وزارت صحت اور خاندانی بہبود نے ملک بھر میں 30 سال اور اس سے زیادہ عمر کی 10.18 کروڑ سے زیادہ خواتین کی سروائیکل کینسر کے لئے اسکریننگ کے ساتھ خواتین کی صحت میں ایک اہم سنگ میل حاصل کیا ہے ۔  یہ کامیابی آیوشمان آروگیہ مندروں (اے اے ایم) کے ذریعے قومی صحت مشن (این ایچ ایم) کے تحت نافذ کیے جانے والے غیر متعدی امراض (این سی ڈی) کی جانچ ، روک تھام اور انتظام کے لیے آبادی پر مبنی پہل کا حصہ ہے۔

اس پہل میں 30 سے 65 سال کی عمر کی خواتین کا احاطہ کیا گیا ہے، جس میں بنیادی طور پر تربیت یافتہ صحت کارکنوں کے ذریعے اے اے ایم کے تحت ذیلی صحت مراکز اور ابتدائی صحت مراکز میں ایسیٹک ایسڈ (وی آئی اے) کے ساتھ ویزوئل انسپیکشن کا استعمال کرتے ہوئے اسکریننگ کی جاتی ہے۔  وی آئی اے مثبت معاملات کو مزید تشخیصی تشخیص کے لیے اعلی مراکز میں بھیجا جاتا ہے۔

نچلی سطح پر، تسلیم شدہ سماجی صحت کارکنان (آشا) خطرے میں مبتلا افراد کی شناخت کرنے اور اے اے ایم میں باقاعدگی سے صحت کی جانچ اور اسکریننگ میں ان کی شرکت کو آسان بنانے کے لیے کمیونٹی بیسڈ اسسمنٹ چیک لسٹ (سی بی اے سی) فارموں کا استعمال کرکے اہم کردار ادا کرتی ہیں۔  آشا کارکنان جلد تشخیص اور صحت مند طرز زندگی کو اپنانے کی اہمیت کے بارے میں بیداری پیدا کرنے میں بھی مدد کرتی ہیں۔

کمیونٹی کی سطح پر تندرستی کی سرگرمیوں اور ٹارگیٹیڈ مواصلاتی مہمات کا فروغ کینسر پر قابو پانے کے حفاظتی پہلو کی مزید حمایت کرتا ہے۔  کینسر سے آگاہی کا قومی دن اور کینسر کا عالمی دن جیسی تقریبات باقاعدگی سے منائی جاتی ہیں۔  مزید برآں، پرنٹ، الیکٹرانک اور سوشل میڈیا پلیٹ فارم کا استعمال سروائیکل کینسر سمیت این سی ڈی پر مسلسل عوامی رابطے کو یقینی بناتا ہے۔

این ایچ ایم کے تحت ریاستوں اور مرکز کے زیر انتظام علاقوں کو ان کے پروگرام کے نفاذ کے منصوبوں (پی آئی پیز) کے مطابق بیداری پیدا کرنے کی سرگرمیوں کے لیے مخصوص فنڈز فراہم کیے جاتے ہیں۔

وزارت نے 30 سال اور اس سے زیادہ عمر کے افراد کے لیے اسکریننگ کی کوششوں کو تیز کرنے کی خاطر 20 فروری سے 31 مارچ 2025 تک ایک مقررہ وقت پر این سی ڈی اسکریننگ مہم بھی شروع کی تھی۔  اس مہم کی کامیابی نے موجودہ کامیابی میں اہم کردار ادا کیا ہے۔

20 جولائی 2025 تک، نیشنل این سی ڈی پورٹل کے اعداد و شمار سے پتہ چلتا ہے کہ 30 سال اور اس سے زیادہ عمر کی 25.42 کروڑ خواتین کی اہل آبادی میں سے 10.18 کروڑ خواتین کی سروائیکل کینسر کے لیے اسکریننگ کی گئی ہے-جو آیوشمان آروگیہ مندروں کے ذریعے جامع اور احتیاطی صحت کی دیکھ بھال کی فراہمی کے لیے حکومت کے مضبوط عزم کی عکاسی کرتی ہے۔

صحت اور خاندانی بہبود کے مرکزی وزیر مملکت جناب پرتاپ راؤ جادھو نے جمعہ کو لوک سبھا میں ایک تحریری جواب میں یہ بات بتائی۔

******

ش ح۔ ف ا۔ م ر

U-NO. 3375