الیکٹرانکس اور انفارمیشن ٹیکنالوجی کی وزارت کے تحت کامن سروس سینٹر ای گورننس سروسز انڈیا لمیٹڈ (سی ایس سی ایس پی وی) نے یشو بھومی کنونشن سینٹر، دوارکا، نئی دہلی میں ڈیجیٹل انڈیا کے 10 سال کا جشن منایا۔ اس عظیم الشان جشن نے پورے ملک میں ڈیجیٹل اختیار دہی کی ایک دہائی کو اجاگر کیا۔

اس تقریب میں الیکٹرانکس اور اطلاعاتی تکنالوجی کے مرکزی وزیر جناب اشونی ویشنو؛ اور الیکٹرانکس اور اطلاعاتی تکنالوجی مرکزی وزیر مملکت جناب جتن پرساد نے شرکت کی۔

جناب اشونی ویشنو نے بطور مہمان خصوصی پروگرام کا افتتاح کیا۔ اپنے خطاب میں، عزت مآب وزیر نے کہا، "ملک بھر کے وی ایل ای بھائیوں اور بہنوں نے ڈیجیٹل انڈیا کے فوائد ہر شہری تک پہنچا کر ایک قابل ذکر مثال قائم کی ہے۔ جب دنیا نے سوال کیا کہ ایک چائے فروش یا سبزی فروش ڈیجیٹل ادائیگیوں کا استعمال کیسے کر سکتا ہے، آج وہ خواب پورا ہو گیا ہے- یو پی آئی  ادائیگیوں نے ویزا لین دین کو پیچھے چھوڑ دیا ہے۔ یہ 1.4بلین ہندوستانیوں کی طاقت ہے۔"

انہوں نے اس امر کو اجاگر کیا کہ سی ایس سی  ملک میں 90 فیصد مواضعات تک پہنچ چکا ہے اور کہا کہ، ’’اگرکوئی ایسا وسیلہ ہے جو ہر گاؤں تک پہنچ سکتا ہے تو وہ سی ایس سی ہے۔‘‘

جناب ویشنو نے میوربھنج ضلع سے تعلق رکھنے والے وی ایل ای منجولتا اور میگھالیہ سے وی ایل ای روز انجلینا کی متاثر کن کہانیوں کا حوالہ دیا۔ مشکل حالات کے باوجود، دونوں خواتین نے ڈیجیٹل مہارتیں حاصل کیں اور اپنی برادریوں کو بااختیار بنایا۔

انہوں نے مزید کہا، "میگھالیہ میں مشرقی مغربی خاصی پہاڑیوں کے خوبصورت پہاڑیوں اور دور دراز دیہاتوں کے درمیان، خاتون وی ایل ای روز انجلینا ایم کھرسینٹیو نے ایک ڈیجیٹل انقلاب لکھا ہے۔ میرانگ علاقے میں اپنے مرکز کے ذریعے، وہ نہ صرف خدمات فراہم کر رہی ہے بلکہ تبدیلی، بااختیار بنانے اور کمیونٹی سروس کی ایک مثال بھی قائم کر رہی ہے" ۔

وزیر نے مندرجہ ذیل اہم اعلانات بھی کیے:

• تمام وی ایل ایز کے لیے ترجیح کے ساتھ 10 لاکھ افراد کے لیے مفت اے آئی ٹریننگ۔

• تمام وی ایل ایز پر زور دیا کہ وہ آئی آر سی ٹی سی خدمات پیش کرنا شروع کریں۔

• ریاستی آئی ٹی ایجنسیوں کو سی ایس سی – ایس پی وی کے ساتھ مربوط کرنے کے لیے وزرائے اعلیٰ کے ساتھ بات کرنے کے لیے پرعزم۔

جناب جتن پرساد، کامرس اور صنعت اور الیکٹرانکس اور انفارمیشن ٹکنالوجی کے وزیر مملکت، نے ڈیجیٹل تقسیم کو ختم کرنے میں سی ایس سیز کے کردار پر زور دیا "ڈیجیٹل انڈیا کے فوائد کو سماج کے آخری میل تک پہنچانے کے عزم کو ہمارے وی ایل ای بھائیوں اور بہنوں کی مدد سے آگے بڑھایا جا رہا ہے۔ دس سال قبل، جب ہم نے ڈیجیٹل انڈیا پہل قدمی کا آغاز کیا تھا، اس وقت عزت مآب وزیر اعظم  کے پاس ایک ترقی یافتہ بھارت کے لیے سنگ بنیاد رکھنے کا وژن تھا۔"

انہوں نے بتایا کہ 2014 میں صرف 83,000 سی ایس سی مراکز تھے، جبکہ آج ان کی تعداد بڑھ کر تقریباً 5.50 لاکھ ہو گئی ہے۔ انہوں نے سی ایس سی مراکز کے ساتھ پرائمری ایگریکلچر کریڈٹ سوسائٹیز (پی اے سی ایس ) کے انضمام پر زور دیا اور 74,000 سے زیادہ خواتین وی ایل ای کو تسلیم کیا جو بااختیار بنانے میں نئے معیارات قائم کر رہی ہیں۔

