ  ನಿರಂತರ ತೊಡಗಿಸಿಕೊಳ್ಳಲು ಮತ್ತು ಉತ್ಸಾಹವನ್ನು ಬೆಳೆಸುತ್ತವೆ.

ನಾವೀನ್ಯತೆ ದೇಶದ ಬೆನ್ನೆಲುಬಾಗುತ್ತಿದ್ದಂತೆ, ಐ.ಎಂ.ಸಿ 2025 ಅಪ್ಲಿಕೇಶನ್ ವಿದ್ಯಾರ್ಥಿ ಮತ್ತು ಯುವಜನ ಸ್ನೇಹಿಯಾಗಿ ವಿನ್ಯಾಸಗೊಳಿಸಲಾಗಿದೆ. ಉತ್ತಮ ಅನುಭವಕ್ಕಾಗಿ ತಡೆರಹಿತ ಮಾರ್ಗದರ್ಶನವನ್ನು ನೀಡುತ್ತದೆ. ಐ.ಎಂ.ಸಿ 2025 ಯುವ ಮನಸ್ಸುಗಳನ್ನು ಸಕ್ರಿಯವಾಗಿ ತೊಡಗಿಸಿಕೊಳ್ಳುತ್ತದೆ ಮತ್ತು ಅವರ ಭವಿಷ್ಯದ ಪ್ರಯತ್ನಗಳಿಗೆ ಸ್ಫೂರ್ತಿ ನೀಡುವ ಅತ್ಯಾಧುನಿಕ ತಂತ್ರಜ್ಞಾನಗಳಿಗೆ ಪ್ರವೇಶವನ್ನು ಒದಗಿಸುತ್ತದೆ ಮತ್ತು ಉದ್ಯಮದ ನಾಯಕರು ಮತ್ತು ಉದಯೋನ್ಮುಖ ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳೊಂದಿಗೆ ಭಾಗವಹಿಸಲು, ಕಲಿಯಲು ಮತ್ತು ಸಂಪರ್ಕ ಸಾಧಿಸಲು ಅವರಿಗೆ ಅರ್ಥಪೂರ್ಣ ಅವಕಾಶಗಳನ್ನು ಖಚಿತಪಡಿಸುತ್ತದೆ.

ಐಎಂಸಿ 2025 ಈಗ ಪ್ರತಿನಿಧಿಗಳು, ಸ್ಟಾರ್ಟ್‌ಅಪ್‌ಗಳು, ವಿದ್ಯಾರ್ಥಿಗಳು, ಮಾಧ್ಯಮ ಮತ್ತು ಶೈಕ್ಷಣಿಕ ಸೇರಿದಂತೆ ಎಲ್ಲಾ ಭಾಗವಹಿಸುವವರಿಗೆ ನೋಂದಣಿಗಾಗಿ ಮುಕ್ತವಾಗಿದೆ. ಆಸಕ್ತರು ಅಧಿಕೃತ ವೆಬ್‌ಸೈಟ್‌ನಲ್ಲಿ ನೋಂದಾಯಿಸಿಕೊಳ್ಳಬಹುದು: https://www.indiamobilecongress.com

ಐ.ಎಂ.ಸಿ 2025 ತಂತ್ರಜ್ಞಾನ, ನೀತಿ ಸಂವಾದ ಮತ್ತು ನಾವೀನ್ಯತೆಗಳ ಕ್ರಿಯಾತ್ಮಕ ಸಂಗಮದ ಭರವಸೆ ನೀಡುತ್ತದೆ. 5ಜಿ/6ಜಿ, ಎ.ಐ., ಐ.ಒ.ಟಿ, ಕ್ವಾಂಟಮ್ ಕಂಪ್ಯೂಟಿಂಗ್, ಸೈಬರ್ ಭದ್ರತೆ, ಸೆಮಿಕಂಡಕ್ಟರ್ ಉತ್ಪಾದನೆ, ಶುದ್ಧವಾದ ತಂತ್ರಜ್ಞಾನ ಮತ್ತು ಸ್ಮಾರ್ಟ್ ಮೊಬಿಲಿಟಿ ಮುಂತಾದ ಕ್ಷೇತ್ರಗಳಲ್ಲಿ 1,000ಕ್ಕೂ ಹೆಚ್ಚು ಅತ್ಯಾಧುನಿಕ ಬಳಕೆಯ ಪ್ರಕರಣಗಳನ್ನು ಹೊಂದಿದೆ. ದೂರಸಂಪರ್ಕ ಇಲಾಖೆ (ಡಿ.ಒ.ಟಿ) ಮತ್ತು ಸೆಲ್ಯುಲಾರ್ ಆಪರೇಟರ್ಸ್ ಅಸೋಸಿಯೇಷನ್ ಆಫ್ ಇಂಡಿಯಾ (ಸಿ.ಒ.ಎ.ಐ) ಸಹ-ಆಯೋಜಿಸಿರುವ ಈ ಕಾರ್ಯಕ್ರಮವು ಭಾರತ ಮತ್ತು ಜಗತ್ತಿನಾದ್ಯಂತದ ಉದ್ಯಮ ನಾಯಕರು, ನೀತಿ ನಿರೂಪಕರು, ಹೂಡಿಕೆದಾರರು, ನವೋದ್ಯಮಗಳು ಮತ್ತು ಶೈಕ್ಷಣಿಕ ವಲಯವನ್ನು ಒಟ್ಟುಗೂಡಿಸುತ್ತದೆ.

App link

iOS - https://apps.apple.com/in/app/india-mobile-congress-2025/id6463416087

Android - https://play.google.com/store/apps/details?id=com.dreamcast.imc2023&pcampaignid=web_share&pli=1

<><><><>

*****