নেস্নেল অর্কাইব্স ওফ ইন্দিয়ানা নাগালেন্দগী হাইয়র এজুকেসন দিপার্তমেন্তকা খুৎশম্নরগা ওগস্ত ৮, ২০২৫ দা ‘দিভেলপমেন্ত ওফ এজুকেসন ইন নোর্থ ইস্তর্ন ইন্দিয়া’ গী মতাঙদা এগজিবিসন অমা পাঙথোক্কদৌরি। নাগালেন্দগী গভর্নর শ্রী লা গনেসন্না নাগালেন্দকী হাইয়র এজুকেসন অমসুং তুরিজম মন্ত্রী শ্রী তেমজেন ইম্না অলোং অমদি কলচর মন্ত্রালয়গী জোইন্ত সেক্রেতরী অমদি দাইরেক্তর জেনেরেল ওফ অর্কাইব্স শ্রী সমর নন্দনা শরুক য়াদুনা ওগস্ত ৮, ২০২৫ দা নাগালেন্দকী কোনুং কোহিমাগী কেপিতেল কনভেন্সন সেন্তরদা এগজিবিসন অসি হৌদোক্কনি।

এগজিবিসন অসিনা লমদম অসিগী ত্রাইবেলগী চৎনবী, লোলগী খেন্নবা, মিস্নরীশিংগী ইথিল, লোইলম লৈঙাক্কী মরা তাহৌবা, অমদি নীংতম্লবা মতুংদা ওইরকপশিংনা শেম্লকপা তোপ তোপ্পা খোঙচৎপু মপুং ফানা উৎকনি।

অৱাং-নোংপোক ভারতকী মহৈ মশিংগী লমদা ওল্লক্লিবশিং অসিদা য়েলহৌ লৌশিং পুক্কৈ অমদি ফোর্মেল ইন্সতিত্যুসনশিংগী অপুনবা শক্তম অমগী মমি তাবগা লোয়ননা, ত্রাইবেলগী চিন্থাংদা লাক্তুনা তম্লকপশিং মতমসিগী ওইবা য়ুনিভর্সিতীদা মরা তারকপগী শক্তম উরি। একজিবিসন অসিনা, মাঙজিল থাবা ইন্সতিত্যুসনশিং লিংখৎলকপা অমদি ইনক্লিজিবিতী অমসুং রিজনেল গ্রোথ পুরক্লিবা মশক থোকপা খুজিল থৌরাংশিং য়াওনা লমদম অসিগী একাদমিক লেন্দস্কেপ্তা ফংবা ঙম্লবা মরুওইবা পন্দোলশিং উৎকদৌরি।

মীয়ামদা ৱাখল তাহনবা হেলহন্নবা, একজিবিসন অসিনা পারী পুরীগী লনশিং অসিবু থীম নাইবা ক্লস্তরশিংদা খায়দোক্তুনা অশেঙবা অর্কাইবকী চে-চাংশিংদা পুক্নিং চিংশিনগদৌরি। মসিগী মনুংদা লৈঙাক্কী ফাইলশিং, মশক নাইবা মীওইশিংগী লনাই চে-চাংশিং, ফোতোগ্রাফ, তাঙনা ফংবা ঙল্লিঙৈ মতমগী খুৎইশিং, অমদি নেস্নেল অর্কাইব্স অমসুং নাগালেন্দ স্তেত অর্কাইব্সতা থম্লিবা ওফিসিএল ওইবা রেকোর্দশিং য়াওরি।

নেস্নেল অর্কাইব্স ওফ ইন্দিয়া অসি কলচর মন্ত্রালয়গী মখাদা লৈবা এতেচ ওফিস অমনি। মসি ১৮৯১ গী মার্চ ১১ দা কোলকতা (কলকতা)দা ইম্পিরিএল রেকোর্দ দিপার্তমেন্ত হায়না লিংখৎখিবনি। ১৯১১ দা কলকতাদগী দিল্লীদা কোনুং হোংলক্লবা মতুংদা হৌজিক লৈরিবা সর ইদ্বিন লুতয়েন্সনা দিজাইন তৌখিবা নেস্নেল অর্কাইব্স ওফ ইন্দিয়াগী বিল্দিং অসি ১৯২৬ তা শাখিবনি। কল্কতাদগী দিল্লীদা রেকোর্দ পুম্নমক ত্রান্সফর তৌরকপা ১৯৩৭ দা লোইশিনখি। নেস্নেল অর্কাইব্স ওফ ইন্দিয়া অসি পব্লিক রেকোর্দ্স এক্ত, ১৯৯৩ অমসুং পব্লিক রেকোর্দ রুল্স, ১৯৯৭ চৎনহন্নবা নোদেল এজেন্সীসু ওইরি।

হৌজিক হৌজিক নেস্নেল অর্কাইব্স ওফ ইন্দিয়াগী রিপোজিতরীশিংদা ফাইল, ভোল্যুম, মেপ, ভারতকী রাস্ত্রপতীনা অয়াবা পীখ্রবা বিলশিং, য়ানচেশিং, তাঙনা ফংবা অরিবা খুৎইশিং, ওরিএন্তেল রেকোর্দ, লনাই চে-চাংশিং, কার্তোগ্রাফিক রেকোর্দ, গেজেত অমসুং গেজেতীয়রশিংগী মরুওইবা খোমজিনবশিং, সেন্সন রেকোর্দ, এসেমব্লী অমদি পার্লিয়ামেন্ত দিবেত, অথিংবা থমখ্রবা লিতরেচর, খোঙচৎকী ৱারীনচিংবা য়াওনা পব্লিক রেকোর্দ লামায় করোর ৩৪.০০ হেন্না লৈ। ওরিএন্তেল রেকোর্দকী য়াম্লবা শরুক অমদি সংস্কৃৎ, পর্সিয়ান, ওরিয়ানচিংবা লোলদা লৈ।

***