ভারতকী উপ-রাস্ত্রপতিগী ওফিস অসি গৃহ মন্ত্রালয়গী ২২.০৭.২০২৫দা থোকখিবা নোতিফিকেসন নম্বর, এস.ও. ৩৩৫৪ (ই) গী মতুং ইন্না হাংদুনা লৈরি। প্রসিদেন্সিএল অমসুং ভাইস-প্রসিদেন্সিএল ইলেক্সন এক্ত, ১৯৫২গী সেক্সন ৪গী সব-সেক্সন (১) অমসুং সব-সেক্সন (৪) গী প্রোভিজনশিংগী মতুং ইন্না, ভাইস-প্রসিদেন্সিএল ইলেক্সনগী নোতিফিকেসন অসি ফম অসি হাংলবা মতুংদা অথুবদা থোকপা মথৌ তাই।

২.         ভারত সংবিধানগী আর্তিকল ৬৭গী প্রোভিজনশিংগী মতুং ইন্না, ভাইস প্রসিদেন্তনা মহাক্কী ওফিস পায়বা তাংদগী চহি মঙাগী ওইনা থবক তৌগনি। মখা তানা, সংবিধানগী আর্তিকল ৬৮(২) গী প্রোভিজনশীংগী মতুং ইন্না, ভাইস-প্রেসিদেন্টকী ওফিস অমবু হাংদুনা লৈরকপা, লৈখিদ্রবা, রিজাইন তৌখিবা নত্ত্রগা লৌথোকখিবা নত্ত্রগা অতোপ্পা মরম অমা হেক্তগী মতুং ইন্না হাংলবদি মীখল অমা পাঙথোক্কদবনি, অমসুং অহাংবা অদু শোয়দনা মেনশিন্নবা মীখল তৌরবা মীওই অদু, আর্তিকল ৬৭গী প্রোভিজনশীংগী মখা পোন্না, মহাক্না ওফিস অদু পায়বা তাংদগী চহি মঙাগী মতমগী ওইনা ওফিস অদু পায়বা য়াগনি।

৩.         রাস্ত্রপতি অমসুং উপ-রাস্ত্রপতিগী মীখলগী এক্ত, ১৯৫২ অমসুং রাস্ত্রপতি অমসুং উপ-রাস্ত্রপতিগী মীখলগী রুলস, ১৯৭৪গা লোয়ননা সংবিধানগী আর্তিকল ৩২৪না ইলেক্সন কম্মিসন ওফ ইন্দিয়াদা ভারতকী উপ-রাস্ত্রপতিগী ওফিসকী মীখল পাঙথোকপগী সুপরিন্তেন্দেন্স, দাইরেক্সন অমসুং কন্ত্রোল পীরি। ইলেক্সন কম্মিসননা ভাইস-প্রেসিদেন্সিএল ইলেক্সন অসি সংবিধানগী প্রোভিজনশিং অমসুং মরি লৈনবা আইনশিং অমসুং রুলশিংগী মতুং ইন্না পাঙথোক্নবা হোৎনগনি। মসিগী মখা পোন্না, ই.সি.আই.না ঙসি ১৭শুবা ভাইস-প্রসিদেন্ত ইলেক্সনগী মতম লাউথোক্লি।

৪.         ভারতকী সংবিধানগী আর্তিকল ৬গী মতুং ইন্না, ভাইস-প্রেসিদেন্ত অসি পার্লিয়ামেন্তকী হাউস অনিমক্কী মেম্বরশিং য়াওবা ইলেক্তোরেল কোলেজগী মেম্বরশিংনা সিঙ্গল ত্রান্সফরেবল ভোতকী মতেংনা প্রোপরস্নেল রিপ্রজেন্তেসনগী সিস্তেমগী মতুং ইন্না খনগনি। ২০২৫গী ১৭শুবা ভাইস-প্রসিদেন্সিএল ইলেক্সনগীদমক্তা ইলেক্তোরেল কোলেজ অসিদা মখাগীশিং অসি য়াওরি:

i.        রাজ্য সভাগী মীহুৎ ২৩৩ খনখ্রে (হৌজিক্তি সিৎ ৫ হাংদুনা লৈরি),

ii.       রাজ্য সভাগী নোমিনেৎ মেম্বর ১২ অমসুং

iii.       লোক সভাগী মীখলদা মীরেপ ৫৪৩ খনখ্রে (হৌজিক্কী ওইনা সিৎ ০১ হাংদুনা লৈরি) ।

