नवी दिल्ली, 31 जुलै 2025

दिनांक 1 जुलै ते 30 सप्टेंबर 2025 या कालावधीत राबविण्यात येत असलेल्या देशव्यापी वित्तीय जागरूकता समावेशन संपृक्तता मोहिमेने पहिल्या महिन्यातच महत्त्वाचा टप्पा गाठला आहे. अर्थ मंत्रालयाचा वित्तीय सेवा विभाग सर्व ग्रामपंचायती आणि शहरी स्थानिक संस्थामध्ये व्यापक पोहोच  साध्य करण्याच्या वचनबद्धतेसह हा उपक्रम राबवत आहे, जेणेकरून प्रत्येक पात्र नागरिकाला या परिवर्तनकारी योजनांचे अपेक्षित लाभ घेता येतील.

प्रधानमंत्री जन धन योजना, प्रधानमंत्री जीवन ज्योती विमा योजना, प्रधानमंत्री सुरक्षा बिमा योजना आणि अटल पेन्शन योजना या प्रमुख योजनांचे लाभ सुमारे 2.70 लाख ग्रामपंचायती आणि शहरी स्थानिक संस्थामधील प्रत्येक पात्र नागरिकापर्यंत पोहोचतील हे सुनिश्चित करणे हे यामागील उद्दिष्ट आहे.

पहिल्या महिन्यातच, या शिबिरांनी समुदाय सहभाग, नावनोंदणी, अद्यतने आणि जनजागृती  प्रयत्नांना बळ देत महत्त्वपूर्ण केंद्र म्हणून काम केले आहे. पहिल्या महिन्यात विविध जिल्ह्यांमध्ये एकूण 99,753 शिबिरे आयोजित करण्यात आली आहेत , यापैकी 80,462 शिबिरांचा  प्रगती अहवाल खाली संकलित केला  आहे:

जसजशी ही मोहीम पुढे जात आहे,  ग्रामपंचायती आणि स्थानिक स्वराज्य संस्थांना सहभागी करून समावेशक आणि शाश्वत विकासाच्या व्यापक दृष्टिकोनाला अनुरूप  समुदाय सहभाग वाढवण्यासाठी निरंतर  प्रयत्न केले जातील. आगामी शिबिरांबद्दल लक्ष्यित जाहिराती आणि प्रसिद्धीद्वारे, लोकांना या केंद्रांना भेट देण्यासाठी आणि योजनांचा लाभ घेण्यासाठी प्रोत्साहित केले जात आहे .

अंमलबजावणीच्या प्रत्येक स्तरावर हितधारकांच्या सक्रिय आणि अर्थपूर्ण सहभागाच्या आधारे शेवटच्या टोकापर्यंत बँकिंग आणि वित्तीय सेवांची उपलब्धता सुनिश्चित करण्यासाठी केंद्र  सरकार वचनबद्ध आहे.

सोनाली काकडे/सुषमा काणे/प्रिती मालंडकर

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai