প্রধান মন্ত্রী শ্রী নরেন্দ্র মোদীনা জুলাই ১৮ দা বিহার অমদি ৱেস্ত বেঙ্গলদা চৎকনি। মহাক্না অয়ুক পুং ১১:৩০ রোম তারকপদা বিহারগী মোতিহারি লুপা করোর ৭,২০০ হেনবগী প্রোজেক্ত কয়া উরেপ উয়ুং তমগনি, শঙ্গাগনি অমদি লৈবাক্কী মফমদা কত্থোক্কনি। মহাক্না মীয়াম তিনবা থৌরম অমদসু ৱা ঙাংগনি।

মতুগী তুংদা, মহাক্না ৱেস্ত বেঙ্গল চত্তুনা নুংথিল পুং ৩ লোম তারকপদা দুর্গাপুরদা লুপা করোর ৫০০০ হেনবগী প্রোজেক্ত কয়া উরেপ উয়ুং তমগনি, শঙ্গাগনি অমদি লৈবাক্কী মফমদা কত্থোক্কনি।

বিহারদা প্রধান মন্ত্রী

প্রধান মন্ত্রীনা রেল, লম্বী, খুঙ্গং চাওখৎ থৌরাং, ঙশ য়োকপা, ইলেক্ত্রোনিক্স অমদি ইনফোর্মেসন তেক্নোলোজী সেক্তরগী চাওখৎ থৌরাংগী প্রজেক্ত কয়া উরেপ উয়ুং তমগনি, শঙ্গাগনি অমদি লৈবাক্কী মফমদা কত্থোক্কনি।

কন্নেক্তিবিতী অমদি ইনফ্রাস্ত্রকচর ফগৎহন্নবা মহাক্কী ৱাফম পরিংদা, প্রধান মন্ত্রীনা রেল প্রোজেক্ত কয়া লৈবাক্কী মফমদা কত্থোক্কনি। মসিদা সমস্তিপুর-বছ্চ্বারা রেল লাইন্দা মতিং লৈনা ত্রেন ওপরেসন তৌবা য়াননবা ওতোমেতিক সিগনেলিংগী থবক য়াওরি। লুপা করোর ৫৮০ হেনবগী দর্ভঙ্গ-সমস্তিপুর দব্লিং প্রোজেক্তকী শরুক অমা ওইনা ত্রেন ওপরেসনগী কেপাসিতী হেনগৎহনগদবা অমদি থিন্থবা হন্থহনগদবা দর্ভঙ্গ-থলৱারা অমসুং সমস্তিপুর-রামভদ্রপুর রেল লাইন দব্লিং তৌবা য়াওরি।

প্রধান মন্ত্রীনা রেল প্রোজেক্ত কয়াগী উরেপ উয়ুংসু তমগনি। মসিদা পাত্লিপুত্রদা বন্দে ভারত ত্রেনশিংগী মেন্তেনেন্সকী ইনফ্রাস্ত্রকচর শেমগৎপা, ত্রেন ওপরেসন মওং মরিল নাইহন্নবা ভত্নি-ছপ্রা গ্রামিন লাইন (কিমি ১১৪)দা ওতোমেতিক সিগ্নেলিং হাপ্পা, ভত্নি-ছপ্রা গ্রামিন সেক্সন্দা ত্রেক্সন সিস্তেম ইনফ্রাস্ত্রকচর মপাঙ্গল কনখৎহন্দুনা অমদি ইনর্জী ইফিসিএন্সী হেনগৎহন্দুনা ত্রেনগী খোঙজেল য়াঙ্খৎহন্নবা ত্রেক্সন সিস্তেম অপগ্রেদ তৌবা, সেক্সনেল কেপাসিতী হেনগৎহন্নবা, পেসেঞ্জর অমদি ফ্রৈত ত্রেন মশিং হেন্না লৈহন্নবা, অৱাং বিহার অমদি লৈবাক্কী মফম অতৈগা শম্নরিবগী চাং হেনগৎহন্নবা লুপা করোর ৪,০৮০ রোম চঙনা দর্ভঙ্গ-নার্কতিয়াগঞ্জ রেল লাইন দব্লিং তৌবগী প্রোজেক্তশিং য়াওরি।

