ಕೇಂದ್ರ ಕ್ರೀಡಾ ಸಚಿವರಾದ ಡಾ.ಮನ್ಸುಖ್‌ ಮಾಂಡವಿಯಾ ಅವರು ರಾಷ್ಟ್ರೀಯ ಕ್ರೀಡಾ ದಿನ 2025 ಭಾರತದ ಅತಿದೊಡ್ಡ ಫಿಟ್ನೆಸ್‌ ಚಳವಳಿಯೊಂದಿಗೆ ಕೊನೆಗೊಳ್ಳುತ್ತಿದ್ದಂತೆ ರಾಷ್ಟ್ರ ರಾಜಧಾನಿಯಲ್ಲಿ ನಾಗರಿಕರೊಂದಿಗೆ ಸೈಕಲ್‌ ಸವಾರಿ ಮಾಡಿದರು. ಮೇಜರ್‌ ಧ್ಯಾನ್‌ ಚಂದ್‌ ರಾಷ್ಟ್ರೀಯ ಕ್ರೀಡಾಂಗಣವು ರಾಷ್ಟ್ರೀಯ ಕ್ರೀಡಾ ಫೆಡರೇಶನ್‌ಗಳನ್ನು ಒಳಗೊಂಡ ಫಿಟ್‌ ಇಂಡಿಯಾ ಸಂಡೇಸ್‌ ಆನ್‌ ಸೈಕಲ್‌ನ ವಿಶೇಷ ರಾಷ್ಟ್ರೀಯ ಕ್ರೀಡಾ ದಿನ 2025 ಆವೃತ್ತಿಯನ್ನು ಆಯೋಜಿಸಿದ್ದರಿಂದ ರಾಷ್ಟ್ರ ರಾಜಧಾನಿ ಇಂದು ಬೆಳಗ್ಗೆ ಜೀವಂತವಾಯಿತು. ಕೇಂದ್ರ ಯುವ ವ್ಯವಹಾರ ಮತ್ತು ಕ್ರೀಡಾ ಸಚಿವರಾದ ಡಾ.ಮನ್ಸುಖ್‌ ಮಾಂಡವಿಯಾ ಆಚರಣೆಯ ನೇತೃತ್ವ ವಹಿಸಿದ್ದರು. ಹಾಕಿ ಮಾಂತ್ರಿಕ ಮೇಜರ್‌ ಧ್ಯಾನ್‌ ಚಂದ್‌ ಅವರ 120ನೇ ಜನ್ಮ ದಿನಾಚರಣೆಯಂದು ಅವರನ್ನು ಗೌರವಿಸುವ ಮೂರು ದಿನಗಳ ಪ್ಯಾನ್‌-ಇಂಡಿಯಾ ಕ್ರೀಡಾ ಆಚರಣೆಯ ಸಮಾರೋಪ ದಿನದ ಭಾಗವಾಗಿ ಈ ಕಾರ್ಯಕ್ರಮ ಆಯೋಜಿಸಲಾಗಿತ್ತು.

ಸೈಕ್ಲಿಂಗ್‌ ಜಾಥಾಗೆ ಚಾಲನೆ ನೀಡಿದ ಡಾ.ಮಾಂಡವೀಯ, ''ಇದು ಭಾರತೀಯರನ್ನು ತಮ್ಮ ಮಣ್ಣಿನೊಂದಿಗೆ ಸಂಪರ್ಕಿಸುವ, ಸುಸ್ಥಿರತೆಯನ್ನು ಉತ್ತೇಜಿಸುವ ಮತ್ತು ಆತ್ಮನಿರ್ಭರ ಭಾರತದ ದೃಷ್ಟಿಕೋನವನ್ನು ಸಾಕಾರಗೊಳಿಸುವ ಆಂದೋಲನ,'' ಎಂದು ಬಣ್ಣಿಸಿದರು. ಸಭಿಕರನ್ನುದ್ದೇಶಿಸಿ ಮಾತನಾಡಿದ ಅವರು, ''ಮೂರು ದಿನಗಳ ರಾಷ್ಟ್ರೀಯ ಕ್ರೀಡಾ ದಿನಾಚರಣೆಯು ನಿಜವಾದ ಜನಾಂದೋಲನವಾಗಿ ರೂಪಾಂತರಗೊಂಡಿದೆ. ಗ್ರಾಮೀಣ ಆಟದ ಮೈದಾನಗಳಿಂದ ಹಿಡಿದು ರಾಷ್ಟ್ರೀಯ ಕ್ರೀಡಾಂಗಣಗಳವರೆಗೆ, ಸುಮಾರು 30 ಕೋಟಿ ಭಾರತೀಯರು ಕ್ರೀಡೆ, ಫಿಟ್ನೆಸ್‌ ಮತ್ತು ಮೇಜರ್‌ ಧ್ಯಾನ್‌ ಚಂದ್‌ ಅವರ ಪರಂಪರೆಯನ್ನು ಆಚರಿಸಿದ್ದಾರೆ. ಈ ಅಭೂತಪೂರ್ವ ಭಾಗವಹಿಸುವಿಕೆಯು ಭಾರತದ ಬೆಳೆಯುತ್ತಿರುವ ಕ್ರೀಡಾ ಸಂಸ್ಕೃತಿ ಮತ್ತು ಫಿಟ್ನೆಸ್‌ಅನ್ನು ಜೀವನ ವಿಧಾನವನ್ನಾಗಿ ಮಾಡುವ ನಮ್ಮ ಸಾಮೂಹಿಕ ಸಂಕಲ್ಪವನ್ನು ಪ್ರತಿಬಿಂಬಿಸುತ್ತದೆ,''   ಎಂದು ಅವರು ಹೇಳಿದರು.

"ಸೈಕ್ಲಿಂಗ್‌ ಕೇವಲ ವ್ಯಾಯಾಮದ ಬಗ್ಗೆ ಅಲ್ಲ, ಅದು ನಮ್ಮ ಬೇರುಗಳೊಂದಿಗೆ ಮರುಸಂಪರ್ಕಿಸುವ ಕುರಿತಾಗಿದೆ. ಈ ರೀತಿಯ ಸರಳ ಮತ್ತು ಸುಸ್ಥಿರ ಅಭ್ಯಾಸಗಳು ನಮ್ಮ ಸ್ವಾವಲಂಬನೆ ಮತ್ತು ಅಂತರ್ಗತವಾಗಿ ನಮ್ಮದರ ಬಗ್ಗೆ ಹೆಮ್ಮೆಯ ನೀತಿಯನ್ನು ಪ್ರತಿಬಿಂಬಿಸುತ್ತವೆ. ಗರ್ವ್‌ ಸೇ ಸ್ವದೇಶಿ ಮನೋಭಾವವು ಆರೋಗ್ಯಕರ ಮತ್ತು ಹೆಚ್ಚು ಆತ್ಮವಿಶ್ವಾಸದ ಭಾರತವನ್ನು ನಿರ್ಮಿಸುವುದರ ಜೊತೆಗೆ ಸದೃಢ ಮತ್ತು ಬಲವಾಗಿ ಉಳಿಯುವ ಸ್ಥಳೀಯ ಮಾರ್ಗಗಳನ್ನು ಅಳವಡಿಸಿಕೊಳ್ಳಲು ನಮಗೆ ಸ್ಫೂರ್ತಿ ನೀಡಬೇಕು" ಎಂದು ಅವರು ಹೇಳಿದರು.

