অৱাং নোংপোক লমদমগী চাউখৎ-থৌরাং মন্ত্রালয়না পীরিবা স্কিমশিং অসি ইমপ্লিমেন্ত তৌরি:

(i) PM-DevINE স্কিম: প্রাইম মিনিস্তর্স দিবেলপমেন্ত ইনিসিএতিব ফোর নোর্ট ইস্তর্ন রিজন (PM-DevINE) অসি অনৌবা সেন্ত্রেল সেক্তর স্কিম অমা ওইনা 2022-23গী য়ুনিয়ন বজেৎতা প্রোজেক্ত তরেৎকী অহানবা লিস্ত অমসুং লুপা করোর 1500গী অহানবা এলোকেসনগা লোয়ননা লাউথোকখি। স্কিম অসিগী লুপা করোর 6,600গী আউৎলে অসি 2022-23দগী 2025-26 ফাওবগী চহি মরিগী মতমগী ওইনা লৈগনি। PM-DevINE স্কিম অসিগী পান্দমদি: (i) পি.এম. গতিশক্তিগী ৱাখল্লোনগী মতুং ইন্না ইনফ্রাস্ত্রকচরদা মতেং পীনবা; (ii) NERগী মথৌ তাবশিংদা য়ুম্ফম ওইদুনা সোসিএল দিবেলপমেন্ত প্রোজেক্তশিংদা মতেং পীনবা; (iii) নহাশিং অমসুং নুপীশিংগী হিংনবা লম্বীগী থবকশিং পীবা ঙমহনবা; অমসুং (iv) তোঙান তোঙানবা সেক্তরশিংদা লৈরিবা দিবেলপমেন্ত গেপশিং মেনখৎপা অসিনি।

(ii) নোর্থ ইস্ত স্পেসিএল ইনফ্রাস্ত্রকচর দিবেলপমেন্ত স্কিম (NESIDS) – রোদস: মসি সেন্ত্রেল সেক্তর স্কিম অমনি অমসুং মসি 2017-18গী মনুংদা অয়াবা পীখি অমসুং অতোপ্পা দিপার্তমেন্ত হায়বদি রোদ ত্রান্সপোর্ত অমসুং হাইৱেজ মন্ত্রালয়, দি/ও রুরেল দিবেলপমেন্ত, বোর্দর রোদস ওর্গনাইজেসন অসিনচিংবগী মখাদা কোনশিন্দ্রিবা অদুবু (i) মনুং হঞ্জিনবা মফমশিংদা চৎপা ঙমহন্নবা, (ii) কৈথেলশিংদা এক্সেস ফংবা ঙমহন্নবা অমসুং (iii) সেক্যুরিতীগী মীৎয়েংদগী মরু ওইবা লম্বীশিং শাবদা অখন্নবা গেপ ফন্দিং পীনবা15শুবা ফাইনান্স কম্মিসনগী অরোইবা হায়ববদি 31.03.2026 ফাওবা শাংদোকখি। লম্বীশিং/থোংশিং অমসুং ওজিলয়রী ইনফ্রাস্ত্রকচরদা ফিজিকেল এসেতশিং শেম্বদা য়ুম্ফম ওইবা প্রোজেক্তশিং খক্তমক স্কিম অসিগী মখাদা সেঙ্কসন পীনবা খন্নরি।

(iii) নোর্থ ইস্ত স্পেসিএল ইনফ্রাস্ত্রকচর দিবেলপমেন্ত স্কিম (NESIDS) – OTRI : মসি সেন্ত্রেল সেক্তর স্কিম অমনি, মসি 2017-18গী মনুংদা অয়াবা পীখি অমসুং 15শুবা ফাইনান্স কম্মিসন হায়বদি 2020-2021 ফাওবা শাংদোকখি। NESIDS (OTRI) কম্পোনেন্তনা মাগী মমাংগী স্কিমশিংগী মখাদা সেঙ্কসন তৌরবা (অদুবু হৌজিক ফাওবা লোইশিন্দ্রিবা) প্রোজেক্তশিংবু মখা চত্থরি হায়য়দি

(a) নন-লেপসেবল সেন্ত্রেল পুল ওফ রিসোর্সেস (NLCPR)

(b) হিল এরিয়া দিবেলপমেন্ত প্রোগ্রাম (HADP)

স্কিম অসিগী মখাদা প্রাইমরী অমসুং সেকেন্দরী হেল্থকেয়র, প্রাইমরী অমসুং সেকেন্দরী এজুকেসন, ঈশিং সপ্লাই, সোলিদ ৱেস্ত মেনেজমেন্ত, ইন্দস্ত্রীএল দিবেলপমেন্ত, সিভিল এভিএসন, স্পোর্তস, তেলিকোম অসিনচিংবগী ইনফ্রাস্ত্রকচর শেমগৎনবা প্রোজেক্তশিং, লোয়ননা প্রোজেক্তকী সাইজ লুপা করোর 5দগী লুপা করোর 50 ফাওবগী মনুংদা লৈবা প্রোজেক্তশিং অয়াবা পীনবা খন্নরি।

(iv) নোর্থ ইস্তর্ন কাউন্সিলগী স্কিমশিং : স্কিম অসি অৱাং-নোংপোক্কী রাজ্যশিংদা মরুওইবা সেক্তরশিংদা মপুং ফানা চাউখৎপা ঙম্নবা পান্দম থমদুনা, 15শুবা ফাইনান্স কম্মিসন (2022-23দগী 2025-26) গী মনুংদা থবক পায়খৎনবা 01.04.2022দগী 31.03.2026 ফাওবগী শাংদোক্নবা অয়াবা পীখি। স্কিম অসিনা অৱাং-নোংপোক লমদমগী রাজ্য 8 অসি কোনশিল্লি। স্কিম অসিগী মখাদা প্রোজেক্তশিং খনগৎপা, অয়াবা পীবা অমসুং য়েংশিনবগী থৌওং অসি মরী লৈনবা রাজ্য সরকারশিংগা তান্নদুনা MDoNER/NECনা থবক পাংথোকই। প্লান্নিং অমসুং ইমপ্লিমেন্তেসন অসি মরি লৈনবা অৱাং নোংপোক রাজ্য সরকার/ সেন্ত্রেল এজেন্সীশিংগী ইমপ্লিমেন্তিং এজেন্সীশিংগী খুত্থাংদা পায়খৎলি। NECগী স্কিমগী মখাদা অয়াবা পীরবা প্রোজেক্তশিং অসিগী ফোকস এরিয়া খরদি বেম্বু, পিগেরী, রিজনেল তুরিজম, হায়র এজুকেসন, তর্সিয়রী হেল্থকেয়র, লাইবলিহুদ অসিনি।

মসিগী পাউ অসি অৱাং নোংপোক লমদমগী চাউখৎ-থৌরাং মন্ত্রালয়গী রাজ্য মন্ত্রী দা. সুকান্তা মজুমদারনা ঙসি লোক সভাদা হংলকপা ৱাহং অমগী অইবা পাউখুম ওইনা পীখিবনি।

*****