লমদম অসিদা লম্বী-থোংগী ইনফ্রাস্ত্রকচরদা চাউনা ইনোৎ হাপ্পা ওইনা, প্রধান মন্ত্রীনা অপনবা লৈতবা কন্নেক্তিবিতী ফংহনগদবা অমদি খোঙচৎকী মতম তেনশিলহনগদবা অরা-মোনিয়া NH-319 অমসুং পত্না-বুক্সার NH-922 শম্নহল্লিবা NH-319 গী অরা বাইপাস লেন ৪ ওইহন্নবা প্রোজেক্ত উরেপ উয়ুং তমগনি।

প্রধান মন্ত্রীনা পোৎ পুথোক পুশিন অমদি মী চত্থোক চৎশিনগী ফীভম ফগৎহনগদবা, NH-02 গী অরা তাউন (গোল্দন ক্বাদ্রিলেতরেল) গা শম্নহল্লিবা NH-319 গী শরুক অমা ওইনা লুপা করোর ৮২০ হেন্না চঙনা শেমগৎলিবা NH-319 গী পরারিয়াদগী মোহনিয়া ফাওবগী শরুক লেন ৪ ওইহল্লিবা অসিবুসু শঙ্গাগনি। অতৈ প্রোজেক্তশিংগী মনুংদা, মী অমদি পোৎ পুথোক পুশিন্দা কান্নহনগদবা অমদি বিহার অমসুং ঝার্খন্দগী মরক্তা মরুওইবা লম্বী অমা ওইরিবা NH-333C সর্বন দগী চকাই ফাওবা পেব সোল্দরগা লোয়ননা লেন-২ ওইহল্লিবা অসিসু য়াওরি।

প্রধান মন্ত্রীনা IT/ITES/ESDM ইন্দস্ত্রী অমদি স্তার্তঅপশিং য়োকখৎনবা দর্ভঙ্গদা অনৌবা সোফ্তৱ্যার তেক্নোলোজী পার্ক ওফ ইন্দিয়া (STPI) ফেসিলিতী অমদি পত্নাদা STPI গী স্তেত ওফ দি আর্ত ফেসিলিতী শঙ্গাগনি। ফেসিলিতীশিং অসিনা IT সোফ্তৱ্যার অমদি সর্ভিস এক্সপোর্ত হেনগৎহনবদা মতেং পাংগনি। মসিনা মচিন তুমখৎলক্লিবা ওন্ত্রপ্রিন্যুরশীংগী তেক স্তার্তঅপ ইকোসিস্তেম মখোঙ শোমবিগনি, ইনোভেসন IPR অমসুং প্রদক্ত দিভেলপমেন্ত পুক্নিং থৌগৎকনি।

বিহারদা ঙো য়োকপা অমদি এক্বাকল্চরগী লম মপাঙ্গল কনখৎহন্নবা অচৌবা খোঙথাং অমা ওইনা, প্রধান মন্ত্রীনা প্রধান মন্ত্রী মতস্য সম্পদ য়োজনা (PMMSY) গী মখাদা সেংসন তৌখিবা ফিসসরিজ দিভেলপেন্ত প্রোজেক্ত কয়া অমা শঙ্গাগনি। মসিনা বিহারগী তোঙান তোঙানবা দিস্ত্রিক্তশিংদা অনৌবা ফিস হেতচরি, বাইওফ্লোক য়ুনিৎ, ওর্নামেন্তেল ফিস ফার্মিং, ইন্তিগ্রেতেদ এক্বাকল্চর য়ুনিৎ, অমদি ফিস ফীদ মিল য়াওনা মতমগা চুনবা ফিসরিজ ইনফ্রাস্ত্রকচরশিং হৌদোকপা ওইগনি। এক্বাকলচর প্রোজেক্তশিংনা বিহারগী খুঙ্গংগী লমশিংদা থবক্কী খুদোংচাবা শেমগৎপদা, ঙা পুথোকপা হেনগৎহনবদা, ওন্ত্রপ্রিন্যুরসিপ য়োকখৎপদা, অমদি খুন্নাই-শেন্মিৎলোন খোঙজেল য়াঙ্খৎহনবদা মতেং পাংগনি।

তুংগীদমক শেম শারবা রেলৱে নেতৱর্ক প্রোজেক্ত অমগী মঙলান পরিংদা, প্রধান মন্ত্রীনা রাজেন্দ্র নগর তর্মিনেল (পত্না) দগী নই দিল্লী, বাপুধাম মোতিহারিদগী দিল্লী (অনন্দ বিহার তর্মিনেল), দর্ভঙ্গদগী লখ্নৌ (গোমতি নগর), অমদি মাল্দা তাউন্দগী লখ্নৌ (গোম্তি নগর) ভিয়া ভগলপুর ফাওবগী অনৌবা অমৃত ভারত ত্রেন মরি লমথাদুনা লমদম অসিগী কন্নেক্তিবিতী ফগৎহনগনি।

প্রধান মন্ত্রীনা দীনদয়াল অন্ত্যোদয়া য়োজনা-নেস্নেল রুরেল লাইবলিহুদ মিসন (DAY-NRLM) গী মখাদা বিহারগী সেল্ফ-হেল্প গ্রুপ ৬১,৫০০ রোমদা লুপা করোর ৪০০ গী শেনফমসু থাদোক্কনি। নুপীশিংনা লমজিংদুনা চাওখৎপা পুরকপদা মরুওইবা মীৎয়েঙ থমদুনা, নুপী করোর ১০ হেনববু সেল্ফ-হেল্প গ্রুপ (SHGs) শিংগা শম্নহল্লে।

প্রধান মন্ত্রীনা প্রধান মন্ত্রী অৱাস য়োজনা-গ্রামিনগী মখাতা বেনিফিসিরী ১২,০০০ গী য়ুম শঙ্গাবগী শরুক অমা ওইনা বেনিফিসরী খরদা শো খুৎশন্নগনি অমদি বেনিফিসরী ৪০,০০০ গী লুপা করোর ১৬০ হেনবগী শেনফম থাদোক্কনি।

ৱেস্ত বেঙ্গলদা প্রধান মন্ত্রী

প্রধান মন্ত্রীনা ওইল অমসুং গ্যাস, পৱার, রোর, অমসুং রেল সেক্তরগী প্রোজেক্ত কয়া উরেপ উয়ুং তমগনি, শঙ্গাগনি অমদি লৈবাক্কী মফমদা কত্থোক্কনি।

লমদম অসিগী ওইল অমসুং গ্যস ইনফ্রাস্ত্রকচরদা অচৌবা ইনোৎ অমা পীবা ওইনা, প্রধান মন্ত্রীনা ৱেস্ত বেঙ্গলগী বনকুরা অমসুং পুরুলিয়া দিস্ত্রিক্তা লুপা করোর ১,৯৫০ রোমগী ওইগদবা ভারত পেত্রোলিয়ম কোর্পোরেসন লিমিতেদ (BPCL) সিতী গ্যাস দিস্ত্রিব্যুসন (CGD) প্রোজেক্ত উরেপ উরেপ উয়ুং তমগনি। মসিনা য়ুমথোং, কম্মর্সিএল এস্তাব্লিসমেন্ত অমদি ইন্দস্ত্রিএল কস্তমরশিংদা PNG ফংহনগনি অমদি রিতেল আউতলেতশিংদা CNG ফংহনগনি লোয়ননা লমদম অসিদা থবক পীগনি।

