ঙসি প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা শেনবা চহি ২০২৫-২৬ গী ওইনা মোদিফাইদ ইন্তরেস্ত সবভেন্সন স্কিম (এম আই এস এস ) মখাদা ইন্তরেস্ত সবভেন্সন (আই এস) মখা চৎথবদা অয়াবা পীখ্রে অমসুং দরকার ওইবা ফন্দশিং পুথোকপগী অয়াবা পীখ্রে।

মোদিফাইদ ইন্তরেস্ত সবভেন্সন স্কিম (এম আই এস এস ) অসি কিষান ক্রেদিৎ কার্দ (কে সি সি) গী খুৎথাংদা অপীকপা শেন্দোয় অমদা লৌমীশিংদা অতেনবা মতমগী শেন্থং ফংহন্নবা পান্দম থম্বা কেন্দ্র সরকারগী স্কিম অমনি। স্কিম অসিগী মখাদা:

· লেন্দিং ইন্সতিতুসনশিংদা চাদা ১.৫ গী ইন্তরেস্ত সবভেন্সন পীদুনা চাদা ৭ গী সবসিদি পীরবা শেন্দোয়গী চাংদা কে.সি.সিগী খুৎথাংদা লৌমীশিংদা অতেনবা মতমগী লুপা লাখ ৩ ফাওবা লোন পীরে।

মসিগী মথক্ত, লোন মতম চাংনা শিংবা লৌমীশিংদা প্রোম্প রিপেমেন্ত ইন্সেনতিপ ( পি আর আই) ওইনা চাদা ৩ ফাওবগী মতেং অমা পীদুনা কে.সি.সি লোনশিংগী শেন্দোয় চাদা ৩ ফাওবা হন্থহল্লে।

শা-ষন লোইবা নত্ত্রগা ঙা য়োক্নবা লৌবা লোনশিংগী ওইনা লুপা লাখ ২ ফাওবদা শেন্দোয়গী কান্নবা পীরে।

স্কিম অসিগী অতোপ্পা কম্পোনেন্তশিংদা অহোংবা অমতা লৈতে।

লৈবাক অসিদা কে.সি.সি একাউন্ত করোর ৭.৭৫ হেন্না লৈরি। পোৎথোক হেন্না পুথোকপদা মরুওইরিবা লৌউ-শিংউদা শেন্থং পীবা হেনগৎহন্নবা মখা তানা শৌগৎপা য়াম্না মরুওই অমসুং মসিনা লায়রবা অমসুং অপীকপা লৌমীশিংদা শেন-থুমগী থবকশিংগী কান্নবা ফংহনবা ঙমগনি।

লৌউ-শিংউগী শেন্থংগী মরুওইবা ৱাফমশিং:

· কে.সি.সিগী খুৎথাংদা বেঙ্কশিংনা পীবা লোন ২০১৪ দা লুপা করোর লাখ ৪.২৬ ওইরম্বদগী দিশেম্বর ২০২৪ ফাওবদা লুপা করোর লাখ ১০.০৫ য়ৌরে।

· লৌউ-শিংউদা পীবা অপুনবা শেন্থং শেনবা চহি ২০১৩-১৪ দগী লুপা করোর লাখ ৭.৩ ওইরম্বদগী শেনবা চহি ২০২৩-২৪ দা লুপা করোর লাখ ২৫.৪৯ য়ৌরে।

· ওগস্ত ২০২৩ দা কিষান রিন পোর্তেল (কে আর পি) হৌদোকখিবা অসিগুম্বা দিজিতেলগী অহোংবশিং অসিনা অরোন-অথুপ লৈতবা হেনগৎহল্লে অমসুং ক্লেম তৌনবগী থবকশিং নুংঙাইহল্লে।

হৌজিক লৈরিবা লেন্দিং কোস্তকী ফিবম, মেদিয়ান এম.সি.এল.আর অমসুং রেপো রেত অসি য়েংলগা, চাদা ১.৫ গী চাংদা ইন্তরেস্ত সবভেন্সন লেংদনা লৈহনবা অসি খুঙ্গং অমসুং কোওপরেতিপ বেঙ্কশিং শৌগৎনবা তঙাইফদবনি অমসুং লৌমীশিংদা অহোংবা মমলদা শেন্থং মখা তানা ফংহনবা ঙমগনি।

লৌমীশিংগী শেন্থোক শরুক অনিদা হেনগৎহন্নবা, খুঙ্গংদা শেন্থং পীবগী থবক মপাঙ্গল কনখৎহন্নবা অমসুং মতম চানা অমসুং মমল হোংবা শেন্থং ফংহন্দুনা লৌউ-শিংউ চাউখৎনবা সরকারনা পায়খৎলিবা থবকশিং অসি মন্ত্রীমন্দলগী ৱারেপ অসিনা অমুক হন্না মপাঙ্গল হাপ্লে।

****