انہوں نے کہا کہ "اب ہم مصنوعی ذہانت کے دور میں ہیں، اور یہ تیزی سے آگے بڑھ رہا ہے۔ وقت کے ساتھ، ہمیں لوگوں کی زندگیوں میں مثبت تبدیلی لانے اور انہیں بااختیار بنانے کے لیے نئی ٹیکنالوجیز کا استعمال کرنا چاہیے۔"

انہوں نے خاص طور پر زراعت، صحت اور تعلیم کے شعبوں میں بیداری، سائبرسیکیوریٹی، اور صلاحیت سازی کو مضبوط بنانے کی ضرورت پر بھی روشنی ڈالی۔ انہوں نے وی ایل ایز کو اپنی آمدنی بڑھانے کے لیے اپ ڈیٹ کلائنٹ لائٹ اور ریاستی حکومت کی خدمات فراہم کرنے کی اجازت دینے کی سفارش کی۔

معززین کا خیرمقدم کرتے ہوئے، جناب سنجے راکیش، منیجنگ ڈائریکٹر اور سی ای او، سی ایس سی ایس پی وی ، نے کہا کہ "سی ایس سی کے ساتھ، سرکاری خدمات حاصل کرنے کے لیے شہروں کا دورہ کرنے کی ضرورت نہیں ہے۔ سی ایس سی مراکز ملک کے دور دراز علاقوں میں جی2سی اور بی 2 بی خدمات دہلیز پر فراہم کر رہے ہیں، جس سے ڈیجیٹل بااختیار بنانے میں مدد ملے گی۔" انہوں نے یہ بھی کہا کہ "گزشتہ 10 برسوں میں، سی ایس سی ڈیجیٹل انڈیا کے ایک ماڈل کے طور پر ابھرا ہے جو شمولیت اور بااختیار بنانے کے ایک نئے نمونے کی نمائندگی کرتا ہے۔ مجھے پورا یقین ہے کہ عزت مآب وزیر اعظم کے سب کا ساتھ، سب کا وشواس کے منتر کے ساتھ آگے بڑھ کر، ہم ملک کو نئی بلندیوں پر لے جائیں گے۔"

ملک گیر سطح پر سی ایس سی دیوس منایا گیا

سی ایس سی کا دن ملک بھر میں جوش و خروش سے منایا گیا۔ دہلی میں، 15-16 جولائی، 2025 کو ایک دو روزہ جشن کا انعقاد کیا گیا۔ 15 جولائی کو، تمام ریاستوں کے آئی ٹی سکریٹریوں نے بھارت منڈپم میں دیہی بااختیار بنانے، ای گورننس کے مستقبل، اور سی ایس سی کے کردار پر غور و خوض کرنے کے لیے اجلاس کیا۔

یکم اور 15 جولائی کے درمیان، ملک بھر میں سی ایس سی نے اس موقع کو فعال عوامی شرکت کے ساتھ منایا۔ اعلیٰ کارکردگی کا مظاہرہ کرنے والے وی ایل ایز کو ڈیجیٹل شمولیت کو آگے بڑھانے میں ان کی شاندار شراکت کے لیے اعزاز سے نوازا گیا۔

ڈیجیٹل انڈیا اور سی ایس سی: تغیر کی ایک دہائی

2015 میں عزت مآب وزیر اعظم جناب نریندر مودی کے ذریعہ شروع کیا گیا، ڈیجیٹل انڈیا پروگرام کا مقصد ٹیکنالوجی کو ہر ہندوستانی کے لیے قابل رسائی بنانا ہے۔ دہائی (2015–2025) کے دوران، اس پہل نے ڈیجیٹل تقسیم کو ختم کیا ہے اور گورننس، مالی شمولیت، اور انٹرنیٹ تک رسائی کو تبدیل کیا ہے، جس سے ہندوستان دنیا کی تیسری سب سے بڑی ڈیجیٹل معیشت بن گیا ہے۔

سی ایس سی ایس پی وی، الیکٹرانکس اور اطلاعاتی  تکنالوجی کی وزارت کے تحت 2009 میں قائم ہوا، دنیا کے سب سے بڑے ڈیجیٹل سروس ڈیلیوری ایکو سسٹم کے طور پر ابھرا ہے، جس میں 5.5 لاکھ سے زیادہ آپریشنل مراکز ہیں۔ ہر سی ایس سی کو ایک گاؤں کی سطح کے کاروباری (وی ایل ای) کے ذریعے چلایا جاتا ہے، جو کہ ایک مقامی تبدیلی ساز ہے جو شہریوں پر مبنی خدمات فراہم کرتا ہے بشمول:

• آدھار اندراج اور اپ ڈیٹس

• پین کارڈ اور پاسپورٹ خدمات

• بینکنگ اور انشورنس

ٹیلی میڈیسن اور تعلیمی خدمات

• ٹیلی لا کے ذریعے مہارت کی ترقی اور قانونی امداد

• زرعی خدمات، گرامین ای اسٹور (بی 2 بی)،  یوٹیلیٹی بل کی ادائیگی، اور مزید

**********

 (ش ح –ا ب ن)

U.No:2825