କ୍ୟାବିନେଟ
ଦେଢ ପ୍ରତିଶତ ସବସିଡି ସହ ୨୦୨୫-୨୬ ଆର୍ଥିକ ବର୍ଷ ପାଇଁ ପରିମାର୍ଜିତ ସୁଧ ଅନୁଦାନ ଯୋଜନାର କ୍ରମିକତାକୁ ସରକାରଙ୍କ ଘୋଷଣା
Posted On:
28 MAY 2025 3:12PM by PIB Bhubaneshwar
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟ ବୈଠକରେ ଦେଢ ପ୍ରତିଶତ ସବସିଡି ସହ ୨୦୨୫-୨୬ ଆର୍ଥିକ ବର୍ଷ ପାଇଁ ପରିମାର୍ଜିତ ସୁଧ ଅନୁଦାନ ଯୋଜନାର କ୍ରମିକତାକୁ ସରକାର ଘୋଷଣା କରିଛନ୍ତି । ଏଥିପାଇଁ ଆବଶ୍ୟକ ହେଉଥିବା ଆର୍ଥିକ ପ୍ରୋତ୍ସାହନ ରାଶି ବି ଘୋଷଣା କରିଛନ୍ତି ।
କିଷାନ କ୍ରେଡିଟ କାର୍ଡ ମାଧ୍ୟମରେ ଚାଷୀମାନଙ୍କୁ କମ ସୁଧହାରରେ ସ୍ୱଳ୍ପକାଳୀନ ଋଣ ସହାୟତା ପ୍ରଦାନ କରିବାକୁ ସରକାର ମଞ୍ଜୁରି ପ୍ରଦାନ କରିଛନ୍ତି । ଏହା ହେଉଛି ଏକ କେନ୍ଦ୍ରୀୟ ଯୋଜନା ।
ଚାଷୀମାନଙ୍କୁ କିଷାନ କ୍ରେଡିଟ କାର୍ଡ ମାଧ୍ୟମରେ ତିନି ଲକ୍ଷ ଟଙ୍କା ପର୍ଯ୍ୟନ୍ତ ସ୍ୱଳ୍ପକାଳୀନ ଋଣ ଯୋଗାଇ ଦିଆଯାଉଛି । ସାତ ପ୍ରତିଶତ ସୁଧ ହାରରେ ଋଣ ସହାୟତା ମିଳୁଛି । ଉପଯୁକ୍ତ ସଂସ୍ଥାଗୁଡିକୁ ବି ଦେଢ ପ୍ରତିଶତ ଆର୍ଥିକ ସହାୟତା ଯୋଗାଇ ଦିଆଯାଉଛି ।
ଅତିରିକ୍ତ ଭାବରେ ଋଣ ଫେରସ୍ତ କରୁଥିବା ଚାଷୀମାନେ ତିନି ପ୍ରତିଶତ ପର୍ଯ୍ୟନ୍ତ ଇନସେଟିଭ ପାଇବା ପର୍ଯ୍ୟନ୍ତ ଯୋଗ୍ୟ ହୋଇପାରୁଛନ୍ତି । କିଷାନ କ୍ରେଡିଟ କାର୍ଡର ଚାରି ପ୍ରତିଶତ ସୁଧରେ ଚାଷୀକୁ ଋଣ ଫେରସ୍ତ କରିବା ନେଇ ଶୀଘ୍ର ଇନସେଟିଭ ଫେରସ୍ତ ପ୍ରକ୍ରିୟାରେ ତିନି ପ୍ରତିଶତ ଛାଡ ମିଳୁଛି ।
ମତ୍ସ୍ୟ ଚାଷ ଓ ପଶୁ ପାଳନ କ୍ଷେତ୍ରରେ ଦୁଇ ଲକ୍ଷ ଟଙ୍କା ପର୍ଯ୍ୟନ୍ତ ସୁଧ ସୁବିଧା ରହିଛି ।
ପୂର୍ବ ଯୋଜନାରେ କୌଣସି ପରିବର୍ତନ ହୋଇନାହିଁ ।
ଆମ ଦେଶରେ ୭.୭୫ କୋଟିରୁ ଅଧିକା କିଷାନ କ୍ରେଡିଟ କାର୍ଡ ଆକାଉଂଟ ରହିଛି । କ୍ଷୁଦ୍ର ଓ ମଧ୍ୟମ ଧରଣର ଚାଷୀଙ୍କ ପାଇଁ ଏପ୍ରକାର ସହାୟତା ଅତି ଜରୁରୀ ।
କୃଷି ଋଣ ସହାୟତା
୨୦୧୪ରେ ୪.୨୬ ଲକ୍ଷ କୋଟି କିଷାନ କ୍ରେଡିଟ ସହାୟତାରୁ ସେହିବର୍ଷ ଡିସେମ୍ବର ସୁଦ୍ଧା ଏହା ୧୦.୦୫ ଲକ୍ଷ କୋଟିରେ ପହଂଚିଥିଲା ।
୨୦୧୩-୧୪ ଆର୍ଥିକ ବର୍ଷରେ ୭.୩ ଲକ୍ଷ କୋଟି କୃଷି ଋଣ ଥିବା ବେଳେ ୨୦୨୩-୨୪ ଆର୍ଥିକ ବର୍ଷରେ ଏହା ୨୫.୪୯ ଲକ୍ଷ କୋଟିକୁ ଏହା ଉନ୍ନୀତ ହୋଇଥିଲା ।
ଅଗଷ୍ଟ ୨୦୨୩ରେ ଶୁଭାରମ୍ଭ କରାଯାଇଥିବା କିଷାନ ରିନ ପୋର୍ଟାଲ ପରି ଡିଜିଟାଲ ସଂସ୍କାର ଏହି ପ୍ରକ୍ରିୟାକୁ ତ୍ୱରାନ୍ୱିତ କରିଛି ।
ଚାଷୀମାନଙ୍କ ଆୟ ଦ୍ୱିଗୁଣିତ କରିବା ଗ୍ରାମୀଣ ଅର୍ଥନୀତି ସୁଦୃଢୀକରଣ ଉପଯୁକ୍ତ ସମୟରେ ଋଣ ସହାୟତା ଯୋଗାଇବା ପରି କ୍ଷେତ୍ରରେ ସରକାରଙ୍କ ପ୍ରତିବଦ୍ଧତାକୁ କ୍ୟାବିନେଟ ମୋହର ମାରିଛି ।
PBD
(Release ID: 2159654)
Visitor Counter : 6
Read this release in:
Tamil
,
Telugu
,
Malayalam
,
Kannada
,
English
,
Urdu
,
Hindi
,
Nepali
,
Marathi
,
Bengali
,
Assamese
,
Manipuri
,
Punjabi
,
Gujarati