           ইলেক্তোরেল কোলেজ অসিদা পার্লিয়ামেন্তকী হাউস অনিমক্কী মেম্বর ৭৮৮ (হৌজিক্তি, মেম্বর ৭৮২) য়াওরি। ইলেক্তর খুদিংমক পার্লিয়ামেন্তকী হাউস অনিমক্কী মেম্বরশিং ওইবনা, পার্লিয়ামেন্তকী মেম্বর খুদিংমক্কী ভোৎকী ভেল্যু অসি মান্নগনি হায়বদি ১ (অমদি) ।

৫.         কন্সতিত্যুসনগী আর্তিকল ৬৬(১) না ইলেক্সন অদু সিস্তেম ওফ প্রোপরস্নেল রিপ্রজেন্তেসনগী মতুং ইন্না সিঙ্গল ত্রান্সফরেবল ভোৎকী খুত্থাংদা পাংথোক্কনি অমসুং অসিগুম্বা ইলেক্সন অদুদা ভোৎ থাদবা অসি সিক্রেৎ ভোৎকী খুত্থাংদা ওইগনি হায়না লেপ্লি। সিস্তেম অসিদা, ইলেক্তরনা কেন্দিদেৎশিংগী মিংগী মায়োক্তা মহাক্কী অপাম্বশিং মার্ক তৌগদবনি। প্রিফরেন্স অসি ইন্দিয়ন ন্যুমরেলশিংগী ইন্তর্নেস্নেল ফোর্মদা, রোমান ফোর্মদা, নৎত্রগা শকখঙলবা ইন্দিয়ন লোলশিংগী ফোর্মদা মার্ক তৌবা য়াই। প্রিফরেন্স অসি মশীংগী মওংদা খক্তমক মার্ক তৌগদবনি অমসুং ৱাহৈ ওইনা তাকপা য়ারোই। ইলেক্তর অদুনা কেন্দিদেৎ মশীংগী মতুং ইন্না অপাম্বা কয়া অমা মার্ক তৌবা য়াই। অহানবা প্রিফরেন্সকী মার্ক অসি বেলত পেপর অদু চৎনবা য়াহন্নবগীদমক্তা মথৌ তাই, অতোপ্পা প্রিফরেন্সশিংদি ওপস্নেল ওই।

৬.         ভোৎ থাদবগীদমক, কম্মিসন্না অখন্নবা পেনশিং পীগনি। বেলত পেপর অদু পীরকপা মতমদা পীনবা ওফিসিএল অদুনা পোল্লিং ষ্টেসন অদুদা লৈবা ইলেক্তরশিংদা পেন অদু পীগনি। ইলেক্তরশিংনা ভোৎ অদু পেন অমগা লোয়ননা মার্ক তৌগদবনি অমসুং অতোপ্পা পেন য়াদে। অতোপ্পা পেন অমা হেক্তগী খুত্থাংদা ভোৎ থাদবনা ভোৎ মশীং থিবগী মতম অদুদা ইনভেলিদ ওইহল্লগনি।

৭.         ইলেক্সন কম্মিসন্না কেন্দ্র সরকারগা তান্নদুনা রাজ্য সভাগী সেক্রেতরী জেনরেলবু ২০২৫গী জুলাইগী তাং ২৫দা থোকখিবা নোতিফিকেসনগী মতুং ইন্না হৌজিক পাঙথোক্কদৌরিবা ভারতকী উপ-রাস্ত্রপতিগী মীখলগী রিতর্নিং ওফিসর ওইনা খন্নখ্রে। কম্মিসন্না পার্লিয়ামেন্ত হাউস (রাজ্য সভা) দা এসিস্তেন্ত রিতর্নিং ওফিসর অনিসু রিতর্নিং ওফিসর অদুগী মতেং পাংনবা হাপখ্রে।

8.         রাস্ত্রপতি অমসুং উপ-রাস্ত্রপতিগী মীখলগী রুল, ১৯৭৪গী রুল ৮গী মতুং ইন্না মীখলগীদমক্তা মীখল অসি পার্লিয়ামেন্ত হাউসতা পাংথোক্কনি। করিগুম্বা মথৌ তারবদি, পোল্লিং অসি রুম নম্বর এফ-১০১, ভাসুধা, অহানবা লৈমাই, পার্লিয়ামেন্ত হাউস, ন্যু দিল্লীদা পাংথোক্কনি।

