প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত কেন্দ্ৰীয় কেবিনেটে ভাৰত ছেমিকণ্ডাক্টৰ মিছন (আইএছএম)ৰ অধীনত আৰু চাৰিটা ছেমিকণ্ডাক্টৰ প্ৰকল্পত অনুমোদন জনাইছে।

ইতিমধ্যে কাৰ্য্যকৰীকৰণৰ বিভিন্ন পৰ্যায়ত থকা ছটা অনুমোদিত প্ৰকল্পৰ সৈতে ভাৰতৰ ছেমিকণ্ডাক্টৰ পৰিবেশতন্ত্ৰত গতি বৃদ্ধি পাইছে। আজি অনুমোদিত এই চাৰিটা প্ৰস্তাৱ এছআইচিছেম, কন্টিনেণ্টেল ডিভাইচ ইণ্ডিয়া প্ৰাইভেট লিমিটেড (চি ডি আই এল), থ্ৰী ডি গ্লাছ ছলিউচন ইনকৰ্পৰেচন আৰু এডভান্সড চিষ্টেম ইন পেকেজ (এ এছ আই পি) প্ৰযুক্তিৰ পৰা আহিছে।

এই চাৰিটা অনুমোদিত প্ৰস্তাৱে প্ৰায় ৪,৬০০ কোটি টকাৰ সঞ্চিত বিনিয়োগৰ সৈতে ছেমিকণ্ডাক্টৰ নিৰ্মাণ সুবিধা স্থাপন কৰিব আৰু ২,০৩৪ গৰাকী দক্ষ পেছাদাৰীৰ বাবে এক সঞ্চিত নিযুক্তি সৃষ্টি কৰিব বুলি আশা কৰা হৈছে যিয়ে ইলেক্ট্ৰনিক নিৰ্মাণ পৰিবেশতন্ত্ৰক অনুঘটক কৰিব যাৰ ফলত বহুতো পৰোক্ষ নিয়োগৰ সৃষ্টি হ'ব। আজি এই আৰু চাৰিটা অনুমোদনৰ সৈতে, ৬ খন ৰাজ্যত প্ৰায় ১.৬ লাখ কোটি টকাৰ সঞ্চিত বিনিয়োগৰ সৈতে আইএছএমৰ অধীনত মুঠ অনুমোদিত প্ৰকল্প ১০ টাত উপনীত হৈছে।

টেলিকম, অটোমোটিভ, ডাটা চেণ্টাৰ, উপভোক্তা ইলেক্ট্ৰনিকছ আৰু ঔদ্যোগিক ইলেক্ট্ৰনিকছত ছেমিকণ্ডাক্টৰৰ বৰ্ধিত চাহিদাৰ প্ৰতি লক্ষ্য ৰাখি, এই চাৰিটা নতুন অনুমোদিত ছেমিকণ্ডাক্টৰ প্ৰকল্পই আত্মনিৰ্ভৰ ভাৰত গঢ়ি তোলাত গুৰুত্বপূৰ্ণ অৰিহণা যোগাব।

ওড়িশাত এছআইচিছেম আৰু থ্ৰীডি গ্লাছ স্থাপন কৰা হ’ব। চি ডি আই এল পঞ্জাবত অৱস্থিত আৰু এ এছ আই পি অন্ধ্ৰপ্ৰদেশত স্থাপন কৰা হ 'ব।

এছআইচিছেম প্ৰাইভেট লিমিটেডে ওড়িশাৰ ভুবনেশ্বৰৰ ইনফো ভেলীত চিলিকন কাৰ্বাইড (এছ আই চি) আধাৰিত যৌগিক ছেমিকণ্ডাক্টৰৰ সংহত সুবিধা স্থাপনৰ বাবে ইউ কেৰ ক্লাছ-এছ আই চি ৱেফাৰ ফেব লিমিটেডৰ সৈতে সহযোগিতা কৰিছে। এইখন হ’ব দেশৰ প্ৰথম বাণিজ্যিক কম্পাউণ্ড ফেব। প্ৰকল্পটোৱে চিলিকন কাৰ্বাইড সঁজুলি নিৰ্মাণৰ প্ৰস্তাৱ দিছে। এই যৌগিক ছেমিকণ্ডাক্টৰ ফেবৰ বাৰ্ষিক ক্ষমতা হ’ব ৬০,০০০ ৱেফাৰ আৰু পেকেজিং ক্ষমতা হ’ব ৯৬ নিযুত ইউনিট। প্ৰস্তাৱিত সামগ্ৰীসমূহত মিছাইল, প্ৰতিৰক্ষা সঁজুলি, বৈদ্যুতিক বাহন (ই ভি), ৰেলৱে, ফাষ্ট চাৰ্জাৰ, ডাটা চেণ্টাৰ ৰেক, উপভোক্তা সঁজুলি আৰু সৌৰ শক্তি ইনভাৰ্টাৰত প্ৰয়োগ থাকিব।

