ভারত সংবিধানগী আর্তিকল ১৫ (১) অমসুং (২), ১৬(১) অমসুং (২), ২৬, ২৮ অমসুং ২৯(২)না শোত্থহৌরবা কাঙলুপশিং য়াওনা ভারতকী মীওইশিংদা মনীং তম্বা পীরি অমদি মীচঙ মীখায় নাইবদগী ঙাকথোক্লি। মরুওইনা আর্তিকল ৩০(১), ৩০(১এ) অমসুং ৩০(২) না শোত্থহৌরবা কাঙলুপশিং কোনশিল্লি। লৈঙাক্না মাগী সবকা সাথ সবকা বিকাস খুজিল থৌরাংগী মখাদা, কেন্দ্রনা শোত্থহৌরবা কাঙলুপশিংনি হায়না নোতিফাইদ তৌরবা কাঙলুপ তরুক, মুস্লিম, বুদ্ধিস্ত, খৃস্তিয়ন, জৈন, পার্সি অমসুং সিখ, মরুওইনা খুন্নাইগী শেল-থুমগী ফীভম চাদ্রবা অমদি খুদোংচাবা নীংথিনা ফংদ্রবা কাঙলুপশিং য়াওনা খুন্নাইগী থাক খুদিংদা লৈরিবা মীওইশিংগী য়াইফনবা অমদি চাওখৎপা পুরক্নবা তোঙান তোঙানবা স্কীমশিং পায়খৎলি।

স্কীমশিং অসিগী মখাদা ইলিজিবল ওইবা বেনিফিসরী পুম্নমক কোনশিন্নবা লৈঙাক্না মপুং ফাবা লম্বী অমদা চঙশিল্লি। হায়রিবা স্কীমশিং অসিগী মনুংদা খরদি মখোয়বু ইলিজিবল ওইবা বেনিফিসরী পুম্নমক মপুং ফানা কোনশিন্নবা মখোয়না কোনশিল্লিবগী চাং অমসুং পাক চাউবা হেনগৎহন্দুনা নৌনা শেমদোকখ্রে। লৈঙাক্কী সেচুরেসন এপ্রোচকী মখাদা, স্কীম/কম্পোনেন্ত কয়া অমদি মপুং ফানা চৎনহনবা ঙম্লি।

হৌজিক চৎনরিবা স্কীমশিং অসি পায়খৎনবা, ভারত লৈঙাক্না নিতি আয়োগকী দিভেলপমেন্ত মোনিতরিং এন্দ ইভালুএসন ওফিস (DMEO) নচিংবা স্কীম/প্রোগ্রামশিং য়েংশিন্নবা তোঙান তোঙানবা মোনিতরিং মেকানিজম/এজেন্সীশিং থম্লি। DMEO দা ভারত লৈঙাক্কী স্কীম, প্রোগ্রাম অমদি থৌশিলশিং পায়খৎপা অমদি সর্ভিস পীবগী পাক চাউবা হেনগৎহন্নবা ইচঙ থৌনা য়েংশিন্নবা অমদি ইভালুএত তৌনবা থৌদাং শিন্নরি। DMEO, নিতি আয়োগতা শিন্নরিবা আউতপুত-আউতকম মোনিতরিং ফ্রেমৱর্ক (OOMF) অসিনা স্কীমগী পান্দম, নৎত্রগা ফংনবা তাল্লিবা ‘মহৈ’ ফংনবগীদমক ওনবা য়াবা ইন্দিকেতরশিং পীনবা হোৎনরি।

মখা তানা, শরুক য়ারিবা মন্ত্রালয়/দিপার্তমেন্তশিংনা মখোয় মখোয়গী ওইবা স্কীমশিংদা মশাগী ওইবা মোনিতরিং মেকানিজমশিং থম্লি অমদি মখোয়না মখোয় মশাগী স্কীমশিংগী খোঙজেল চাং নাইনা য়েংশিল্লি।

ৱাফম অসি ৱাফম অসি মাইনোরিতী এফ্যার্স অমদি পার্লিয়ামেন্তরী এফ্যার্সকী কেন্দ্র মন্ত্রী শ্রী কিরন রিজিজুনা ঙসি লোক সভাদা অইবা পাউখুম ওইনা পীদুনা ফোঙদোকখিবনি।

***