Ka Tnad Development of North Eastern Region ka pyntreikam ia kine ki skhim harum:

(i) Ka skhim PM-DevINE: Ia ka Prime Minister’s Development Initiative for North Eastern Region (PM-DevINE), la pynbna kum ka skhim thymmai jong ka Sorkar Pdeng, ha ka Mang Tyngka jong ka sorkar pdeng 2022-23 ryngkat bad ka thup ba nyngkong jong ki hynniew tylli ki projek bad ka jingmang pisa ba nyngkong kaba long T. 1500 klur. Kane ka skhim ka don ka jingpynlut kaba T.6,600 klur na ka bynta ka samoi saw snem naduh u snem 2022-23 haduh 2025-26. Ki jingthmu jong ka skhim PM-DevINE ki long ban: (i) bei tyngka pura ia ki jingdon jingem, ha ka jingngeit jong ka PM GatiShakti; (ii) kyrshan ia ki projek pynroi ha ka imlang sahlang katkum ki jingdonkam jong ka thain shatei lammihngi; (iii) iarap ia ki kam ba iadei bad ka kamai kajih na ka bynta ki samla bad ki kynthei; bad (iv) pyndap ia ki jingduna ha ka roi ka par ha ki bynta bapher bapher.

(ii) Ka North East Special Infrastructure Development Scheme (NESIDS) – Roads: Ka dei ka skhim jong ka Sorkar Pdeng kaba la mynjur ha u snem 2017-18 bad la pynjlan haduh kaba kut jong ka 15th Finance Commission kata ka 31.03.2026 ban ai jingiarap pisa kyrpang ha ka jingshna ia ki surok ki bym shym la shah kynthup hapoh kino kino ki tnad treikam jong ka sorkar kata ka Tnad Road Transport and Highways, D/o Rural Development, Border Roads Organisation bad kiwei kiwei hynrei ki long kiba donkam ban (i) pynbiang ia ki lad ka leit ka wan sha ki jaka ba jngai (ii) ban pynbiang ka jingdon jong ki iew ki hat bad (iii) na ka liang ka jingshngain. Tang ia ki projek kiba ialam sha ka jingthaw ia ki jingtei ha ki surok/ ki jingkieng bad kiwei kiwei ki jingdon jingem la pyrkhat ban sanction hapoh kane ka skhim.

(iii) Ka North East Special Infrastructure Development Scheme (NESIDS) – OTRI : Ka dei ka skhim jong ka Sorkar Pdeng, kaba la mynjur ha u snem 2017-18 bad la pynjlan haduh ka 15th Finance Commission kata ka 31.03.2026 Ka bynta jong ka NESIDS (OTRI) ka kynthup ia ki projek ba la mynjur (hynrei bym pat pyndep) hapoh ki skhim ba mynshuwa jong ka kata ka.

(a) Non- Lapsable Central Pool of Resources (NLCPR)

(b) Hill Area Development Programme (HADP)

Hapoh kane ka skhim, ki projek kiba ialam sha ka jingshna ia ki jingdon jingem ha ki kam ai jingsumar, ki jaka ai jingpule ia ki khynnah ba dang rit, ka jingpynbiang um, ka jingpynkhuid ia ki jaboh jabaiñ, ka jingkyntiew ia ki karkhana, ki kam liengsuin, ki kam ialehkai, ki kam telecom bad kiwei kiwei, kiba ka jingheh jong ka projek ka long hapdeng T.5 klur haduh T.50 klur, la pyrkhat na ka bynta ka jingai jingmynjur:

(iv) Ki Skhim jong ka North Eastern Council: Ka jingpynjlan ia ka Skhim naduh 01.04.2022 haduh 31.03.2026 la mynjur ban pyntreikam ha ka 15^th Finance Commission (2022-23 haduh 2025-26) khlem kano kano ka jingkylla ha ka jingiar jong ka kam, da ka jingthmu kaba iar ban kyrshan ïa ka roi ka par ha ki kam ba la ithuh kiba kham kongsan na ka bynta ki Jylla ka thaiñ Shatei Lammihngi. Kane ka Scheme ka kynthup ia baroh phra tylli ki jylla ka thain shatei lammihngi. Ka rukom jied, ai jingmynjur bad jingpeit bniah ia ki Projek hapoh ka Scheme la pyniaid da ka Tnad DoNER/NEC, ha ka jingiamir jingmut bad ki Sorkar Jylla kiba iadei kam. Ia ka jingpynkhreh bad jingpyntreikam la shim lyngba ki tnad pyntreikam jong ki sorkar jylla ka thain shatei lammihngi/ tnad sorkar pdeng. Katto katne na ki bynta ba la buh jingmut jong ki projek ba la mynjur hapoh ka Scheme jong ka NEC ki long ka kam ba iadei bad ki siej, ka kam ri sniang, ka kam jngohkai pyrthei ha ki thain, ka jingpule ba kham shalor, ki jaka ai jingsumar kiba kham heh, ka kam kamai jakpoh bad kiwei kiwei.

Ïa kane ka jingtip la ai da u Myntri Khynnah ka Tnad Development of North Eastern Region Dr. Sukanta Majumdar ha ka jubab ba shu thoh ia ka jingkylli ha Lok Sabha mynta ka sngi.

*****