آبی وسائل، دریا کی ترقی اور گنگا کی بحالی کے محکمے کی رپورٹ کے مطابق، پردھان منتری کرشی سنچائی یوجنا (پی ایم کے ایس وائی) سال 2016-2015 کے دوران شروع کی گئی تھی، جس کا مقصد کھیتوں تک پانی کی رسائی کو بڑھانا اور یقینی آبپاشی کے تحت قابل کاشت رقبہ کو بڑھانا، کھیتوں کے پانی کے استعمال کی کارکردگی کو بہتر بنانا، پانی کے استعمال کے قابل عمل کارکردگی کو بہتر بنانا، وغیرہ ہے۔

پی ایم کے ایس وائی ایک وسیع اسکیم ہے، جس میں دو بڑے اجزاء شامل ہیں، ایکسلریٹڈ ایریگیشن بینیفٹ پروگرام (اے آئی بی پی) اور ہر کھیت کو پانی (ایچ کے کے پی)۔ ایچ کے کے  پی میں  چار ذیلی اجزاء شامل ہیں:کمانڈ ایریا ڈویلپمنٹ اینڈ واٹر مینجمنٹ (سی اے ڈی اینڈ ڈبلیو ایم)، سطح کی معمولی آبپاشی (ایس ایم آئی)، آبی ذخائر کی مرمت، تزئین و آرائش اور بحالی (آر آر آر)، اور زمینی پانی (جی ڈبلیو) کی ترقی۔ ایچ کے کے پی کے سی اے ڈی اور ڈبلیو ایم ذیلی جزو کو اے آئی بی پی کے ساتھ یکساں طو رپرنافذ کیا جا رہا ہے۔

حکومت ہند کی طرف سےدسمبر 2021 میں 2021-22 سے 2026-2025 تک کی  مدت کے لئے پی ایم کے ایس وائی کے نفاذ کو منظوری دے دی گئی ہے۔ تاہم، پی ایم کے ایس وائی-ایچ کے کے پی، کے تحت زمینی پانی کے جزو کی منظوری عارضی طور پر صرف کمٹڈ ذمہ داریوں کے لیے 2022-2021 تک دی گئی ہے، جس میں جاری ذیلی کاموں کی تکمیل تک توسیع کی گئی ہے۔

اس کے علاوہ، پی ایم کے ایس وائی دو اجزاء پر مشتمل ہے، جو دوسری وزارتوں کے ذریعے نافذ کیا جاتا ہے۔ پی ایم کے ایس وائی کے واٹرشیڈ ڈیولپمنٹ جزو (ڈبلیو ڈی سی) کو دیہی ترقی کی وزارت کے زمینی وسائل کے محکمے کے ذریعے لاگو کیا جا رہا ہے۔ فی ڈراپ مور کراپ (پی ڈی ایم سی) جزو، جو محکمہ زراعت اور کسانوں کی بہبود کے ذریعہ نافذ کیا گیا ہے، 2015 میں پی ایم کے ایس وائی کے آغاز سے لے کر دسمبر، 2021 تک پی ایم کے ایس وائی کا ایک حصہ تھا۔ اس کے بعد، اسے محکمہ زراعت، اور کسانوں کی بہبود کے ذریعہ راشٹریہ کرشی وکاس یوجنا کے ایک حصے کے طور پر نافذ کیا جا رہا ہے۔

آبپاشی کے منصوبوں کے نفاذ میں زمین کا حصول ایک بڑی رکاوٹ ہے۔ زیر زمین پائپ لائنوں کے ذریعے تقریباً 55,290 کلومیٹر طویل ڈسٹری بیوشن نیٹ ورک کی تعمیر نے تقریباً 76,594 ہیکٹر اراضی کے حصول سے بچا جا سکا ہے۔ ایس سی اے ڈی اے پر مبنی پانی کی تقسیم اور پی ایم کے ایس وائی کے کچھ پروجیکٹوں میں مائیکرو اریگیشن نے پانی کے استعمال کی کارکردگی کو بہتر بنایا ہے۔ ایک وقف شدہ ڈیش بورڈ اور مینجمنٹ انفارمیشن سسٹم کے ذریعے پراجیکٹس کی فزیکل اور مالیاتی پیش رفت کی نگرانی سے پروجیکٹ کی پیش رفت اور رکاوٹوں کو قریب قریب حقیقی وقت پر مانیٹر کرنے میں مدد ملی ہے۔ اس کے علاوہ، پی ڈی ایم سی کے تحت مائیکرو اریگیشن کو فروغ دیا جاتا ہے۔

پروجیکٹ مانیٹرنگ گروپ (پی ایم جی) پورٹل کے ذریعے پروجیکٹس کے تحت مسائل کی نگرانی کی جاتی ہے، جس میں پروجیکٹ کی جلد تکمیل کے لیے مسائل اور رکاوٹوں جیسے کہ زمین کا حصول، قانونی منظوری کی ضروریات وغیرہ پر باقاعدگی سے تبادلہ خیال کیا جاتا ہے اور ان کو حل کیا جاتا ہے۔

یہ معلومات ریاستی وزیر برائے جل شکتی جناب  وی سومنّا نے آج لوک سبھا میں ایک سوال کے تحریری جواب میں فراہم کی۔

***

ش ح۔ ک ا۔ ع ر

U.NO.3192