قومی انسانی حقوق کمیشن (این ایچ آر سی) نے ایک میڈیا رپورٹ کا از خود نوٹس لیا ہے ، جس میں بتایا گیا تھا کہ 21 اگست 2025 کو راجستھان کے جے پور میں واقع ایس ایم ایس میڈیکل کالج سے ملحقہ خواتین کے اسپتال میں زچگی کے بعد طبی اہلکاروں کی لاپرواہی کی وجہ سے ایک 26 سالہ خاتون کی مبینہ طور پر موت ہو گئی ۔  رپورٹ کے مطابق خاتون کے اہل خانہ نے الزام لگایا ہے کہ نہ تو اسپتال کے عملے اور نہ ہی ڈاکٹروں نے اس کی نگہداشت کی ، حالانکہ سرجری کے بعد شدید خون بہہ رہا تھا  اور وہ درد سے تڑپ رہی تھی ۔  انہوں نے خاندان کے افراد کو مریض سے ملنے یا اسے وارڈ سے آئی سی یو میں منتقل کرنے کی بھی اجازت نہیں دی ۔

انسانی حقوق کےکمیشن نے کہا ہے کہ اگر میڈیا رپورٹ کے مندرجات سچ ہیں، تو اس سے متاثرہ خاتون کے انسانی حقوق کی خلاف ورزی کا سنگین معاملہ اجاگر ہوتا ہے ۔  لہذا ، اس نے ریاستی چیف سکریٹری اور پولیس کمشنر ، جے پور کو نوٹس جاری کر کے دو ہفتوں کے اندر اس معاملے پر تفصیلی رپورٹ طلب کی ہے ۔

22 اگست 2025 کو شائع ہونے والی میڈیا رپورٹ کے مطابق ،  متاثرہ  خاتون ایس ایم ایس میڈیکل کالج میں پیدل آئی تھی اور اسے ویمن ہسپتال ونگ میں داخل کرایا گیاتھا، جہاں 19 اگست 2025 کو زچگی کے لیے اس کا آپریشن کیا گیا ۔  متاثرہ خاتون کا رات بھر حدسے زیادہ خون بہہ گیا  اور اگلی صبح اس کی موت ہو گئی ۔  اطلاعات کے مطابق ایس ایم ایس میڈیکل کالج کے پرنسپل نے واقعے کو سنگین قرار دیا ہے ۔  انہوں نے کہا کہ معاملے کی تحقیقات کی جائے گی اور لاپرواہی برتنے والوں کے خلاف کارروائی کی جائے گی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(ش ح – م ش ع۔ ق ر)

U. No.5395