பீகாரில் வாக்காளர் பட்டியல் தீவிர சிறப்பு திருத்தத்தில் வாக்காளர்களின் தீவிர பங்கேற்பு மற்றும் தேர்தல் அதிகாரிகள், தன்னார்வலர்கள் மற்றும் அனைத்து அங்கீகரிக்கப்பட்ட அரசியல் கட்சிகளாலும் நியமிக்கப்பட்ட 1.56 லட்சம் வாக்குச்சாவடி நிலையிலான முகவர்கள் ஆகியோரின் அயராத முயற்சிகள் காரணமாக, முதல் 15 நாட்களில் 57.48% கணக்கெடுப்பு படிவங்கள் சேகரிக்கப்பட்டுள்ளன, இன்னும் 16 நாட்கள் மீதமுள்ளன.

 

இன்று மாலை 6.00 மணி நிலவரப்படி, பீகாரில் உள்ள மொத்த 7,89,69,844 (கிட்டத்தட்ட 7.90 கோடி) வாக்காளர்களில் 57.48% ஆக இருக்கும் 4,53,89,881 பேரிடம் இருந்து கணக்கெடுப்பு படிவங்கள் பெறப்பட்டுள்ளன.  கடந்த 24 மணி நேரத்தில், அதாவது நேற்று மாலை 6.00 மணி முதல், 83,12,804 கணக்கெடுப்பு படிவங்கள் சேகரிக்கப்பட்டுள்ளன, இது ஒரே நாளில் 10.52% ஆகும்.

 

களத்தில் இதே வேகத்தைத் தக்க வைத்துக் கொண்டால், மீதமுள்ள சுமார் 42.5% படிவங்களை சேகரிப்பதற்கு நிர்ணயிக்கப்பட்ட தேதிக்கு முன்பே, அதாவது ஜூலை 25, 2025 க்கு முன்பே முடிக்க முடியும்.

 

 வாக்காளர் பட்டியல் தீவிர சிறப்பு திருத்த வழிகாட்டுதல்களின் பத்தி 3(டி), ஆர்பி சட்டம் 1950 இன் பிரிவு 20(1ஏ) இன் படி, தற்காலிகமாக இடம்பெயர்ந்தவர்கள் உட்பட, ஏற்கனவே உள்ள வாக்காளர்கள், https://voters.eci.gov.in  என்ற இணையதளத்தில் முன் நிரப்பப்பட்ட கணக்கெடுப்பு படிவத்தைப் பதிவிறக்கம் செய்யலாம். தற்காலிகமாக இடம்பெயர்ந்த வாக்காளர்கள், கணக்கெடுப்பு படிவத்தை அச்சிட்டு கையொப்பமிட்டு, ஜூலை 25, 2025 க்கு முன், தங்கள் குடும்ப உறுப்பினர்கள் மூலமாகவோ அல்லது வாட்ஸ்அப் அல்லது இணைய வழியிலும் தங்கள் வாக்குச்சாவடி நிலையிலான முகவர்களுக்கு அனுப்பலாம், இதனால் அவர்களின் பெயர்கள் வரைவு வாக்காளர் பட்டியலில் சேர்க்கப்படும்.

 

சிறப்பு திருத்த செயல்முறை தொடங்கியதிலிருந்து கடந்த 15 நாட்களில், 7.90 கோடி படிவங்கள் அச்சிடப்பட்டு, கிட்டத்தட்ட 98% படிவங்கள் (7.71 கோடி) ஏற்கனவே வாக்காளர்களுக்கு விநியோகிக்கப்பட்டுள்ளன.

 

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்:

https://www.pib.gov.in/PressReleasePage.aspx?PRID=2143479

 

-----

(Release ID: 2143479)

RB/DL

(Release ID: 2143578)