ಏತನ್ಮಧ್ಯೆ, ''ಉಪಕ್ರಮದ ರಾಷ್ಟ್ರವ್ಯಾಪಿ ಪ್ರಮಾಣವು ಅಭೂತಪೂರ್ವವಾಗಿತ್ತು. 700 ಜಿಲ್ಲೆಗಳ 10,000ಕ್ಕೂ ಹೆಚ್ಚು ಸ್ಥಳಗಳಿಂದ ಸುಮಾರು 30 ಕೋಟಿ ನಾಗರಿಕರು ಆಟದ ಮೈದಾನ ಚಟುವಟಿಕೆಗಳು, ಸೈಕ್ಲಿಂಗ್‌ ಜಾಥಾಗಳು ಮತ್ತು ಸ್ಥಳೀಯ ಕ್ರೀಡಾ ಸ್ಪರ್ಧೆಗಳ ಮೂಲಕ ಭಾಗವಹಿಸಿದ್ದರು. ದೇಶದ ವಿವಿಧ ಭಾಗಗಳಿಂದ ಸೈಕ್ಲಿಂಗ್‌ಗಾಗಿ 3,000ಕ್ಕೂ ಹೆಚ್ಚು ನಮೋ ಫಿಟ್‌ ಇಂಡಿಯಾ ಕ್ಲಬ್‌ಗಳು ಸೇರಿಕೊಂಡವು, ಇದು ಫಿಟ್ನೆಸ್‌, ಸುಸ್ಥಿರತೆ ಮತ್ತು ಸಮುದಾಯ ಮನೋಭಾವದ ಸಂದೇಶವನ್ನು ಬಲಪಡಿಸಿತು,''   ಎಂದು ಹೇಳಿದರು.

ರಾಷ್ಟ್ರೀಯ ಕ್ರೀಡಾ ದಿನ 2025 ರ ಈ ಐತಿಹಾಸಿಕ ಮೂರು ದಿನಗಳ ಆಚರಣೆಯ ಮೂರನೇ ದಿನದಂದು ಹಿಮಾಲಯದ ಕಣಿವೆಗಳಿಂದ ಕರಾವಳಿ ಪಟ್ಟಣಗಳವರೆಗೆ, ಗದ್ದಲದ ಮೆಟ್ರೋಗಳಿಂದ ಗ್ರಾಮೀಣ ಹೃದಯಭಾಗಗಳವರೆಗೆ, ಭಾರತವು ಒಟ್ಟಿಗೆ ಸೈಕಲ್‌ ಸವಾರಿ ಮಾಡಿತು. ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳು ಸಮಾನಾಂತರ ಕಾರ್ಯಕ್ರಮಗಳನ್ನು ಆಯೋಜಿಸಿದ್ದು, ಪ್ರಖ್ಯಾತ ಕ್ರೀಡಾಪಟುಗಳು ಮತ್ತು ಸಾರ್ವಜನಿಕ ಪ್ರತಿನಿಧಿಗಳು ನಾಗರಿಕರೊಂದಿಗೆ ಕೈಜೋಡಿಸಿದ್ದಾರೆ. ಹರಿಯಾಣದ ಮುಖ್ಯಮಂತ್ರಿ ಶ್ರೀ ನಯಾಬ್‌ ಸಿಂಗ್‌ ಸೈನಿ ಅವರು ಕುರುಕ್ಷೇತ್ರದಲ್ಲಿ 2500ಕ್ಕೂ ಹೆಚ್ಚು ಭಾಗವಹಿಸುವವರೊಂದಿಗೆ ಪೆಡಲ್‌ ಮಾಡಿದರು, ತೆಲಂಗಾಣದ ರಾಜ್ಯಪಾಲ ಶ್ರೀ ಜಿಷ್ಣು ದೇವ್‌ ವರ್ಮಾ ಅವರು ತೆಲಂಗಾಣದಲ್ಲಿ ಭಾನುವಾರದಂದು 1000ಕ್ಕೂ ಹೆಚ್ಚು ಉತ್ಸಾಹಿಗಳೊಂದಿಗೆ ಸೈಕಲ್‌ ಆವೃತ್ತಿಯಲ್ಲಿ ಭಾಗವಹಿಸಿದ್ದರು. ಇತರ ಸಂಸತ್‌ ಸದಸ್ಯರು (ಸಂಸದರು) ಮತ್ತು ಪ್ರಮುಖ ಗಣ್ಯರು ವಿವಿಧ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಭಾಗವಹಿಸಿದ್ದರು.

