کامر اور صنعت کی وزارت کے تحت صنعت اور داخلی تجارت کے فروغ کے محکمے (ڈی پی آئی آئی ٹی)نے، جواسٹارٹ اپ انڈیا پروگرام کے تحت ایک اہم اقدام ہے، نیشنل اسٹارٹ اپ ایوارڈز (این ایس اے) کے پانچویں ایڈیشن کے لیے درخواستوں کا عمل شروع کیا ہے۔

آتم نربھر بھارت کے حکومت کے وژن اور پانچ ٹریلین ڈالر کی معیشت کے ہدف سے مطابقت رکھتے ہوئے،ا سٹارٹ اپ کو تسلیم کرنے ٹیکس میں چھوٹ ضابطوں میں نرمی ، فنڈ میں رسائی اور صلاحیت سازی جیسے اقدامات کے ذریعے اسٹارٹ اپ انڈیا اسٹارٹ اپس کی حمایت کرتا ہے۔

اعلیٰ اثر والے منصوبوں کو منانے اور اس کی نشاندہی کرنے کے لیے، ڈی پی آئی آئی ٹی نے 2019 میں نیشنل اسٹارٹ اپ ایوارڈز کا آغاز کیا۔ مذکورہ  ایوارڈز نہ صرف تجارتی کامیابی بلکہ سماجی اثرات، پائیداری، اور توسیع پذیری کو بھی تسلیم کرتے ہیں۔ سب سے حالیہ ایڈیشن کو 2,300 سے زیادہ درخواستیں موصول ہوئی ہیں، جو اس پہل کی گہرا ئی تک پہنچ اور بڑھتی ہوئی ساکھ کی عکاسی کرتی ہے۔

این ایس اے میں درخواست دینے والے اسٹارٹ اپس کی جانچ ایک سخت ملٹی اسٹیج پروسیس کے ذریعے کی جاتی ہے جس میں اہلیت کی اسکریننگ، سیکٹرل شارٹ لسٹنگ اور ماہرانہ پینلز کی تشخیص شامل ہوتی ہے جس میں صنعت کے رہنما، سرمایہ کار، ماہرین تعلیم اور سرکاری افسران شامل ہوتے ہیں۔ ڈی پی آئی آئی ٹی متعلقہ وزارتوں اور محکموں کی سرگرم شمولیت کے ساتھ عملدرآمد کی قیادت کرتا ہے تاکہ اس بات کو یقینی بنایا جا سکے کہ فاتح قومی ترجیحات اور شعبہ جاتی تنوع کی عکاسی ہو۔

این ایس اے ڈومینز کی ایک وسیع رینج کا احاطہ کرتا ہے جس میں زراعت، صاف توانائی، فنٹیک، ایرو اسپیس، صحت، تعلیم، سائبر سیکیورٹی، اور رسائی شامل ہیں۔ ہر ایڈیشن میں نئے زمرے متعارف کرائے جاتے ہیں تاکہ ابھرتے ہوئے چیلنجوں اور مواقع سے ہم آہنگی حاصل ہوسکے۔

نقد انعام سے زیادہ، این ایس اے کی پہچان قومی ساکھ کے نشان کے طور پر کام کرتی ہے، جو جیتنے والوں کو شراکت، سرمایہ کاروں، پالیسی مدد، عالمی مرئیت اور رہنمائی کے مواقع تک رسائی کے اہل بناتی ہے۔ ماضی کے کئی فاتحین نے پالیسی پر اثر انداز ہونے، بڑے گرانٹس حاصل کرنے اور بین الاقوامی سطح پر اپنی ساکھ کو بڑھایا ہے۔

مثالوں میں درج ذیل شامل ہیں:

• انومیشن میڈیکل ڈیوائسز: آواز کے مصنوعی اعضاء میں جدت کے لیے پہچانا گیا، بعد میں ٹاٹا سوشل انٹرپرائز چیلنج اور بین الاقوامی پلیٹ فارمز میں نمایاں کیا گیا۔
• میکوب: اسٹارٹ اپ کے ساتھ صدارت کے لئے اقدام میں مدعو کیا گیا اور آئی ڈیکس کے ذریعے دفاعی آرڈرز حاصل کیے گئے۔
• بلیک فروگ ٹیکنالوجیز: ان کی پروڈکٹ ایموولیو، جو کہ ڈبلیو ایچ او کی جانب سے پہلے سے تیار کردہ ویکسین کیریئر ہے، اب 16 ہندوستانی ریاستوں اور کینیا، نائیجیریا اور فجی جیسے ممالک میں استعمال ہوتی ہے۔

نیشنل اسٹارٹ اپ ایوارڈز 2025 ہندوستان کے اختراعی سفر میں ایک اہم ستون کی حیثیت رکھتا ہے، تبدیلی کرنے والوں کی شناخت کرتا ہے اور ایک جرات مندانہ، جامع نیز خود انحصار وِکست بھارت کی تشکیل میں مدد کرتا ہے۔

درخواستیں وصول  کرنے کاعمل ذیل پر جاری ہے:

https://rb.gy/3bg0yf

2016 میں شروع  کئے گئے ،ا سٹارٹ اپ انڈیا نے ہندوستان کے کاروباری منظر نامے کو تبدیل کر دیا ہے، جدت طرازی کو فروغ دیا ہے اور خاص طور پر نوجوانوں، خواتین، طلباء، اور پہلی بار  کے بانی افرادکو جن کا تعلق دوسرے درجے اور تیسرے درجے کے شہروں سے ہے، بااختیار بنایا ہے۔ ڈی پی آئی آئی ٹی کے ذریعہ اب تک 1.75 لاکھ سے زیادہ اسٹارٹ اپس کو تسلیم کیا گیا ہے، جو ہندوستان کے تقریباً ہر ضلع کی نمائندگی کرتے ہیں اور مختلف شعبوں بشمول زراعت، صحت، تعلیم، توانائی، اور گہری ٹیکنالوجی کو عام کرتے ہیں۔

 

****

ش ح۔ش م ۔ع د

UNO-2741

(Release ID: 2144635)