ਰੈਪਕੋ ਬੈਂਕ ਨੇ ਅੱਜ ਨਵੀਂ ਦਿੱਲੀ ਵਿੱਚ ਕੇਂਦਰੀ ਗ੍ਰਹਿ ਅਤੇ ਸਹਿਕਾਰਤਾ ਮੰਤਰੀ ਸ਼੍ਰੀ ਅਮਿਤ ਸ਼ਾਹ ਨੂੰ ਵਰ੍ਹੇ 2024-25 ਲਈ 22.90 ਕਰੋੜ ਰੁਪਏ ਦਾ ਚੈੱਕ ਲਾਭਅੰਸ਼ ਵਜੋਂ ਸੌਂਪਿਆ। ਕੇਂਦਰੀ ਗ੍ਰਹਿ ਮੰਤਰੀ ਰੈਪਕੋ ਬੈਂਕ ਦੀ ਟੀਮ ਨੂੰ ਵਿੱਤੀ ਵਰ੍ਹੇ 2024-25 ਵਿੱਚ 140 ਕਰੋੜ ਰੁਪਏ ਦਾ ਰਿਕਾਰਡ ਲਾਭ ਪ੍ਰਾਪਤ ਕਰਨ ਲਈ ਹਾਰਦਿਕ ਵਧਾਈ ਦਿੱਤੀ।

ਸ਼੍ਰੀ ਅਮਿਤ ਸਾਹ ਨੇ ਐਕਸ (‘X’) ‘ਤੇ ਇੱਕ ਪੋਸਟ ਵਿੱਚ ਕਿਹਾ ਕਿ ਗ੍ਰਹਿ ਮੰਤਰਾਲੇ ਦੇ ਅਧਿਕਾਰ ਖੇਤਰ ਵਿੱਚ ਆਉਣ ਵਾਲੇ ਇਸ ਬੈਂਕ ਨੇ ਕੁਸ਼ਲਤਾ, ਸਮਰਪਣ ਅਤੇ ਪੇਸ਼ੇਵਰਤਾ ਦੀ ਇੱਕ ਅਜਿਹੀ ਉਦਾਹਰਣ ਸਥਾਪਿਤ ਕੀਤੀ ਹੈ ਜੋ ਸਹਿਕਾਰੀ ਖੇਤਰ ਲਈ ਪ੍ਰੇਰਣਾ ਦਾ ਸਰੋਤ ਬਣੇਗਾ। ਟੀਮ ਨੂੰ ਉਸ ਦੇ ਭਵਿੱਖ ਦੇ ਸਫ਼ਰ ਲਈ ਸ਼ੁਭਕਾਮਨਾਵਾਂ। 

ਰੈਪਕੋ ਬੈਂਕ ਦੇ ਚੇਅਰਮੈਨ ਸ਼੍ਰੀ ਈ. ਸੰਥਾਨਮ, ਡਾਇਰੈਕਟਰ-ਰੈਪਕੋ ਹੋਮ ਫਾਈਨਾਂਸ ਲਿਮਟਿਡ ਦੇ ਚੇਅਰਮੈਨ ਸ਼੍ਰੀ ਸੀ.ਥੰਗਰਾਜੂ ਅਤੇ ਮੈਨੇਜਿੰਗ ਡਾਇਰੈਕਟਰ, ਸ਼੍ਰੀ ਓ.ਐੱਮ.ਗੋਕੁਲ ਨੇ ਗ੍ਰਹਿ ਮੰਤਰੀ ਨੂੰ ਚੈੱਕ ਸੌਂਪਿਆ। ਇਸ ਮੌਕੇ ‘ਤੇ ਕੇਂਦਰੀ ਗ੍ਰਹਿ ਸਕੱਤਰ ਸ਼੍ਰੀ ਗੋਵਿੰਦ ਮੋਹਨ ਅਤੇ ਸਕੱਤਰ, ਸੀਮਾ ਪ੍ਰਬੰਧਨ ਡਾ. ਰਾਜੇਂਦਰ ਕੁਮਾਰ ਵੀ ਮੌਜੂਦ ਸਨ। 

ਰੈਪਕੋ ਬੈਂਕ ਨੇ ਵਿੱਤੀ ਵਰ੍ਹੇ 2024-25 ਦੌਰਾਨ 140 ਕਰੋੜ ਰੁਪਏ ਦਾ ਨੈੱਟ ਪ੍ਰੋਫਿਟ ਹਾਸਲ ਕੀਤਾ ਅਤੇ 30% ਲਾਭਅੰਸ਼ ਦਿੱਤਾ, ਜੋ ਸਹਿਕਾਰੀ ਸਭਾ ਦੇ ਇਤਿਹਾਸ ਵਿੱਚ ਸਭ ਤੋਂ ਵੱਧ ਹੈ। ਰੈਪਕੋ ਬੈਂਕ, ਭਾਰਤ ਸਰਕਾਰ ਦਾ ਇੱਕ ਉੱਦਮ ਹੈ। ਭਾਰਤ ਸਰਕਾਰ ਕੋਲ ਰੈਪਕੋ ਬੈਂਕ ਵਿੱਚ 50.08% ਹਿੱਸੇਦਾਰੀ ਹੈ ਅਤੇ ਇਹ ਗ੍ਰਹਿ ਮੰਤਰਾਲੇ ਦੇ ਪ੍ਰਸ਼ਾਸਨਿਕ ਨਿਯੰਤਰਣ ਵਿੱਚ ਆਉਂਦਾ ਹੈ। ਇਹ ਇੱਕ ਨਿਰੰਤਰ ਲਾਭ ਕਮਾਉਣ ਵਾਲੀ ਸੰਸਥਾ ਹੈ, ਜੋ ਤਿੰਨ ਦਹਾਕਿਆਂ ਤੋਂ ਵੱਧ ਸਮੇਂ ਤੋਂ ਲਗਾਤਾਰ ਲਾਭਅੰਸ਼ ਦਾ ਐਲਾਨ ਕਰ ਰਹੀ ਹੈ। 

Heartiest congratulations to Team Repco Bank for posting a profit of ₹140 crore in the financial year 2024-25, which is the highest in the history of the cooperative society. The bank under the jurisdiction of the MHA has set an example of efficiency, dedication, and… pic.twitter.com/n3axkuYHrQ

— Amit Shah (@AmitShah) August 4, 2025

*****

ਆਰਕੇ/ਵੀਵੀ/ਆਰਆਰ/ਪੀਐੱਸ/ਪੀਆਰ