ঙসি NITI আয়োগনা নোর্থ ইস্তর্ন রিজন (NER) দিস্ত্রিক্ত সস্তেনেবল দিবেলপমেন্ত গোল্স (SDG) ইন্দেক্স রিপোর্ত (2023-24) গী অনিশুবা ইদিসন ফোঙখ্রে। ইন্দেক্স অসি UNDPগী তেক্নিকেল সপোর্তকা লোয়ননা NITI আয়োগ অমসুং অৱাং-নোংপোক লমদমগী চাউখৎ-থৌরাং মন্ত্রালয় (MoDoNER) না পুথোক্লি। ইন্দেক্স অসিনা 2021গী ওগস্ত 26তা ফোংখিবা অহানবা ইদিসনগী মোমেনতম অদুদা য়ুম্ফম ওইদুনা SDGশিংদা অৱাং নোংপোক্কী রাজ্য 8গী দিস্ত্রিক্তশিংগী পরফোর্মেন্স চাংদম্নরি।

2023-24 ইন্দেক্স অসি রিজনেলগী থাক্তা মোনিতরিং ফগৎহনবদা মরু ওইবা মাইলস্তোন অমনি। ইন্দেক্স অসিনা NERদা কনা অমত্তবুসু শোত্থনা লৈহনদবগা লোয়ননা সোসিএল, ইকনোমিক অমসুং এনভাইর্নমেন্তেল দাইমেন্সনশিংদা চাউখৎ-থৌরাংগী শিংনবশিং কোকহন্নবগীদমক অচেৎপা ৱাফম অদু উৎলি। NITI আয়োগকী SDG ইন্দিয়া ইন্দেক্স মেথোদোলোজীদা য়ুম্ফম ওইদুনা, মসিনা লমদম অসিদা দিস্ত্রিক্তকী থাক্তা চাউখৎ-থৌরাংগা মরী লৈনবা খোংজেল য়েংশিন্নবা মরুওইবা খুৎলাই অমা ওইনা থবক তৌরি।

শ্রী সুমন বেরি, NITI আয়োগকী ভাইস চেয়রমেন; শ্রী বি.ভি.আর. সুব্রহ্মনিয়ম, NITI আয়োগকী CEO; অৱাং-নোংপোক লমদমগী চাউখৎ-থৌরাং মন্ত্রালয়গী সেক্রেতরী শ্রী চঞ্চল কুমার; অমসুং UNDP, ইন্দিয়াগী রেসিদেন্ত রিপ্রজেন্তেতিব, দা. এঞ্জেলা লুসিগিনা শ্রী রাজীব কুমার সেন, প্রোগ্রাম দাইরেক্তর (SDG), NITI আয়োগ অমসুং অতোপ্পা সেনিয়র ওফিসিএলশিংগা লোয়ননা রিপোর্ত অসি ফোঙখি।

কোওপরেতিব ফেদরেলিজমগী অশেংবা ৱাখল্লোন্দা, খোঙথাং অসিনা অৱাং-নোংপোক্কী রাজ্য 8, NITI আয়োগ, অমসুং MDoNER অসিবু সস্তেনেবল অমসুং ইনক্লুসিব দিবেলপমেন্তগী অপুনবা খোঙথাং অমগীদমক পুনশিল্লি।

মহাক্কী ৱারোলদা, NITI আয়োগকী ভাইস চেয়রমেন, শ্রী সুমন বেরীনা হায়খি মদুদি ভারতনা 2047 ফাওবদা ভিক্সিৎ ভারতকী মঙলানগী মায়কৈদা খুমাং চাউশিল্লকপগা লোয়ননা, 2030 ফাওবদা SDGশিংগুম্বা ইন্তরমিদিয়ত মাইলস্তোনশিং ফংহনবা অসি য়াম্না মরু ওই।

NITI আয়োগকী CEO, শ্রী বি. ভি. আর. সুব্রহ্মনিয়মনা ইকাই খুম্নরবা প্রধান মন্ত্রীনা লমদম অসিবু রাজ্য 8গী অষ্টলক্ষ্মী হায়না মিংথোল পীখি অমসুং মখোয়গী চাউখৎপা অমসুং খুমাং চাউশিল্লকপগী মরুওইবা অদু পনখি।

MDoNERগী সেক্রেতরী শ্রী চঞ্চল কুমারনা ইন্দেক্সকী থৌদাং অসি গেপশিং মশক খঙদোক্নবা, থবক পায়খৎপা য়াবা ইনসাইৎশিং পীবা অমসুং রিসোর্সশিং মপুং ফানা শীজিন্ননবা লমজিং-লমতাক্নবগীদমক খুৎলাই অমা ওইহনবনি হায়না ফোংদোকখি।

UNDPগী রেসিদেন্ত রিপ্রজেন্তেতিব, দা. এঞ্জেলা লুসিজিনা হায়খি মদুদি খ্বাইদগী মরুওইবা ৱাফমদি দেতা পোইন্ত খুদিংমকপু মীওইবগী চাউখৎ থৌরাংগী আউৎকমশিং হেনগৎহনগদবা আর্থ লৈরবা থবক ওইনা ওন্থোকপা হায়বসিনি।

NER রিজনগী ওভরওল পরফোর্মেন্স:

হৌখিবা ইদিসন অসিদা দিস্ত্রিক্তশিংগী ওইবা রাজ্য অমমমগী ওভরওল পরফোর্মেন্স:

মহৈশিং অমসুং খঙবা ঙমখিবশিং

জিলা 121 অসিগী কম্পোজিৎ স্কোর অসি অরুনাচল প্রদেশকী লোংদিংদা 58.71দগী মিজোরামগী হনাথিয়ালদা 81.43 ফাওবা ওইরি। দিস্ত্রিক্তশিং অসি কাঙলুপ মরি থোক্না খায়দোকই: i) এচিবর: স্কোর অসি 100গা মান্নৈ (মশক খঙদোক্লবা ইন্দিকেতরশিংগীদমক লেপখিবা পান্দমশিং ফংলে); ii) ফ্রান্ত রন্নর: স্কোর অসি 65 অমসুং 99গী মরক্তা (100 নত্তনা); iii) পরফোর্মর: স্কোর অসি 50 অমসুং 65গী মরক্তা (65 নত্তনা); অমসুং iv) এস্পিরেন্ত: স্কোর অসি 50দগী হন্থৈ।

NER দিস্ত্রিক্ত SDG ইন্দেক্স 2023-24দা লৈরিবা মকোক থোংবা দিস্ত্রিক্ত 10:

মিজোরাম, সিক্কিম অমসুং ত্রিপুরাদা লৈরিবা দিস্ত্রিক্ত পুম্নমক ফ্রন্ত রন্নরগী থাক্তা লৈরে, এস্পিরেন্ত নৎত্রগা এচিবরগী কাংলুপতা দিস্ত্রিক্ত অমত্তা য়াওদে। মিজোরামদা অৱাং নোংপোক লমদম পুম্বদা খ্বাইদগী ৱাংবা স্কোরিং দিস্ত্রিক্ত লৈ (হনাথিয়ালদা 81.43) অমসুং অরুনাচল প্রদেশতা লমদম পুম্বদা খ্বাইদগী নেম্বা স্কোরিং দিস্ত্রিক্ত লৈ (লোংদিংদা 58.71) ।

সিক্কিমদা খ্বাইদগী ৱাংবা অমসুং খ্বাইদগী হন্থবা দিস্ত্রিক্তকী স্কোরগী মতুং ইন্না খ্বাইদগী পীকপা রেঞ্জ (পোইন্ত 5.5) লৈরি। ত্রিপুরাদা ইন্ত্রা স্তেৎ ভেরিএসন (পোইন্ত 6.5) য়াম্না নেম্না লৈবা খ্বাইদগী ৱাংবা স্কোর লৈবা দিস্ত্রিক্তশিংগী মরক্তগী খরগী খেন্নবা লৈ। মিজোরম অমসুং নাগালেন্দদা খ্বাইদগী ৱাংবা স্কোর লৈবা দিস্ত্রিক্ত খরা লৈরি অদুবু খেন্নবশিংসু উবা ফংই (মথং শীৎনা 13.72 অমসুং 15.07গী রেঞ্জ) ।

রাজ্য অমমমগী ওইনা লৈরিবা খ্বাইদগী ৱাংবা অমসুং খ্বাইদগী নেম্বর স্কোরশিং:

• অরুনাচল প্রদেশ: লোৱর দিবাং ভেল্লী (73.36) দগী লোংদিং (58.71)
• অসাম: দিব্রুগর স(74.29), সাউথ সলমারা-মনকছার (59.71)
• মনিপুর: ইম্ফাল ৱেস্ত (73.21), ফেরৱোল (59.71)
• মেঘালয়: ইস্ত খাসি হিল্স (73.00), ইস্ত জেনসিয়া হিল্স (63.00)
• মিজোরাম: হনাথিয়াল (81.43), লৌংত্লাই (67.71)
• নাগালেন্দ: মোকোকচুং (78.43), জুনহেবোতো (63.36)
• সিক্কিম: গেংতোক (76.64), গ্যালসিং (71.14)
• ত্রিপুরা: গোমাতি (78.79), ধালাই (72.29)

NER দিস্ত্রিক্ত SDG ইন্দেক্স 2023-24 অসি ইভিদেন্সতা য়ুম্ফম ওইবা প্লানিং, রিসোর্স এলোকেসন অমসুং দিবেলপমেন্তেলগী ওইবা খোঙথাংশিংগী মোনিতরিংগীদমক মরুওইবা পোলিসী তুল অমনি। দিস্ত্রিক্তকী থবকশিংদা চাউনা ফগৎলকপা অসিনা এস্পিরেস্নেল দিস্ত্রিক্ত প্রোগ্রামগুম্বা থৌরাংশিংগী খুত্থাংদা লোকেলাইজেসনগী থবকশিংগা লোয়ননা নেস্নেল ফ্ল্যাগশিপ স্কিমশিংগী ইম্পেক্ত অদু উৎলি। ইন্দেক্স রিপোর্ত অসিনা দিস্ত্রিক্ত লেভেলগী অকুপ্পা মরোলশিং অমসুং 2030 ফাওবদা SDGশিং ফংনবগী মায়কৈদা খোঙজেল য়াংখৎহন্নবা রিকমেন্দেসনশিং পীরি। মসিনা লমদম অসিগী চাউখৎ থৌরাংগী খোঙচৎতা দিস্ত্রিক্ত অমত্তা শোত্থনা লৈহন্দনবা থাজবা পীরি।

*****