ಮುಂಬೈನ ಬೋರಿವಾಲಿ ರಾಷ್ಟ್ರೀಯ ಉದ್ಯಾನವನದಲ್ಲಿ ಭಾನುವಾರ ಆನ್‌ ಸೈಕಲ್‌ನ ವಿಶೇಷ ಆವೃತ್ತಿ ನಡೆಯಿತು, ಇದರಲ್ಲಿ ಕೇಂದ್ರ ಯುವ ವ್ಯವಹಾರ ಮತ್ತು ಕ್ರೀಡಾ ಖಾತೆ ರಾಜ್ಯ ಸಚಿವರಾದ ಶ್ರೀಮತಿ ರಕ್ಷಾ ನಿಖಿಲ್‌ ಖಾಡ್ಸೆ ಮತ್ತು ಬಾಲಿವುಡ್‌ ಹಿರಿಯ ಜಾಕಿ ಶ್ರಾಫ್‌ ಉಪಸ್ಥಿತರಿದ್ದರು. ಶ್ರೀಮತಿ ರಕ್ಷಾ ಖಾಡ್ಸೆ ಮಾತನಾಡಿ, ''ಡಾ.ಮನ್ಸುಖ್‌ ಮಾಂಡವಿಯಾ ಅವರ ದೃಷ್ಟಿಕೋನದಲ್ಲಿ, ನಮ್ಮ ಕ್ರೀಡಾ ಸಚಿವಾಲಯವು ಕಳೆದ ಒಂದು ವರ್ಷದಿಂದ ದೇಶದ ವಿವಿಧ ಭಾಗಗಳಲ್ಲಿ‘ಸಂಡೇಸ್‌ ಆನ್‌ ಸೈಕಲ್‌’ ಅನ್ನು ಆಯೋಜಿಸುತ್ತಿದೆ. ಇಂದು, ರಾಷ್ಟ್ರೀಯ ಕ್ರೀಡಾ ದಿನದ ಸಂದರ್ಭದಲ್ಲಿಮುಂಬೈನಲ್ಲಿ ನಡೆದ ಅದರಲ್ಲಿನಾನು ಭಾಗವಹಿಸಿದೆ. ‘ಸಂಡೇಸ್‌ ಆನ್‌ ಸೈಕಲ್‌’ ಜನರಲ್ಲಿ ಫಿಟ್ನೆಸ್‌ ಬಗ್ಗೆ ಜಾಗೃತಿ ಮೂಡಿಸುವ ಅಭಿಯಾನವಾಗಿದೆ,'' ಎಂದು ಅವರು ಹೇಳಿದರು.

ಭಾರತೀಯ ಚಲನಚಿತ್ರೋದ್ಯಮದ ಹಿರಿಯ ನಟ ಜಾಕಿ ಶ್ರಾಫ್‌ ಮಕ್ಕಳಲ್ಲಿ ದೈಹಿಕ ವ್ಯಾಯಾಮದ ಅಗತ್ಯವನ್ನು ಬಿಂಬಿಸಿದರು. ''ನಮ್ಮ ಪ್ರಧಾನಿ ಶ್ರೀ ನರೇಂದ್ರ ಮೋದಿ ಅವರು ಫಿಟ್‌ ಇಂಡಿಯಾದ ಉಪಕ್ರಮವನ್ನು ಕೈಗೊಂಡಿದ್ದಾರೆ ಮತ್ತು ಎಲ್ಲಾ ಮಕ್ಕಳು ಈ ಉಪಕ್ರಮವನ್ನು ಅನುಸರಿಸಬೇಕು'' ಎಂದು ಶ್ರಾಫ್‌ ಹೇಳಿದರು.