৯.         মীখলগী সেদ্যুলগী মতুং ইন্না, কেন্দিদেৎ অমগী নোমিনেসন পেপর অদু রিতর্নিং ওফিসরদা ন্যু দিল্লীদা মহাক্না থোকখিবা পব্লিক নোতিক অমনা স্পেসিফাই তৌবা মফমদা পীগদবনি (প্রেসিদেন্সিএল অমসুং ভাইস-প্রেসিদেন্সিএল ইলেক্সন রুলস, ১৯৭৪দা এনেক্স তৌরিবা ফোর্ম-১দা) অমসুং অতৈ মফমদা পীবা য়াদে। আইন অসিগী মতুং ইন্না, নোমিনেসন (মখাগী ফোর্ম ৩) অসি কেন্দিদেৎ মশামক্না নত্ত্রগা মহাক্কী প্রপোজর নত্ত্রগা সেকেন্দর অমহেক্তনা অয়ুক্কী পুং ১১.০০দগী নুংথিলগী পুং ৩.০০ ফাওবগী মনুংদা ফাইল তৌবা য়াই। নোমিনেসন অসি সরকারগী ছুতী নুমিত্তা ফাইল তৌবা য়াদে। কেন্দিদেৎ অমগী নোমিনেসন পেপর অদু প্রোপোজর ওইনা ইলেক্তর য়ামদ্রবদা ২০ অমসুং সেকেন্দর ওইনা অতোপ্পা ইলেক্তর য়ামদ্রবদা ২০ না সবস্ক্রাইব তৌগদবনি। ইলেক্তর অমত্তনা মীখল অমদা প্রোপোজর অমা নৎত্রগা সেকন্দর অমা ওইনা নোমিনেসন পেপর অমদগী হেন্না সবস্ক্রাইব তৌবা য়াদে অমসুং মসি প্রসিদেন্সিএল অমসুং ভাইস-প্রসিদেন্সিএল ইলেক্সন এক্ত, ১৯৫২গী সেক্সন ৫বি (৫) না গভর্ন তৌরি। কেন্দিদেৎ অমনা নোমিনেসন পেপর মরি য়াম্লগা ফাইল তৌবা য়াই। মীখলগীদমক সেক্যুরিতী দিপোজিৎ অসি লুপা ১৫,০০০/- (লুপা লিশিং তরামঙা) ওইগনি, মসি নোমিনেসন পেপরগা লোয়ননা পীবা মথৌ তাই, নত্ত্রগা রিজর্ব বেঙ্ক ওফ ইন্দিয়া নত্ত্রগা নোমিনেসন ফাইল তৌদ্রিঙৈ মমাংদা মরম অসিগীদমক মরী লৈনবা হেদ ওফ একাউন্তসকী মখাদা গবর্নমেন্ত ত্রেজরী অমদা দিপোজিৎ তৌগদবনি।

১০. প্রসিদেন্সিএল এন্দ ভাইস-প্রসিদেন্সিএল ইলেক্সন্স রুলস, ১৯৭৪ গী রুল ৪০ গী মতুংইন্না, উপ-রাষ্ট্রপতিগী মীখলগীদমক আর্তিকল ৬৬ দা পল্লিবা ইলেক্ত্রোরেল কলেজগী মেম্বরশিংগী লিষ্ট অমা কম্মিসন্না শেমগনি। উপ-রাষ্ট্রপতিগী মীখল ২০২৫ গীদমক কম্মিসন্না শেম্লবা ইলেক্ত্রোরেল কলেজগী মেম্বরশিংগী লিষ্ট অদু নোতিফিকেসন থোকপা নুমিত্তগী কপি অমদা লুপা ১০০ দা ইলেক্সন কম্মিসন ওফ ইন্দিয়াগী কাউন্তরদগী ফংগনি।

১১.   লাম্বা তৌনরিবা মীরেপ অমনা পোল্লিং মফমদা অমসুং ভোৎ মশিং থিফমদা মীহুৎ অমা হাপ্পা য়াগনি। মসিগীদমক মীরেপ অদুনা মহাক্কী মীহুৎ অদু মতম চানা অইবা ওইনা পীশিনগদবনি।

১২. সংবিধানগী মতুংইন্না উপ-রাষ্ট্রপতিগী ওফিসকী মীখল অসি অরোনবা বেল্লোত্ত পাংথোক্কনি। মরম অদুনা, ইলেক্তরশিংনা ভোৎকী অরোনবা ঙাক্কদবনি। মীখল অসিদা ফোংনা ভোৎ থাদবগী ৱাফম লৈতে অমসুং রাষ্ট্রপতি অমসুং উপ-রাষ্ট্রপতিগী মীখলশিংদা কনাগুম্বা অমনা বেল্লোত উৎপা য়াদে। ভোৎ থাদনবগী থবকশিংগী মতাংদা প্রসিদেন্সিএল এন্দ ভাইস-প্রসিদেন্সিএল ইলেক্সন্স রুলস, ১৯৭৪ দা পীরে অমসুং ভোতিং কমপার্তমেন্তদা ভোৎ থাদগনি, ইলেক্তরশিংনা বেল্লোত পেপর থুমজিনগনি অমসুং বেল্লোত বোক্সতা থাদগনি। ভোৎ থাদবগী থবক ঙাক্না চৎত্রবদি প্রেসাইদিং ওফিসারনা বেল্লোত পেপর অদু ককথৎকনি। পেরাগ্রাফ ৬ তা পনখিবা মতুংইন্না, ভোৎ থাদফমদা প্রেসাইদিং ওফিসারনা ইলেক্তরশিংদা পীবা অকক্নবা কলম খক্তনা ভোৎ অদু মার্ক তৌগনি।

