રાષ્ટ્રીય માનવ અધિકાર પંચ (NHRC), ભારતના એક મીડિયા અહેવાલની સ્વતઃ નોંધ લીધી છે જેમાં જણાવાયું છે કે 21 ઓગસ્ટ, 2025ના રોજ રાજસ્થાનના જયપુરમાં SMS મેડિકલ કોલેજ સાથે જોડાયેલ મહિલા હોસ્પિટલમાં ડિલિવરી પછી કથિત તબીબી બેદરકારીને કારણે 26 વર્ષીય મહિલાનું મૃત્યુ થયું હતું. મહિલાના પરિવારે આરોપ લગાવ્યો છે કે સર્જરી પછી તેને ખૂબ રક્તસ્ત્રાવ થઈ રહ્યો હતો અને તે પીડાથી કણસતી હોવા છતાં, હોસ્પિટલના સ્ટાફ કે ડોકટરોએ તેની સંભાળ રાખી ન હતી. તેમણે પરિવારને મહિલાને મળવા કે વોર્ડમાંથી ICUમાં ખસેડવાની પણ મંજૂરી આપી ન હતી.

કમિશને શોધી કાઢ્યું છે કે સમાચાર અહેવાલની સામગ્રી, જો સાચી હોય, તો તે પીડિત મહિલાના માનવ અધિકારોના ઉલ્લંઘનનો ગંભીર મુદ્દો ઉઠાવે છે. તેથી, કમિશનરે રાજ્યના મુખ્ય સચિવ અને જયપુરના પોલીસ કમિશનરને નોટિસ જારી કરીને બે અઠવાડિયામાં આ બાબતનો વિગતવાર અહેવાલ માંગ્યો છે.

22 ઓગસ્ટ, 2025ના રોજ પ્રકાશિત થયેલા મીડિયા અહેવાલ મુજબ, મહિલા SMS મેડિકલ કોલેજ ચાલીને ગઈ હતી અને મહિલાને હોસ્પિટલમાં દાખલ કરવામાં આવી હતી જ્યાં 19 ઓગસ્ટ, 2025ના રોજ તેનું ઓપરેશન કરવામાં આવ્યું હતું. પીડિતાને રાત્રે વધુ પડતો રક્તસ્ત્રાવ થયો હતો અને બીજા દિવસે સવારે તેનું મૃત્યુ થયું હતું. SMS મેડિકલ કોલેજના પ્રિન્સિપાલે આ ઘટનાને ગંભીર ગણાવી છે. તેમણે કહ્યું કે આ મામલાની તપાસ કરવામાં આવશે અને બેદરકારી દાખવનારાઓ સામે કાર્યવાહી કરવામાં આવશે

SM/IJ/GP/JT

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com