بھارت کی ٹیکسٹائل صنعت، جو ملک کی دوسری سب سے بڑی روزگار فراہم کرنے والی صنعت ہے، کو اعلی معیار کی کپاس تک مستحکم رسائی کی ضرورت ہے۔ طلب و رسد کے مسلسل فرق کے پیش نظر حکومت نے کپاس پر درآمدی ڈیوٹی کی چھوٹ میں 31 دسمبر 2025تک توسیع کردی۔  سینٹرل بورڈ آف انڈائریکٹ ٹیکسز اینڈ کسٹمز کے ذریعے نوٹیفائی کیے گئے اس فیصلے سے ٹیکسٹائل ویلیو چین بشمول دھاگے، کپڑے، گارمنٹس اور میک اپ میں ان پٹ لاگت مستحکم ہونے کی توقع ہے، جس سے مینوفیکچررز اور صارفین کو یکساں طور پر راحت ملے گی۔ یہ اسٹریٹجک مداخلت یقینی بناتی ہے کہ ٹیکسٹائل کا شعبہ عالمی سطح پر مسابقتی رہے جبکہ کپاس کے مقامی کاشتکاروں کے مفادات کا تحفظ کیا جائے۔ زیادہ تر درآمدات خصوصی صنعتی ضروریات یا برانڈ سے منسلک برآمدی معاہدوں کو پورا کرتی ہیں اور گھریلو کپاس کی جگہ نہیں لیتی ہیں۔

سستی، اعلیٰ معیار کی کپاس برآمدی منڈیوں میں بھارت کی پوزیشن کو مضبوط کرتی ہے، جس سے چھوٹے اور درمیانے درجے کے کاروباری اداروں کے ساتھ ساتھ برآمدی یونٹوں کے لیے آرڈرز کی بحالی ہوتی ہے۔ ٹیکسٹائل ملبوسات کی ویلیو چین 45 ملین سے زائد افراد کو روزگار فراہم کرتی ہے، اور ملازمتوں کے نقصان کو روکنے اور صنعت کی ترقی کی حوصلہ افزائی کرنے کے لیے کپاس کی مستحکم فراہمی اہم ہے۔ خام مال کی مسلسل فراہمی سے حکومت کے ’میک ان انڈیا‘ اور گھریلو مینوفیکچرنگ اہداف کو مدد ملے گی، جس سے اعلی قیمت کے کپڑوں اور ملبوسات کی پیداوار کو فروغ ملنے کی توقع ہے۔

کاٹن کارپوریشن آف انڈیا لمیٹڈ (سی آئی) کے ذریعے چلائے جانے والے کم از کم امدادی قیمت (ایم ایس پی) میکانزم کے ذریعے کسانوں کے مفادات کا تحفظ کیا جاتا ہے، جو یقینی بناتا ہے کہ کسانوں کو ان کی پیداواری لاگت سے کم از کم 50 فیصد زیادہ ملے۔ درآمد شدہ کپاس اکثر خصوصی صنعتی ضروریات کو پورا کرتی ہے اور گھریلو کپاس کا متبادل نہیں ہے۔ زیادہ تر درآمدات کم مدت کے دوران ہوتی ہیں یا جب گھریلو اسٹاک ناکافی ہوتے ہیں ، جس سے گھریلو خریداری کے عروج کے دورانیے کے ساتھ مسابقت کم ہوجاتی ہے۔ حکومت کپاس کی قیمتوں پر گہری نظر رکھتی ہے اور ضرورت پڑنے پر حفاظتی اقدامات عائد کرنے کی لچک برقرار رکھتی ہے۔

اپریل-اکتوبر 2024-25 کے دوران بھارت کی کل ٹیکسٹائل اور ملبوسات کی برآمدات میں کاٹن ٹیکسٹائل کی برآمدات کا حصہ تقریباً 33 فیصد تھا ، جس کی مالیت 7.08 بلین امریکی ڈالر تھی ، جس سے یہ ریڈی میڈ گارمنٹس کے بعد دوسرا سب سے بڑا شراکت دار بن گیا۔ ٹیکسٹائل انڈسٹری کے ذریعے گھریلو کپاس کا 95 فیصد استعمال کیا جاتا ہے، ڈیوٹی میں چھوٹ سے کاشتکاروں کو بالواسطہ فائدہ ہونے کی توقع ہے کیونکہ عالمی مسابقت ملوں کو کپاس کے کاشتکاروں کو بہتر قیمت ادا کرنے کے قابل بناتی ہے۔

مختلف ٹیکسٹائل ایسوسی ایشنز نے حکومت کے ذریعے کپاس کی تمام اقسام کو 31 دسمبر 2025 تک کی درآمدی ڈیوٹی سے استثنیٰ دینے کے اقدام کا خیر مقدم کیا ہے۔ انھوں نے صنعت کے دیرینہ مطالبے کو پورا کرنے کے لیے وزیر اعظم جناب نریندر مودی اور مرکزی وزیر جناب گری راج سنگھ کا شکریہ ادا کیا۔

***

(ش ح – ع ا)

U. No. 5419