ದೆಹಲಿ ಕಾರ್ಯಕ್ರಮದಲ್ಲಿ ಸಾವಿರಾರು ನಾಗರಿಕರು, ಕ್ರೀಡಾಪಟುಗಳು ಮತ್ತು ಫಿಟ್ನೆಸ್‌ ಉತ್ಸಾಹಿಗಳು ಭಾಗವಹಿಸಿದ್ದರು. ಹಲವಾರು ರಾಷ್ಟ್ರೀಯ ಕ್ರೀಡಾ ಫೆಡರೇಶನ್‌ (ಎನ್‌ಎಸ್‌ಎಫ್‌) ಮುಖ್ಯಸ್ಥರು ಮತ್ತು ಮುಖ್ಯಸ್ಥರು ಡಾ.ಮನ್ಸುಖ್‌ ಮಾಂಡವಿಯಾ ಅವರೊಂದಿಗೆ ಪೆಡಲ್‌ ಮಾಡಿದರು, ಇದು ಫಿಟ್ನೆಸ್‌ಅನ್ನು ಸಾಮೂಹಿಕ ಆಂದೋಲನವಾಗಿ ಉತ್ತೇಜಿಸುವ ಭಾರತದ ಕ್ರೀಡಾ ಸಂಸ್ಥೆಗಳ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ.

ಧ್ಯಾನ್‌ ಚಂದ್‌ ಪ್ರಶಸ್ತಿ ವಿಜೇತೆ ಮತ್ತು ಭಾರತದ ಮಾಜಿ ಬ್ಯಾಡ್ಮಿಂಟನ್‌ ಆಟಗಾರ್ತಿ ತೃಪ್ತಿ ಮುರ್ಗುಂಡೆ ವಿಶೇಷ ಅತಿಥಿಯಾಗಿ ಭಾಗವಹಿಸಿದ್ದರು. ತಮ್ಮ ಆಲೋಚನೆಗಳನ್ನು ಹಂಚಿಕೊಂಡ ಅವರು, ''ಈ ಮೂರು ದಿನಗಳ ರಾಷ್ಟ್ರೀಯ ಕ್ರೀಡಾ ದಿನದ ಅಭಿಯಾನದಲ್ಲಿಲಕ್ಷಾಂತರ ಜನರು ಭಾಗವಹಿಸಿದ್ದಾರೆ. ಇದು ಅದ್ಭುತವಾಗಿದೆ ಮತ್ತು ಭಾರತೀಯ ಕ್ರೀಡೆಗಳ ಬೆಳವಣಿಗೆಯ ಬಗ್ಗೆ ಬಹಳಷ್ಟು ಹೇಳುತ್ತದೆ. ಇಂದಿನ ವಾತಾವರಣವು ನಿಜವಾಗಿಯೂ ಅದ್ಭುತವಾಗಿತ್ತು, ಹುರುಪು ಮತ್ತು ಉತ್ಸಾಹದಿಂದ ತುಂಬಿತ್ತು. ಭಾನುವಾರ ಬೆಳಗ್ಗೆ ಎಲ್ಲಾ ವಯಸ್ಸಿನ ಜನರು ಒಟ್ಟಿಗೆ ಸೇರಿದರು. ಫಿಟ್‌ ಇಂಡಿಯಾವನ್ನು ಪ್ರಾರಂಭಿಸಿದ್ದಕ್ಕಾಗಿ ನಮ್ಮ ಪ್ರಧಾನಿ ಶ್ರೀ ನರೇಂದ್ರ ಮೋದಿ ಅವರಿಗೆ ನಾನು ಧನ್ಯವಾದ ಹೇಳಲು ಬಯಸುತ್ತೇನೆ,'' ಎಂದು ಹೇಳಿದರು.

ಮುಂಜಾನೆ ಜುಂಬಾ ಸೆಷನ್‌ಗಳು, ಯೋಗ, ಸ್ಕಿಪ್ಪಿಂಗ್‌, ಫಿಟ್ನೆಸ್‌ ಆಟಗಳು ಮತ್ತು ಮನಾಲಿಯಲ್ಲಿತರಬೇತಿಯ ನಂತರ ಮೌಂಟ್‌ ಎವರೆಸ್ಟ್‌ ಏರಲು ಹೊರಟಿರುವ 11 ಯುವ ಪರ್ವತಾರೋಹಣ ಹುಡುಗಿಯರಿಗೆ ಹಸಿರು ನಿಶಾನೆಗೆ ಕ್ರೀಡಾಂಗಣವು ಜನರಿಂದ ತುಂಬಿತ್ತು. ರಾಷ್ಟ್ರೀಯ ಕ್ರೀಡಾ ದಿನಾಚರಣೆಯ ಅಂಗವಾಗಿ ಪ್ರಯಾಗ್‌ ರಾಜ್‌ ನಿಂದ ದೆಹಲಿಗೆ ಸೈಕಲ್‌ ಸವಾರಿ ಮಾಡಿದ ಸೈಕ್ಲಿಸ್ಟ್ ಗಳನ್ನು ಸಹ ಸನ್ಮಾನಿಸಲಾಯಿತು.