থ্ৰীডি গ্লাছ ছলিউচন ইনকৰ্পৰেচনে (থ্ৰীডিজিএছ) ওড়িশাৰ ভুৱনেশ্বৰৰ ইনফো ভেলীত এটা উলম্বভাৱে সংহত উন্নত পেকেজিং আৰু এম্বেডেড গ্লাছ চাবষ্টেৰেট ইউনিট স্থাপন কৰিব। এই ইউনিটটোৱে বিশ্বৰ আটাইতকৈ উন্নত পেকেজিং প্ৰযুক্তি ভাৰতলৈ আনিব। উন্নত পেকেজিঙে ছেমিকণ্ডাক্টৰ উদ্যোগলৈ পৰৱৰ্তী প্ৰজন্মৰ দক্ষতা কঢ়িয়াই আনে। এই সুবিধাত বিভিন্ন ধৰণৰ উন্নত প্ৰযুক্তি থাকিব, যাৰ ভিতৰত আছে পেছিভ আৰু চিলিকন ব্ৰীজৰ সৈতে গ্লাস ইণ্টাৰপ’জাৰ আৰু থ্ৰীডি হেটেৰ’ জিনিয়াছ ইন্টিগ্ৰেচন (থ্ৰীডিএইচআই) মডিউল। এই ইউনিটৰ পৰিকল্পিত ক্ষমতা প্ৰতি বছৰে প্ৰায় ৬৯,০০০  গ্লাছ পেনেল চাবষ্টেৰেট, ৫০ নিযুত একত্ৰিত ইউনিট আৰু ১৩,২০০ ৩ডিএইচআই মডিউল হ'ব। প্ৰস্তাৱিত সামগ্ৰীসমূহৰ প্ৰতিৰক্ষা, উচ্চ-কাৰ্য্যকৰী কম্পিউটিং, কৃত্ৰিম বুদ্ধিমত্তা, আৰ এফ আৰু অটোমোটিভ, ফটোনিক্স আৰু সহ-পেকেজড অপটিক্স আদিত গুৰুত্বপূৰ্ণ প্ৰয়োগ থাকিব।

এডভান্সড চিষ্টেম ইন পেকেজ টেকন’লজিয়ে (এ এছ আই পি) দক্ষিণ কোৰিয়াৰ এ পি এ চি টি কোম্পানী লিমিটেডৰ সৈতে প্ৰযুক্তিৰ চুক্তিৰ অধীনত অন্ধ্ৰপ্ৰদেশত এটা ছেমিকণ্ডাক্টৰ নিৰ্মাণ ইউনিট স্থাপন কৰিব, যাৰ বাৰ্ষিক ক্ষমতা ৯৬ নিযুত ইউনিট। উৎপাদিত সামগ্ৰীবোৰে মোবাইল ফোন, ছেট-টপ বক্স, অটোমোবাইল এপ্লিকেচন আৰু অন্যান্য ইলেক্ট্ৰনিক সামগ্ৰীত এপ্লিকেচন বিচাৰি পাব।

কন্টিনেণ্টেল ডিভাইচে (চি ডি আই এল) পঞ্জাৱৰ মোহালিত ইয়াৰ পৃথক ছেমিকণ্ডাক্টৰ নিৰ্মাণ সুবিধা সম্প্ৰসাৰণ কৰিব। প্ৰস্তাৱিত সুবিধাটোৱে চিলিকন আৰু চিলিকন কাৰ্বাইড দুয়োটাতে এম অ’ এছ এফ ই টি, আই জি বি টি, স্কটকী বাইপাছ ডায়োড আৰু ট্ৰানজিষ্টাৰৰ দৰে উচ্চ শক্তিৰ পৃথক ছেমিকণ্ডাক্টৰ সঁজুলি নিৰ্মাণ কৰিব। এই ব্ৰাউনফিল্ড সম্প্ৰসাৰণৰ বাৰ্ষিক ক্ষমতা হ’ব ১৫৮.৩৮ মিলিয়ন ইউনিট। এই প্ৰস্তাৱিত ইউনিটসমূহে নিৰ্মাণ কৰা ডিভাইচসমূহৰ বৈদ্যুতিক বাহন আৰু ইয়াৰ চাৰ্জিং আন্তঃগাঁথনি, নৱীকৰণযোগ্য শক্তি প্ৰণালী, শক্তি ৰূপান্তৰ প্ৰয়োগ, ঔদ্যোগিক প্ৰয়োগ আৰু যোগাযোগ আন্তঃগাঁথনিকে ধৰি অটোমোটিভ ইলেক্ট্ৰনিকছত প্ৰয়োগ থাকিব।

এই প্ৰকল্পসমূহৰ অনুমোদনৰ সৈতে, দেশত ছেমিকণ্ডাক্টৰ পৰিবেশে যথেষ্ট উৎসাহ লাভ কৰিব কিয়নো এই প্ৰকল্পসমূহৰ ভিতৰত দেশৰ প্ৰথমটো বাণিজ্যিক যৌগ ফেবৰ লগতে অত্যন্ত উন্নত কাঁচ-আধাৰিত ছেমিকণ্ডাক্টৰ পেকেজিং ইউনিট অন্তৰ্ভুক্ত আছে।

এইবোৰে দেশত আহিবলগীয়া বিশ্বমানৰ চিপ ডিজাইন ক্ষমতাসমূহৰ পৰিপূৰক হ’ব যিবোৰ চৰকাৰে ২৭৮ টা শৈক্ষিক প্ৰতিষ্ঠান আৰু ৭২ টা ষ্টাৰ্ট-আপক প্ৰদান কৰা ডিজাইন আন্তঃগাঁথনি সমৰ্থনৰ দ্বাৰা চালিত।

ইতিমধ্যে ৬০,০০০ৰো অধিক শিক্ষাৰ্থীয়ে প্ৰতিভা বিকাশ কাৰ্যসূচীৰ সুবিধা লাভ কৰিছে।

***

MJPS/BM/MK