বিমা সখি য়োজনাগী মতাংদা পল্লদুনা, কেন্দ্রগী রুরেল দিবেলপমেন্ত অমসুং লৌউ-শিংউ অমদি লৌমীশিংগী চাউখৎ থৌরাংগী কেন্দ্রগী মন্ত্রী, শ্রী শিবরাজ সিংহ চৌহাননা হায়খি, “প্রধান মন্ত্রী শ্রী নরেন্দ্র মোদীগী লুচিং মখাদা ঐখোয়না বিমা সখি য়োজনাগী পুৱারী ওইরবা হৌদোকপা অসি পাংথোকপা ঙমখ্রে। স্কিম অসিনা নুপীশিংগী শক্তি লৈহন্নবা অচৌবা খোংথাং অমা ওইবতা নত্তনা ভারতকী খুঙ্গং অমসুং সেমি-অর্বানদা ইকনোমিক সেক্যুরিতী পীনবগী মায়কৈদসু অচৌবা খোংথাং অমনি। কেন্দ্র সরকারনা লৈবাক অসিগী নুপী খুদিংমকপু মশা-মরোমদোম লেপচবা অমসুং শেন্মিৎলোনগী মপাঙ্গল কনখৎহন্নবা হোৎনরি”।

শ্রী চৌহাননা হায়খি মদুদি ভারত সরকারগী 2047 ফাওবদা মীপুম খুদিংমক্তা ইন্সুরেন্স ফংহন্নবা মিসন অসি মপুং ফাহন্নবগীদমক রুরেল দিবেলপমেন্ত মন্ত্রালয়না লাইফ ইন্সুরেন্স কোর্পোরেসন ওফ ইন্দিয়া (LIC) গা মরুওইবা পার্তনরশিপ অমা তৌখ্রে। নেস্নেল রুরেল লাইবলিহুদ মিসনগী ফাইনান্সিএল ইনক্লুজন ইনিসিএতিবকী মখাদা, লৈবাক শিনবা থুংনা সেল্ফ হেল্প গ্রুপ (SHG)দগী ত্রেন তৌরবা নুপীশিংবু গ্রাম পঞ্চায়ৎকী থাক্তা ‘বিমা সখিশিং’ ওইনা এপোইন্ত তৌগনি।

বিমা সখি য়োজনা অসি নুপীশিংগী ওন্তপ্রিন্যুওরশিপ অমসুং ফাইনান্সিএল ইন্দিপেন্দেন্সীগীদমক মপাঙ্গল লৈবা প্লেৎফোর্ম অমনি। মসিনা প্রধান মন্ত্রী মোদীনা থমখিবা 'আত্মনির্ভর ভারত'কী মঙলানবু মপুং ফাহন্নবগীদমক ঐখোয়গী অচেৎপা ফিরেপ অদু উৎলি," হায়না শ্রী চৌহান্না ফোংদোকখি।

স্কিম অসিনা খুঙ্গংগী নুপীশিংবু শেন্মিৎলোনদা মপাঙ্গল কনখৎহন্নবা পান্দম থম্লি হায়না মহাক্না অকনবা ৱাফম থমখি। 'বিমা সখি' ওইদুনা, নুপীশিংনা ওন্তপ্রিন্যুওরশিপ অমসুং ইনকমগী অনৌবা খুদোংচাবশিং ফংহন্দুনা মসিনা SDG 5 (জেন্দর ইক্বেলিতী)গী পান্দমশিং সপ্পোর্ত তৌরি। মহাক্না হায়খি মদুদি ওগস্ত 15 ফাওবগী মনুংদা লৈবাক অসিদা লাখপতি দিদিগী মশিং অসি ভারত শিনবা থুংনা করোর 2 (মিলিয়ন 20) য়ৌরগনি।

মন্ত্রীনা হায়খি মদুদি 'বিমা সখি' স্কিমনা থবক পীরগনি অমসুং নুপীশিংগী ৱার্কফোর্সনা শরুক য়াবগা লোয়ননা শহর অমসুং খুঙ্গং অনিমক্তা থবক ফংহনবদা অনৌবা পন্দুপ অমা হাপচিল্লি। ইনক্লুসিব ইন্সুরেন্স ইকোসিস্তেম অসিগী মনুংদা, বিমা সখিশিংনা ইন্সুরেন্স স্কিমশিংদা এক্সেস হেনগৎহনবতা নত্তনা লাস্ত মাইল ফাওবদা ত্রস্ত-বেক সর্ভিসশিংসু পীরি।

মহাক্না মখা তারদুনা হায়খি মদুদি খোংথাং অসি সরকারগী মরুওইবা প্রাইওরিতীশিংগা চুনৈ অমসুং জন-ধন সে জন সুরক্ষা, দিজিতেল ইন্দিয়া অমসুং নুপীশিংগী স্কিল দিবেলপমেন্ত অসিনচিংবা স্কিমশিংবু মপাঙ্গল কনখৎহল্লি। দিজাস্তর ঙাকথোকপদা মতেং পাংদুনা, স্কিম অসিনা খুঙ্গংগী ইমুংশিংদা দিজাস্তরনা শোকহল্লবা মফমশিংদা শেলগী ওইবা ঙাক্লৌ অমা ওইনা থবক তৌগনি।

“বিমা সখিশিং অসি ইন্সুরেন্স এজেন্তশিং খক্তা নত্তে, খুন্নাইগী অহোংবা পুরক্নবা হোৎনরিবা মীশকশিংনি। মখোয়না খুঙ্গং খুদিংমক্তা ফাইনান্সিএল সেক্যুরিতীগী মৈরা অদু পুদুনা চৎলি। মসিগী মহৈ ওইনা খুঙ্গংশিং অসি শেল-থুমগী মপাঙ্গল কনখৎহল্লি অমসুং নুপীশিংনা হেন্না মশা-মরোমদোম লেপচবা ঙমহল্লি” হায়না শ্রী চৌহান্না ফোংদোকখি।

লোইশিল্লকপদা, মহাক্না রাজ্য পুম্নমক্তা অমসুং পার্তনর ওর্গনাইজেসন পুম্নমক্তা মীয়ামগী খোংজং অসিদা শরুক য়ানবা অমসুং খুঙ্গং খুদিংমক্তা অমসুং য়ুমথোং খুদিংমক্তা "বিমা সখি য়োজনা" য়ৌহনবদা মতেং পাংনবা হায়খি।

“‘বিমা সখি য়োজনা অসি অহোংবা পুরক্নবা খোংথাং অমনি। মসিগী মতেংগা লোয়ননা, ঐখোয়না রেসিলিয়েন্ত, ইনক্লুসিব অমসুং ইন্সুর্দ ইন্দিয়া অমা শেমগৎপদা মপাঙ্গল কনবা কন্ত্রিব্যুসন অমা পীগনি। মসিগী খোংথাং অসিনা ঐখোয়গী খুঙ্গংগী ইমা অমসুং ইচে-ইচলশিংগী ইকনোমিক সেক্যুরিতী অমসুং অপুনবা চাউখৎপদা অনৌবা থৌনা পীগনি,” হায়না কেন্দ্রগী মন্ত্রীনা ফোংদোকখি।

*****