ಪ್ಯಾರಾಲಿಂಪಿಯನ್‌ಗಳಾದ ಅಂಕುರ್‌ ಧಾಮಾ ಮತ್ತು ರವಿ ರಂಗೋಲಿ ಅವರು ಜಾಥಾವನ್ನು ಮುನ್ನಡೆಸಿದ ಬೆಂಗಳೂರಿನ ಸಾಯ್‌ ಎನ್‌ಎಸ್‌ಎಸ್‌ಸಿ ಮತ್ತು ಒಡಿಶಾದ ಕ್ರೀಡಾ ಸಂಘಗಳ ಸಹಯೋಗದೊಂದಿಗೆ ಸಾಯ್‌ ಎನ್‌ಸಿಒಇ, ಜಗತ್ಪುರ ಮತ್ತು ಎಸ್‌ಟಿಸಿ ಕಟಕ್‌ನಲ್ಲಿ ನಡೆದ ಸಮಾನಾಂತರ ಕಾರ್ಯಕ್ರಮಗಳು ಇಂದು ಇತರ ಮುಖ್ಯಾಂಶಗಳಲ್ಲಿ ಸೇರಿವೆ. ಪ್ರಾರಂಭದಿಂದಲೂ, ಫಿಟ್‌ ಇಂಡಿಯಾ ಸಂಡೇಸ್‌ ಆನ್‌ ಸೈಕಲ್‌ ಆಂದೋಲನವು ದೇಶಾದ್ಯಂತ 40,000ಕ್ಕೂ ಹೆಚ್ಚು ಸ್ಥಳಗಳಲ್ಲಿ ಏಳು ಲಕ್ಷಕ್ಕೂ ಹೆಚ್ಚು ವ್ಯಕ್ತಿಗಳನ್ನು ತಲುಪಿದೆ. ಯುವ ವ್ಯವಹಾರ ಮತ್ತು ಕ್ರೀಡಾ ಸಚಿವಾಲಯವು ಸೈಕ್ಲಿಂಗ್‌ ಫೆಡರೇಶನ್‌ ಆಫ್‌ ಇಂಡಿಯಾ (ಸಿಎಫ್‌ಐ), ಯೋಗಾಸನ ಭಾರತ್‌ ಮತ್ತು ಮೈ ಭಾರತ್‌ ಸಹಯೋಗದೊಂದಿಗೆ ಇದನ್ನು ಮುನ್ನಡೆಸುತ್ತಿದೆ. ಈ ಅಭಿಯಾನವು ಎಲ್ಲಾ ರಾಜ್ಯ ಮತ್ತು ಕೇಂದ್ರಾಡಳಿತ ಪ್ರದೇಶಗಳ ರಾಜಧಾನಿಗಳು, ಭಾರತೀಯ ಕ್ರೀಡಾ ಪ್ರಾಧಿಕಾರ (ಸಾಯ್) ಪ್ರಾದೇಶಿಕ ಕೇಂದ್ರಗಳು, ರಾಷ್ಟ್ರೀಯ ಉತ್ಕೃಷ್ಟತಾ ಕೇಂದ್ರಗಳು (ಎನ್‌ಸಿಒಇ), ಸಾಯ್‌ ತರಬೇತಿ ಕೇಂದ್ರಗಳು (ಎಸ್‌ಟಿಸಿ) ಮತ್ತು ಖೇಲೋ ಇಂಡಿಯಾ ಕೇಂದ್ರಗಳಲ್ಲಿ ಏಕಕಾಲದಲ್ಲಿ ನಡೆಯುತ್ತದೆ.

*****