Ka Tnad Development of North Eastern Region (MDoNER) ka la pynlong ia ka Rising Northeast Investors Summit 2025 ban kyntiew ia ka khaii pateng bad ka jingbei tyngka ha ka thain shatei lammihngi. Baroh, ha ka Summit bad ki roadshow jong ka shuwa ka jingïalang ki la sakhi ia ka jingthmu ban bei tyngka kaba T.4.48 lak klur lyngba ka Memoranda of  Understanding (MoU), ki Letter of Intent, bad ki nongïalam ba tbit na ki nongbei tyngka shimet, ki public‑sector undertaking, bad ki karkhana ba heh. Ki Sorkar Jylla ki iatreilang bad baroh ki nongbei tyngka na ka bynta ban pynskhem ia kine ki MoU.

Ka bording bad ka jingpynkhreh marbam bad kiwei kiwei ki kam ba iadei bad kane kilong napdeng kiwei kiba la khring bun eh ki jingtyrwa ban bei tyngka ha kane ka Summit:

Ka Sorkar India ka pyntreikam ia ka skhim Uttar Poorva Transformative Industrialization (UNNATI) na ka bynta ban pynkhlain ia ka jinglong jingman ki kam karkhana bad ban khring ia ki nongbei tyngka ba thymmai na ka bynta ban pynmih ki lad ioh kam ha ka thain shatei lammihngi. Ki jingai jingmyntoi ba la ai hapoh ka skhim UNNATI ki long (i) Capital Investment Incentive; (ii) Central Capital Interest Subvention Incentive; bad (iii) Manufacturing & Services Linked Incentive. Shuh shuh, ki Sorkar Jylla ki dang shim ruh ia ki sienjam bapher bapher ban pynsuk ia ka jingbei tyngka, kiba nalor kiwei pat, ki kynthup ia ka single window clearance, ka jingthaw ia ka tnad ban kyntiew ia ka jingbei tyngka, ka jingthaw ia ki land bank, ki jingai jingmyntoi na ka bynta ki jingbei tyngka bad kiwei kiwei. Ka Tnad DoNER ka dang ïatreilang ruh bad ki Jylla bad kiwei kiwei ki Nongshim bynta na ka bynta ban pynshong nongrim bha ïa kine ki Jingtyrwa Bei tyngka.

Ki Sorkar Jylla ki kyntiew ia ka jingpdiang ia ki teknoloji kiba duna ka jingpynmih carbon bad ki rukom treikam kiba pynneh pynsah ia ka mariang ban kot sha ka jingkiew ka ioh ka kot katba dang pynneh pynsah ia ka jinglong jingman jong ka mariang ha ka thain shatei lammihngi kaba niewkor ia ka mariang. La phaikhmat kyrpang sha ki projek ki bym wanrah ia ki jingktah kiba shyrkhei bad la khein ia ki kum ki karkhana kiba khuid, kiba wanrah ia ka jingktah kaba duna ia ka mariang ha ka thain.

Ïa kane ka jingtip la ai da u Myntri Khynnah ka Tnad Development of North Eastern Region Dr. Sukanta Majumdar ha ka jubab ba shu thoh ïa ka jingkylli ha Lok Sabha mynta ka sngi.

*****