અનુસૂચિત જાતિના વિદ્યાર્થીઓ માટે પોસ્ટ મેટ્રિક શિષ્યવૃત્તિ (PMS) અને ઉચ્ચ-વર્ગ શિક્ષણ યોજનાઓ દ્વારા આપવામાં આવતી નાણાકીય સહાય અને શિષ્યવૃત્તિએ દેશની શૈક્ષણિક સંસ્થાઓ/કોલેજોમાં ઉચ્ચ શિક્ષણ મેળવવા માટે અનુસૂચિત જાતિના વિદ્યાર્થીઓના શૈક્ષણિક ધોરણને વધારવામાં ફાળો આપ્યો છે.

તેનાથી માત્ર નાણાકીય બોજ ઘટાડવામાં મદદ મળી નથી પરંતુ અનુસૂચિત જાતિના વિદ્યાર્થીઓ ગુણવત્તાયુક્ત શિક્ષણ મેળવવામાં પણ સક્ષમ બન્યા છે. શૈક્ષણિક તકોમાં સુધારો કરીને, યોજનાઓએ વધુ સામાજિક-આર્થિક ગતિશીલતાને પ્રોત્સાહન આપ્યું છે, કારકિર્દીની સંભાવનાઓ વધારી છે અને SC સમુદાયોમાં આર્થિક અને સામાજિક પછાતપણું બંનેને દૂર કર્યા છે.

છેલ્લા પાંચ વર્ષમાં, અનુક્રમે 2,22,31,139 અને 20,340 SC વિદ્યાર્થીઓએ પોસ્ટ મેટ્રિક શિષ્યવૃત્તિ યોજના અને ઉચ્ચ-વર્ગ શિક્ષણ યોજના હેઠળ લાભ મેળવ્યો છે.

આ યોજનાઓ હેઠળ અનુસૂચિત જાતિના વિદ્યાર્થીઓ IIT, IIM, IIIT, AIIMS, NIT, NIFT, NID, IHM, NLU વગેરે સહિત કોલેજો, યુનિવર્સિટીઓ અને સંસ્થાઓમાં ઉચ્ચ શિક્ષણ મેળવે છે અને તેમના સંબંધિત ક્ષેત્રોમાં નોંધપાત્ર સફળતા પ્રાપ્ત કરી છે.

આ માહિતી કેન્દ્રીય સામાજિક ન્યાય અને સશક્તીકરણ રાજ્ય મંત્રી શ્રી રામદાસ આઠવલેએ આજે રાજ્યસભામાં એક પ્રશ્નના લેખિત જવાબમાં આપી હતી.

AP/IJ/GP/JD