امور داخلہ کی وزارت
بھارت اور نیپال نے نئی دلّی میں داخلہ سکریٹری سطح کی بات چیت کی
Posted On:
23 JUL 2025 5:40PM by PIB Delhi
بھارت اور نیپال کے درمیان داخلہ سکریٹری سطح کی بات چیت 22 جولائی ، 2025 ءکو نئی دلّی میں ہوئی ۔ بھارتی وفد کی قیادت حکومت ہند کے داخلہ سکریٹری جناب گووند موہن نے کی اور نیپال کے وفد کی قیادت حکومت ِنیپال کے داخلہ سکریٹری جناب گوکرنا منی دوادی نے کی ۔
بات چیت کے دوران ، دونوں فریقوں نے باہمی سلامتی میں اشتراک کے ساتھ ساتھ سرحدی بندوبست کے تمام پہلوؤں کا جائزہ لیا اور اسے مزید مستحکم کرنے پر اتفاق کیا ۔ ان کی بات چیت میں سرحدی ستونوں کی رکھ رکھاؤ اور دیکھ بھال ، سرحد پار مجرمانہ سرگرمیاں ، بارڈر ڈسٹرکٹ کوآرڈینیشن کمیٹیوں کے کام کاج ، سرحدی بنیادی ڈھانچے کو خاص طور پر آئی سی پیز ، سڑکوں اور ریلوے نیٹ ورک کو مضبوط بنانا ، سلامتی سے متعلق مختلف اداروں کو بااختیار بنانا اور صلاحیت سازی اور آفات سے متعلق خطرے میں کمی اور انتظام میں تعاون کو مستحکم کرنے کے طریقے شامل تھے ۔ انہوں نے مجرمانہ معاملات میں باہمی قانونی مدد سے متعلق معاہدے کے متن کو حتمی شکل دینے کا خیرمقدم کیا اور نظر ثانی شدہ حوالگی معاہدے کو جلد مکمل کرنے کی خاطر کام کرنے پر اتفاق کیا ۔
اس بات پر اتفاق کیا گیا کہ داخلہ سکریٹری کی سطح کی اگلی بات چیت نیپال میں باہمی طور پر قابل قبول تاریخ پر ہوگی ۔
.................. . ............................................. . ......................
( ش ح ۔ ا ع خ ۔ ع ا )
U. No. 3123
(Release ID: 2147453)