প্রধান মন্ত্রীনা প্রধান মন্ত্রী উর্জা গঙ্গা (PMUG) প্রোজেক্ত হায়নসু খঙনবা জগদিসপুর-হল্দিয়া অমদি বোকারো-ধম্রা পাইপলাইন অসিগী শরুক অমা ওইনা শেমগৎলিবা দুর্গাপুর-হল্দিয়া নেচরেল গ্যাস পাইপলাইনগী দুর্গাপুরদগী কোলকতা ফাওবগী সেক্সন (132 Km) লৈবাক্কী মফমদা কত্থোক্কনি। লুপা করোর ১,১৯০ হেন্না চঙনা শেমগৎলিবা দুর্গাপুরদগী কোলকতা ফাওবগী শরুক অসি ৱেস্ত বেঙ্গলগী পুর্ব বর্ধমান, হুগ্লী অমসুং নাদিয়া দিস্ত্রিক্তশিং ফাওদুনা চৎলি। পাইপলাইন অসিনা পায়খৎলিঙৈগী তাঙ্কক্তা দাইরেক্ত অমসুং ইন্দাইরেক্ত এমপ্লোইমেন্ত পীখি, অদুগা হৌজিক্না লমদম অসোমগী য়ুমথোং লাখ কয়াদা নেচরেল গ্যাস ফংহল্লি।

মীপুম খুদিংদা তরু তরুবা নুংশিৎ অমদি হকশেলগী ঙাকশেল ফংহন্নবা মহাক্কী ৱাশক পরিংদা, প্রধান মন্ত্রীনা লুপা করোর ১,৪৫৭ লোম চঙনা দুর্গাপুর স্তীল থর্মেল পৱার স্তেসন, অমসুং দামোদর ভেলী কোর্পোরেসনগী রঘুনাথপুর থর্মেল পৱার স্তেসনগী রেত্রোফিত্তিং পোলুসন কন্ত্রোল সিস্তেম-ফ্লু গ্যাস দিসল্ফরাইজেসন (FGD) লৈবাক্কী মফমদা কত্থোক্কনি। মসিনা লমদম অসিদা হেন্না লু-নানবা মওংদা ইনর্জী পুথোকপা অমদি থবক্কী খুদোংচাবা পীবা হেনগৎহনগনি।

লমদম অসিদা রেল ইনফ্রাস্ত্রকচরগী ফীভম ফগৎহন্দুনা, প্রধান মন্ত্রীনা পুরুলিয়াদা লুপা করোর ৩৯০ হেন্না চঙনা পুরুলিয়া – কোতসিলা রেল লাইন (36 KM) দব্লিং তৌবগী প্রোজেক্ত লৈবাক্কী মফমদা কত্থোক্কনি। মসিনা জমসেদপুর, বোকারো অমদি ধনবাদতা লৈবা ইন্দস্ত্রীশিংগা রাঞ্চি অমসুং কোলকতাদা লৈবা ইন্দস্ত্রীশিংগগী মরক্তা রেল কন্নেক্তিবিতী হেনগৎহনগনি, অমদি পোৎ পু ত্রেনশিং মতিং লৈনা চেনথোক চেনশিন তৌহন্দুনা খোঙচৎকী মতম তেনশিলহনগনি অমসুং ইন্দস্ত্রী অমদি বিজিনেসশিংগী লোজিস্তিক্সকী ফীভম ফগৎহনগনি।

প্রধান মন্ত্রীনা সেতু ভারতম প্রোগ্রামগী মখাদা লুপা করোর ৩৮০ হেন্না চঙনা শাগৎখিবা রোদ ওভর ব্রিদজ (ROBs) অনি পস্চিম বর্ধমানগী তোপসি অমসুং পন্দবেস্বরদা শঙ্গাগনি। মসিনা কন্নেক্তিবিতীগী ফীভম ফগৎহনগনি অমদি রেলৱে লেবেল ক্রোসিংদা এক্সিদেন্তসু থোকহল্লরোই।

***