১৩. উপ-রাষ্ট্রপতিগী মীখলদা ভোৎ থাদনবগীদমক রাজনিতি দলশিংনা মখোয়গী এম.পিশিংদা হুইপ চৎনবা য়ারোই। প্রসিদেন্সিএল এন্দ ভাইস-প্রসিদেন্সিএল ইলেক্সন্স রুলস, ১৯৫২ গী সেক্সন ১৮ গী মতুংইন্না, শেন পীজবা’ নত্ত্রগা ‘কিহনবা’ অসি ভারতিয়া ন্যয় সমহিতাগী সেক্সন ১৭০ অমসুং ১৭১ দা পনবগী মতুংইন্না, রিতর্ন কেন্দিদেৎ নত্ত্রগা রিতর্ন কেন্দিদেৎকী অয়াবা য়াওরবা মীওই অমা অসি ইলেক্সন পেতিসন অমদা সুপ্রিম কোর্তনা মীখল অদু চৎনদ্রে হায়না লাউথোকপা য়াই।

১৪. মীখল পাংথোক্নবা অমসুং বেল্লোত বোক্স পুথোক-পুশিন্দা অমসুং মরুওইবা মীখলগী মচাকশিং ইলেক্সন কম্মিসন্দগী পর্লিয়ামেন্ত হাওস ফাওবা পুরকপা অমসুং মীখল লোইরবা মতুংদা ইলেক্সন কম্মিসন্দা পুখিবগী থবক্ত এসিষ্টেন্ত রিতর্নিং ওফিসারনশিংনা রিতর্নিং ওফিসারগী মতেং পাংগনি।

১৫. ভোৎ থাদফম অমসুং ভোৎ মশিং থিফমদা ওবজার্বরশিং ওইনা ভারত সরকারগী সেনিয়ার ওফিসারশিং কম্মিসন্না হাপ্লে।

১৬. ভারতকী উপ-রাষ্ট্রপতিগী ওফিসকী মীখল অসি ইন্দাইরেক্ত ইলেক্সন অমা ওইবা মরম্না, বেন্নরশিং, পোষ্টরশিং উৎতুনা ভোৎ খোম্বা লৈতে। কম্মিসন্না মীখল অসিগী মরুওইবা য়েংদুনা, মরী লৈনবা আর.ওশিংদা মহৌশাগী অকোয়বগী ফিবমদা শোকহন্দবা পোৎলমশিং শীজিন্নবা খঙহনখ্রে।

১৭. আর.ওগী মীৎয়েং মখাদা করিগুম্বা দরকার ওইরবদি ভোৎ মশিং থিবগী থবক ন্যু দিল্লিদা পাংথোক্কনি। মশিং থিবা লোইরবা মতুংদা, রিতর্ন ওফ ইলেক্স (প্রসিদেন্সিএল এন্দ ভাইস-প্রসিদেন্সিএল ইলেক্সন্স রুলস, ১৯৭৪ দা য়াওবা ফোর্ম ৭ ) অদু আর.ওনা খুৎয়েক পীগনি অমসুং পীগনি।

১৮. প্রসিদেন্সিএল এন্দ ভাইস-প্রসিদেন্সিএল ইলেক্সন্স রুলস, ১৯৫২ গী সেক্সন(৪)গী সব-সেক্সন(১) গী মতুংইন্না, এন্নেক্সর-১ গী মতুংইন্না ভারতকী উপ-রাষ্ট্রপতি ওফিস পায়নবা মীখলগী থৌরমশিং ইলেক্সন কম্মিসন্না লেপ্লে।

১৯.   ভারতকী উপ-রাষ্ট্রপতিগী হন্দক্কী মীখল অমসুং হৌখিবা উপ-রাষ্ট্রপতি ১৬ গী মীখলশিংগী অকুপ্পা মরোলশিং য়াওবা লাইরিকমচা অদু ই.সি.আইগী ৱেবসাইত্ত ফংগনি। কম্মিসনগী সেল কাউন্তরদগী হায়রিবা লাইরিকমচা অদুগী কপি অদু লুপা ৫০ দা ফংগনি।

***

ভারতকী উপ-রাষ্ট্রপতিগী ওফিসকী মীখল,২০২৫ (১৭শুবা উপ-রাষ্ট্রপতিগী মীখল)

***